ပှၤခံဂၤဘၣ်တၢ်သ့ၣ်နီၣ်ထီၣ်လၢ မၤတၢ်လၢပှၤဂုၤပှၤဂၤအဂီၢ်‚ လၢကစၢ်ယ့ၣ့်ှှူးအဂီၢ် အ၀ဲသ့ၣ်ပာ်တ့ၢ်ကွံာ် ပီညါဒွဲလၤအတၢ်ဖံးတၢ်မၤတဖၣ် ဒ်သိးကလုၢ်ထီၣ်အသး‚ ဆူတၢ် လီၢ်လၢ အ၀ဲသ့ၣ်နာ်လၢ ကစၢ်ယွၤကိးအ၀ဲသ့ၣ်န့ၣ်လီၤႉ ကၠ့မ်ႉအိၣ်ႉဖရၠာစး့ၣ်စၢၣ် (၁၈၈၆-၁၉၃၈) ဆၢတဲာ်တၢ်လၢ‚ အသုတဂုာ်ကျဲးစၢးတၢ် ဆူတၢ်ကကဲထီၣ် ပှၤဒ့တနၢ်လၢမူးသးဖှံတခါလၢကီၢ်အဲကလံး‚ လၢကမၤတၢ်လၢပှၤလံၣ်စူၣ်ဖိလၢ အအိၣ်လၢတ့ှူးကီၢ်‚ ဒီးပှၤအမဲရၠာစးကၤဖိ ကၠဲးစၢၣ်ဘဲ (န) ဘဲထၢၣ် (၁၈၅၅-၁၉၃၉) တခီ‚ ဃုထၢ ဒ်သိးလၢ ကကဲထီၣ် ပှၤစိာ်တၢ်သးခုကစီၣ်လၢ တၢ်ကဂုာ်ကျဲးစၢးတၢ်လၢ တၢ်လုၢ်အီၣ်သးသမူ လၢပီညါဒွဲလၤအလီၢ်န့ၣ်လီၤႉ လၢခံအ၀ဲကွဲးထါသး၀ံၣ်တယုၢ် လၢအမ့ၢ် ‘ခဲလၢာ်ဟ့ၣ်ယဲလံ’ န့ၣ်လီၤႉ ဖဲအအိၣ်ဒီးတၢ်ဖံးတၢ်မၤတမံၤလၢ ပီညါဒွဲလၤအံၤ မ့ၢ်တၢ်ကိးအလၢအပှဲၤလၢ ပှၤအါဒံအါဂၤအဂီၢ်‚ ပှၤတဖၣ်အံၤ နာ်လၢကစၢ်ယွၤကိးအ၀ဲသ့ၣ် ဒ်သိး ကဆိကတီၢ် တၢ်လုၢ်အီၣ်သးသမူတခါလၢ ပှၤအဂၤတဖုအဂီၢ်န့ၣ်လီၤႉ ကမ့ၢ်သ့ၣ်သ့ၣ်‚ အ၀ဲသ့ၣ် ဘၣ်တၢ်ဟ့ၣ်ဂံၢ်ဟ့ၣ်ဘါလၢ ကစၢ်ယ့ၣ့်ှှူးအတၢ်ကူၣ်လိာ်တၢ်ဆူ ပှၤထူးပှၤတီၤသးစၢ်‚ သးစၢ်ပှၤခိၣ်ပှၤနၢ်ဆူ တၢ်ကညိကွံာ်တၢ်လၢအအိၣ်ဒီးအီၤ ဆူတၢ်ကပိာ်အ၀ဲ (ယ့ၣ့်ှှူး) အခံ (မၢ်ကူး ၁၀း၁၇-၂၅) န့ၣ်လီၤႉ တၢ်အုၣ်သးလၢတၢ်ဘၣ်ဆီတလဲကွံာ်တၢ်‚ စီၤပ့းတ့ှူး တခီ တဲထီၣ်၀ဲလၢ ‘‘ကွၢ်ကွၢ်ပ၀ဲဒၣ်အံၤ‚ ပဟးသဒၣ်တၢ်ခဲလၢာ်ဒီး ပပိာ်နခံလံ’’ (း၂၈) ႉ ကစၢ်ယ့ၣ့်ှှူးမၤလီၤတံၢ်အီၤလၢ ကစၢ်ယွၤကဟ့ၣ် ပှၤလၢအပိာ်အခံ ‘ကန့ၢ်က့ၤအါန့ၢ်အလီၢ် တကယၤလၢအအံၤတဃၣ်’ ဒီး ‘တၢ်မူအထူအယိာ်’ (း၃၀) န့ၣ်လီၤႉ ဘၣ်ဆၣ်‚ အ၀ဲကဟ့ၣ်တၢ်အံၤ ဒ်အ၀ဲအတၢ်ကူၣ်သ့အသိး‚ ‘ဒီးပှၤအိၣ်၀ဲ လၢညါအါဂၤန့ၣ် ကအိၣ်က့ၤ၀ဲလၢခံဒီးပှၤအိၣ်၀ဲလၢခံန့ၣ် ကအိၣ်က့ၤ၀ဲလၢညါလီၤ’ (း၃၁) ႉ
ကစၢ်ယွၤကပာ်လီၤပှၤ ဖဲလဲၣ်ဖဲလဲၣ်အတွးတအိၣ်‚ ပဘၣ်တၢ်ကိးပှၤ ဒ်သိး ကိးနံၤ ပကအးလီၤပသးဆူ ကစၢ်ယ့ၣ့်ှှူး‚ စူၢ်အ၀ဲအတၢ်ကိးကသွံဒံ ဆူတၢ်ကပိာ်အခံဒီးမၤအတၢ် လၢပတၤလၣ်ဒီးတၢ်ဂံၢ်ထံးတဖၣ်လၢအအိၣ်ဒီးပှၤ‚ ကမ့ၢ်ဒၣ်၀ဲ ဖဲလၢဟံၣ်ဂ့ၤဃီဂ့ၤ‚ ့ှူဧိၤတ့ဧိၤဂ့ၤ‚ ဒ်ပမၤဒ်သိးအံၤအသိး‚ အ၀ဲကဟ့ၣ်ဂံၢ်ဟ့ၣ်ဘါပှၤလၢ ကအဲၣ်ဘၣ်ကွံဘၣ် ပှၤဂုၤပှၤဂၤ‚ ပာ်ထီၣ်အ၀ဲသ့ၣ်အတၢ်လိၣ်တဖၣ်လၢ အကါဒိၣ်န့ၢ်ဒံး ပကစၢ်ဒၣ် ၀ဲန့ၣ်လီၤႉ