နမ့ၢ်အဲၣ်ဒိးအိၣ်မူယံာ်ယံာ်န့ၣ်‚ ဟးကသုၣ်ကသီတဘျီဘျီတက့ၢ်ႉ ပှၤကူၣ်သ့လၢ ၀့ၢ်ဟဲ (လ) စ့ၣ်ခံၣ်‚ ကီၢ်ဖ့ (န) လဲ ဃုမၤလိသ့ၣ်ညါတၢ် ဘၣ်ဃးပှၤအသးအိၣ် ၄၅-၅၀ နံၣ် တဖၣ်အပူၤ တၢ်အိၣ်မူလၢ နီၢ်ခိတၢ်အိၣ်ဆူၣ်အိၣ်ခ@အဂ့ၢ်န့ၣ်‚ ထံၣ်ဘၣ်၀ဲလီၤဆီဒၣ်တၢ် ပှၤပိာ်ခွါတဂၤစုာ်စုာ်လၢ အအိၣ်ဒီးမူဒါဖံးမၤဒိၣ်ဒီး အပှၤမၤသကိးတၢ်တဖၣ်န့ၣ် မၤန့ၢ် သးအတၢ်ဆါမၤဒၢၣ်အီၤန့ၣ်လီၤႉ လၢအ၀ဲသ့ၣ် အတၢ်ဃုထံမၤလိတၢ်အပူၤ တၢ်လၢတပာ်သူၣ်ပာ်သးတ့ၢ်တမံၤန့ၣ်‚ ထံၣ်န့ၢ်က့ၤ၀ဲလၢ ပှၤဟံးတၢ်ဆၢကတီၢ်ဒီး ဟးကသုၣ် ကသီတဘျီဘျီတဖၣ်န့ၣ် ပှၤသံအနီၢ်ဂံၢ်စှၤန့ၢ်ဒံး ပှၤတဟးကသုၣ်ကသီတဖၣ်န့ၣ်လီၤႉ
တၢ်ဖံးတၢ်မၤန့ၣ် မ့ၢ်ပတၢ်အိၣ်မူအဂ့ၢ်တသနၢၣ်ဒီး မ့ၢ်တၢ်လၢကစၢ်ယွၤပာ်၀ဲ လၢပဂီၢ် တချုးလၢပတၢ်ရၠာစး့လိာ်ဘၣ်ထွဲအိၣ်ဒီးအီၤ တဲၤဖးဟးဂီၤဒံးဘၣ်အခါ ဒ်အဖျါ လၢ လံာ် ၁ မိၤရၠာစးရ ၃ အသိးန့ၣ်လီၤႉ စီၤရၠာစးှလိၤမိၤ အတၢ်ကွဲးန့ၣ်ဖျါလၢ ပှၤဖံးတၢ်မၤတၢ်လၢ အတမၤလၤကပီၤယွၤန့ၣ် မ့ၢ်တၢ်မၤကိၢ်မၤဂီၤ‚ တၢ်သူၣ်အုးသးအုးဒီး တၢ်နးတၢ်ဖှီၣ်န့ၣ်တက့ၢ် (စံၣ်တဲၤတဲ ၂း၂၂-၂၃) ႉ အ၀ဲသ့ၣ် မ့ၢ်တမၤတၢ်ဆူၣ်ဆူၣ်ကဲၤကဲၤသနာ်က့‚ စီၤရၠာစးှလိၤမိၤ စံးလၢ အ၀ဲသ့ၣ်အသးတအိၣ်ဘှံးဘၣ်ႉ ဆိကမိၣ်ဒၣ်၀ဲ ထဲတၢ်လၢ ကဘၣ်မၤတဖၣ် အိၣ်ဒံးန့ၣ်လီၤ (၂း၂၃) ႉ
ပ၀ဲသ့ၣ်စ့ၢ်ကီး အါစုအါဘျီ တၢ်ကမၤအသးဒ်ပမၤတၢ်ခဲလၢာ် မ့ၢ်တၢ်ကလီ ကလီလီၤ (၂း၁၇) ႉ ဒီးပသးဘၣ်အ့န့တံာ်တာ်လၢ ပမၤ၀ံၤပတၢ်မၤတန့ၢ်ဘၣ်အဃိလီၤႉ ဘၣ်ဆၣ်ဒီး ဖဲပသ့ၣ်နီၣ်ထီၣ်ကစၢ်ယွၤမၤတၢ်ဒီးပှၤ လၢပတၢ်မၤ‚ လၢပတၢ်တိာ်အပူၤန့ၣ် ပမၤတၢ်သပှၢ်ပှၢ်ဆူၣ်ဆူၣ်ဒီး ဟံးတၢ်ဆၢကတီၢ်လၢ တၢ်အိၣ်ဘှံးအဂီၢ်သ့၀ဲစ့ၢ်ကီး န့ၣ်လီၤႉ ပနာ်ကစၢ်ယွၤလၢအမ့ၢ်ပှၤကတဲာ်ကတီၤတၢ်ဟ့ၣ်တၢ်န့ၣ်လီၤႉ အ၀ဲမ့ၢ်ကစၢ် လၢအဟ့ၣ်တၢ်ကိးအမံၤဒဲးန့ၣ်လီၤႉ စီၤရၠာစးှလိၤမိၤအၢၣ်လီၤ၀ဲလၢ‚ မ့တမ့ၢ်ဘၣ် ကစၢ်ယွၤ အဃိဒီး ပှၤအီၣ်တၢ်ဒီး မုာ်လၤတၢ်တသ့ဘၣ်နီတဂၤဘၣ်န့ၣ်လီၤ (၂း၂၅) ႉ ဘၣ်သ့ၣ်သ့ၣ် ပမ့ၢ်မၤသ့ၣ်နီၣ်ထီၣ်ပသးလၢ တၢ်မ့ၢ်တၢ်တီအံၤန့ၣ် ပမၤတၢ်လၢာ်ဂံၢ်လၢာ်ဘါလၢ ယွၤ အဂီၢ် (ကလီး ၃း၂၃) ႉ ဒီးဟံးန့ၢ်တၢ်ဆၢကတီၢ်လၢ တၢ်အိၣ်ဘှံးအဂီၢ်သ့၀ဲန့ၣ်လီၤႉ