လၢမူဖျၢၣ်ဒီးဆၣ်တဖၣ် လဲၤတရံးတၢ်အကျဲလၢ မါ(ရ)(စ)(Mars)ဒီး ကၠူပံၣ်တၣ်(Jupiter) တၢ်လဲၤတရံးချ့ချ့ အဘၢၣ်စၢၤ, လၢမူဖျၢၣ်ဆံးတဖျၢၣ်အပူၤ တၢ်ထူးတၢ်တီၤ အိၣ်ဝဲလၢ အကၢပှ့ၤ စ့ဒီလၣ် လၢအကဘီတဖၣ် အကဘီန့ၣ်လီၤ. စဲအ့ၣ်ၦၤကူၣ်သ့တဖၣ် စံးလၢမူဖျၢၣ်ဆံး ဆဲၣ်ခံၣ် ၁၆ (16-Psyche)အပူၤ, ပၥ်ဖှိၣ်ထီၣ်သးဒီး ဟီၣ်လၥ်ပနံၣ် ဒ်အမ့ၢ်ထူ, ထး, နံးကၢၣ်(လ)(nickel) ဒီးထူဝါ လၢအကၢပှ့ၤ စ့ဂီၢ်မုၢ်ဂီၢ်ပၤလၢ တၢ်ဂံၢ်က့ၤတသ့ဒၣ်လဲၥ်န့ၣ်လီၤ. လၢတၢ်အကတီၢ်ခဲအံၤ, ၦၤဟီၣ်ခိၣ်ဖိတဖၣ်, တဂုၥ်ကျဲးစၢး ခူၣ်တၢ်ထူးတၢ်တီၤ လၢအအါဝဲဂီၢ်ဝဲအံၤ ဒံးဘၣ်ဆၣ်, ၦၤအမဲရကၣ်ဖိတဖၣ်တခီ, တိၥ်လီၤတၢ်ဆူ ကဆှၤလီၤမူပျီကဟၣ်ယူၤ လၢတၢ်ကမၤလိကွၢ် လၢၢ်လ့လၢအလုၢ်ပှ့ၤဒိၣ်တဖၣ် ဆူမူဖျၢၣ်ဆံးန့ၣ်လီၤ.

တၢ်အၢၣ်လီၤလၢ တၢ်ထူးတီၤဒိၣ်ဒိၣ်ယိာ်ယိာ်လၢတၢ်ဖီၣ်အီၤ တတုၤ ကမ့ၢ်တၢ်လၢအမၤတကွဲၦၤအသးဒီး မၤသဘံၣ်ဘုၣ်တၢ်စ့ၢ်ကီးန့ၣ်လီၤ. တၢ်လီၤတံၢ်လၢတၢ်အကတီၢ်မ့ၢ်တုၤ, ၦၤစဲၣ်နိးလၢ ကလဲၤတုၤဆူမူဖျၢၣ်ဆံးဖိတဖၣ် လၢကခူၣ်န့ၣ် တၢ်ထူးတၢ်တီၤသ့ၣ်သ့ၣ်န့ၣ်လီၤ.

ဘၣ်ဆၣ်, တၢ်ထူးတၢ်တီၤဒိၣ်ဒိၣ်မုၢ်မုၢ် လၢပဖီၣ်အီၤတုၤတခီ, မ့ၢ်တၢ်မနုၤ သ့ၣ်တဖၣ်အိၣ်ဒ်လဲၣ်. တမ့ၢ်တၢ်လၢၦၤကိးဂၤ, ဃုထံၣ်တၢ်အံၤဘၣ်ဧါ လၢတၢ်ကွဲးအီၤလၢနံၣ်ကယၤတၢ, လၢရိမ့ၤတၢ်အိၣ်ဖှိၣ်, ၦၤတၢ်မၢစီၤပီလူး တဲဖျါတၢ်ဂ့ၢ် လၢတၢ်ထူးတၢ်တီၤတဖၣ် လၢတၢ်မၤန့ၢ်အီၤသ့လၢ, ပထံၣ်န့ၢ်အီၤ လၢပတၢ်ရ့လိၥ်ဘၣ်ထွဲ ဒီးကစၢ်ယွၤန့ၣ်လီၤ. အဝဲကွဲးဖျါထီၣ်ဝဲလၢ, “ယွၤအတၢ်ထူးတၢ်တီၤ ဒီးအတၢ်ကူၣ်ဘၣ်ကူၣ်သ့ ဒီးအတၢ်သ့ၣ်ညါန့ၣ် မ့ၢ်အယိာ်ဆံးဒိၣ်လဲၣ်” (ရိမ့ၤ ၁၁:၃၃). လံၥ်စီဆှံအၦၤကူၣ်သ့ ကၠ့(မ)(စ)ဒဲနံၣ်(James Denney) ပၥ်ဖျါထီၣ်လၢ တၢ်ထူးတၢ်တီၤတဖၣ်အံၤ ဒ်“တၢ်အဲၣ်လၢအထူးဝဲတီၤဝဲလၢ တၢ်ဃုသ့ၣ်ညါအီၤတန့ၢ်တသ့, ခီဖျိတၢ်အဲၣ်အံၤ ယွၤမၤလၢပှဲၤဟီၣ်ခိၣ်အတၢ်လိၣ်အါန့ၢ်အန့ၣ်န့ၣ်လီၤ.

တၢ်အံၤတမ့ၢ်တၢ်လၢပလိၣ်ဘၣ်ဝဲ, လၢအဒိၣ်န့ၢ်ထူလၢမူဖျၢၣ်အံၤ လၢအအိၣ် စီၤစုၤဒီးၦၤန့ၣ်ဘၣ်ဧါ. ပခူၣ်ထုးထီၣ် တၢ်ထူးတၢ်တီၤလၢအမ့ၢ်ကစၢ်ယွၤအတၢ်ကူၣ်သ့ ဒီးတၢ်သ့ၣ်ညါလၢအဘၣ်တၢ်ထံၣ်န့ၢ်အီၤ လၢလံၥ်စီဆှံအပူၤ ဒ်ယွၤအသးမုၢ်စီဆှံအတၢ်ကမၤစၢၤၦၤအသိး သ့ဝဲန့ၣ်လီၤ. မ်ကစၢ်ယွၤဒုးနဲၣ်ၦၤဆူ တၢ်ကခူၣ်တၢ်ထူးတၢ်တီၤတဖၣ် ဆူတၢ်ကသ့ၣ်ညါအီၤ ဒီးပၥ်လုၢ်ပၥ်ပှ့ၤအါထီၣ်အီၤ န့ၣ်တက့ၢ်.