လၢကီၢ်အဲကလံး‚ ၀့ၢ်စၢးသဲ (မ) တၢၣ်အပူၤ လံာ်ကျးတဖျၢၣ်အမံၤလၢ အီးကထိဘၢၣ် လံာ်တဖၣ် န့ၣ် သုးအလီၢ်ဆူတၢ်လီၢ်အဂၤတတီၤ ဖဲကျဲတကျဲဃီန့ၣ်အပူၤအခါ ပှၤမၤစၢၤတၢ်မုာ်သးတဖၣ် အိၣ်မးအဂၤ ၂၀၀ ဘျဲၣ်လီၤႉ အ၀ဲသ့ၣ် ရၠာစးဲၣ်လီၤအသး ဒ်ကဟၣ်ယီၢ်တကိးတဘိအသိး ဟ့ၣ်စိာ်ခီလီၤလံာ်တဖၣ်ဆူ တၢ်လီၢ်အသီအပူၤ န့ၣ်လီၤႉ ပှၤမၤတၢ်ဖိလၢ လံာ်ကျးအပူၤန့ၣ် ကွၢ်၀ဲပှၤမၤစၢၤတၢ်တဖၣ် အမၤတၢ်ဒီးစံး‚ ‘‘တၢ်အံၤ မ့ၢ်တၢ်ထိၣ်ဂဲၤမၤဆူၣ်ပသးဒိၣ်မး ဖဲပထံၣ်ပှၤမၤစၢၤတၢ်တဖၣ်အတၢ်မၤစၢၤ န့ၣ်‚ ပထံၣ်လၢအ၀ဲသ့ၣ်အဲၣ်ဒိးကဲပှၤမၤသကိးတၢ်လၢတၢ်မၤဖးဒိၣ်တခါအပူၤန့ၣ်လီၤ’’ႉ
ပ၀ဲစ့ၢ်ကီး ပကဲထီၣ် ပှၤမၤသကိးတၢ်လၢတၢ်မၤဖးဒိၣ်လၢ အဒိၣ်န့ၢ် ပနီၢ်ကစၢ်ဒၣ်၀ဲ မၤသ့န့ၣ်လီၤႉ ကစၢ်ယွၤစူးကါပှၤလၢ အတၢ်အဲၣ်အတၢ်ကစီၣ် ကတုၤဆူ ဟီၣ်ခိၣ်ဒီဘ့ၣ်ညါန့ၣ်လီၤႉ ပှၤတဂၤမ့ၢ် ဟ့ၣ်နီၤပှၤလၢ ကစၢ်ယွၤအတၢ်အဲၣ် တၢ်ကစီၣ် န့ၣ်‚ ပနီၤဟ့ၣ်စိာ်ခီကဒီးဆူ ပှၤတဂၤဂၤအအိၣ်သ့၀ဲလီၤႉ စီၤပီလူး ထိၣ်သBတီၤ တၢ်သူၣ် ထီၣ်ယွၤအဘီမုၢ် ဒ်သိးလၢတၢ်သူၣ်လီၤဖျးလီၤ တၤသၣ်လီၢ်တခါန့ၣ်လီၤႉ ပ၀ဲတနီၤ ပသူၣ်လီၤတၢ်ချံတဖၣ်‚ ပှၤအဂၤတနီၤလူထံန့ၣ်လီၤႉ ပ၀ဲပမ့ၢ် ဒ်စီၤပီလူး စံး၀ဲအသိး‚ ပမ့ၢ်ယွၤအပှၤမၤသကိးတၢ်တဖၣ်န့ၣ်လီၤ (၁ ကရၠာစးံၣ် ၃း၉) ႉ
တၢ်မၤတခါစုာ်စုာ်န့ၣ် အကါဒိၣ်၀ဲလီၤႉ တၢ်ခဲလၢာ်န့ၣ် ကဲထီၣ်ဒၣ်လၢ ကစၢ်ယွၤ အသးမုၢ်စီဆှံအစိကမီၤန့ၣ်လီၤႉ လၢယွၤအသးမုၢ်စီဆှံအစိကမီၤန့ၣ် ကစၢ်ယွၤ မၤဆူၣ်ထီၣ်ပှၤအသး ဖဲပှၤလၢအနၢ်ဟူကစၢ်ယွၤအဲၣ်အ၀ဲသ့ၣ်တုၤ အဟ့ၣ်လီၤ အဖိခွါထဲတဂၤဧိၤ ကတူၢ်သံအသးလၢ အ၀ဲသ့ၣ်အဂီၢ်ဒီး အ၀ဲသ့ၣ်တုၤ အပူၤဖျဲးထီၣ်လၢ အတၢ်ဒဲးဘးန့ၣ်‚ ကဒိၣ်ထီၣ်အါထီၣ်ဆူၣ်ထီၣ်လၢနီၢ်သးဆူညါအဂီၢ်န့ၣ်လီၤႉ
ကစၢ်ယွၤ မၤအတၢ်မၤအါအါဂီၢ်ဂီၢ် ခီဖျိပှၤမၤတၢ်မုာ်သးတဖၣ် ဒ်နၤဒီးယၤ အသိးန့ၣ်လီၤႉ ပမ့မ့ၢ်နာ်က့ကမျၢၢ်ဒူၣ်ထၢ ဒိၣ်န့ၢ်ဒံးတၢ်လၢပမၤအီၤကသ့ တကူာ်တခီ ဘၣ်ဆၣ်ဒီး ပမၤစၢၤဒိၣ်ထီၣ်တၢ် ခီဖျိပတၢ်မၤသကိးတၢ်လၢ တၢ်ဟ့ၣ်ခီဟ့ၣ်နီၤ ယွၤအတၢ်အဲၣ် ဆူဟီၣ်ခိၣ်ဒီဘ့ၣ်သ့၀ဲန့ၣ်လီၤႉ