ဖဲလါအီးကထိဘၢၣ် တၢ်အိၣ်ဘှံးကသူၣ်လၢ တၢ်ဖံးတၢ်မၤအဆၢကတီၢ် အခီၣ်ထံး တဘျုးသီ ယဘၣ်အိၣ်ဘှံးမၤဘျါက့ၤ ယတၢ်ဆါဒၣ်ယဲ ဖဲယဒၢးပူၤန့ၣ်လီၤ. ယသးပူၤ စ့ၢ်ကီး တၢ်ဘၣ်ယၤတမုၥ်ဝဲဒၣ် ဒ်မူခိၣ်တၢ်အၢၣ်အုးအသိးန့ၣ်လီၤ. လၢခံယဒိးန့ၢ်ဘၣ်လၢယကဟးကသူၣ်ယသးလၢယဝၤ ဟးကွၢ်လိၥ်ကွဲတၢ်ဖဲ တၢ်ဒုးနဲၣ်မ့ၣ်အူအတၢ် ကပီၤလၢ ကဘီသ့ၣ်တဖၣ်အဂီၢ် ဘၣ်ဆၣ်ဒီးတၢ်အၢၣ်အုးတဖၣ် မၤသဒၢဃၣ် ပတၢ်ထံၣ်ဟးကွၢ်တၢ်န့ၣ်လီၤ. ဖဲန့ၣ် ယဒိန့ၢ်တၢ်ဂီၤတဖၣ်လၢ ကစၢၢ်အကဒုအကျါန့ၣ်လီၤ.

လၢခံတၢ်မၤအသးလၢ မူခိၣ်ထံစူၤလီၤဒိၣ်ဒိၣ်အဃိလၢ တၢ်သးဟးဂီၤအပူၤ ပဘၣ်ဟဲက့ၤကဒါက့ၤ ဒ်မုၢ်နၤတၢ်ခံးလီၤအဃိန့ၣ်လီၤ. ယကွၢ်ကဒါက့ၤ တၢ်ဂီၤတဖၣ် လၢ ယဒိန့ၢ်အီၤဒီး လၢသူၣ်ပိၢ်သးဝးအပူၤ ယဒုးနဲၣ်ယဝၤ “တၢ်ကွဲး” န့ၣ်လီၤ. အဆိ တၢ်မၤအသးလၢ ပတၢ်လဲၤအိၣ်ဒီးတၢ်အၢၣ်အုးအဃိ ယတပၥ်သူၣ်ပၥ်သးဘၣ် ကစၢ်ယွၤ အတၢ်မၤသီမၤဂ့ၤထီၣ်က့ၤ ယသးလၢအိၣ်ၦဲၤဒီးတၢ်သူၣ်လီၤဘှံးလီၤဘှါ ခီဖျိ တၢ်မုၢ်လၢ် (၁ မိၤ ၉:၁၃-၁၆) လၢ တၢ်တဆိကမိၣ်ဘၣ်တၢ်အပူၤန့ၣ်လီၤ.

ပနီၢ်ခိနီၢ်သးအတၢ်ဘၣ်ဒိဆါတဖၣ် ကဲထီၣ် ပတၢ်မုၢ်လၢ်လီၤမၢ်ဒီး ထုးလီၤၦၤ ဆူတၢ်အယိာ်န့ၣ်လီၤ. ထါစံးထီၣ်ပတြၢၤ ၄၂:၁-၃ အပူၤ ပထံၣ်ဘၣ်တၢ်ဆၢဒိးန့ၢ်ဘၣ် တၢ်မၤသီမၤဂ့ၤထီၣ်က့ၤ ပနီၢ်ခိနီၢ်သးလၢၥ်သူၣ် လၢၥ်သး ဒီးတၢ်ဒုးသ့ၣ်ညါက့ၤၦၤ ဘၣ်ဃးဒီးကစၢ်ယွၤအိၣ်ဒီးၦၤ ဒီးအတၢ်စိတၢ်ကမီၤလီၤထူလီၤယိာ်န့ၣ်လီၤ. တဘျီဃီ အဆၢဖိ ၄-၆ ပၥ်ဖျါဃုၥ်ဝဲ ပကသ့ၣ်နီၣ်က့ၤ ကစၢ်ယွၤအတၢ်ဟဲမၤစၢၤၦၤ ဒီးၦၤအဂၤ တဖၣ်လၢ ပဂံၢ်ထီၣ်ဒွးထီၣ်တလၢၥ်လၢ ပတၢ်အိၣ်မူအပူၤကွံၥ်အပူၤန့ၣ်လီၤ. ပနၥ် ကစၢ်ယွၤ သ့ဝဲဒၣ်လၢ ပတၢ်မုၢ်လၢ်အိၣ်ဂၢၢ်ဆိးကျၢၤလၢ ကစၢ်ယွၤ ဖဲပတူၢ်ဘၣ် တသူၣ်ကၢ်သးလီၤဘှါအဆၢကတီၢ်တဘျီလၢ်လၢ်န့ၣ်လီၤ.
ဖဲတၢ်ပၥ်သူၣ်ပၥ်သး အတဂ့ၤတဖၣ် လၢပလိၤ ဒီးတၢ်ကီတၢ်ခဲတၢ်နးတၢ်ဖှီၣ် လီၤဘၣ်ပလိၤအဆၢကတီၢ် ဒီးမၤလီၤမၢ် ပတၢ်ထံၣ်ပတၢ်မုၢ်လၢ်အခါ ကစၢ်ယွၤ ကွဲမုၥ် ၦၤလၢ ပကကိးထီၣ်အီၤလၢ တၢ်မၤစၢၤအဂီၢ် ဖးလံၥ်စီဆှံဒီး နၥ်အတၢ်တီတၢ်လိၤ ဒ်စံးထီၣ်ပတြၢၤ ၄၂:၇-၁၁ ပၥ်ဖျါဝဲအသိးန့ၣ်လီၤ. ဖဲပဃုအီၤဒီး ပသန့ၤပသးလၢ ကစၢ်ယွၤ ဒ်သိးကမၤစၢၤၦၤလၢ ပကဃုဒိးန့ၢ်တၢ်မုၢ်လၢ်အတၢ်ကွဲး ဖဲပမုၢ်နံၤမုၢ်နၤ အခံးအၢသီတဖၣ်အပူၤန့ၣ်လီၤ.