ကလံၤစိးကၣ်နၣ်အလံာ်စီဆှံကၠိဆံးဆံးဖိတဖျါလီၤသးကတုၤဘၣ်ႉ တၢ်သူၣ်ထီၣ်ဘၣ် တၢ်ဒုးအခိၣ်လၢပှာ်၀ါ‚ တၢ်ဒူၣ်အီၤလၢသ့ၣ်ဖျၢၣ် ဒီးကၠိဖိအိၣ်ထဲစုတစီှၤလီၤႉ ဘၣ်ဆၣ်‚ ဘီး (ပ) ဟ့ယဲး (စ) ဂၢ်လီၤအတၢ်အိၣ်မူဆူ ကၠိဖိတဖၣ်အံၤအပူၤန့ၣ်လီၤႉ အ၀ဲဟ့ၣ် အ၀ဲသ့ၣ် လၢတၢ်ကဲခိၣ်ကဲနၢ်လီၢ်လၤတဖၣ် ဒီးဟ့ၣ်ဂံၢ်ဟ့ၣ်ဘါစ့ၢ်ကီး အ၀ဲသ့ၣ်လၢ တၢ်ကစံၣ်တဲၤတဲလီၤတၢ် ဒီးသိၣ်လိတၢ်‚ ဖဲလၢတဘျီဘျီအ၀ဲသ့ၣ် မ့ၢ်ယုာ်အသးဒၣ်လဲာ်န့ၣ်လီၤႉ ဖဲ ဘီး (ပ) အသးသမူဟးထီၣ်ကွံာ် ၀ံၤအလီၢ်ခံ‚ တၢ်အိၣ်ဖှိၣ်အဖုလၢအဆံဘျဲၣ်‚ ကၠိတဖၣ်ဒီးတၢ်အိးအါထီၣ် လံာ်စီဆှံကၠိအဂၤခံဖျၢၣ်လၢ ကၣ်နၣ်ဒီတက၀ီၤ တၢ်ကိးမံၤစးထီၣ် အသးဒၣ်လၢ‚ ပှၤလၢအဖျိထီၣ်လၢ ကၠိဆံးဆံးဖိအံၤ န့ၣ်လီၤႉ
ဖဲစီၤပၤအၢ်တၤ့ှှါ့ှှတၤ ပၢတၢ်ဖဲချႉခႉန (၄၆၅-၄၂၄) ကတီၢ်‚ ပှၤလုၢ်တၢ်အဒိၣ် စီၤဧ့ြစၤကိးဖှိၣ်ပှၤယူဒၤဖိတဖုလၢ အဘၣ်တၢ်စိာ်မၢကဲကုၢ်ဆူ တၢ်ကက့ၤကဒါက့ၤဆူယ့ှူၤ့ှှလ့ၣ် န့ၣ်လီၤႉ ဘၣ်ဆၣ်‚ စီၤဧ့ြစၤ တထံၣ် ပှၤလ့ၤ၀ံဖိတဖၣ်လၢ အ၀ဲသ့ၣ်အကျါဘၣ် (ဧ့ြစၤ ၈း၁၅) ႉ အ၀ဲလိၣ်ဘၣ် ပှၤလ့ၤ၀ံၤတဖၣ် ဒ်သိးကမၤတၢ်ဒ်ပှၤလုၢ်တၢ်အဒိၣ်တဖၣ်အသိးန့ၣ်လီၤႉ လၢ တၢ်အံၤအဃိ‚ အ၀ဲမၤလိာ် ပှၤအခိၣ်တဖၣ်လၢ က‘‘ဟဲစိာ်ပှၤမၤတၢ်အခ့အပှၤအတၢ် မၤလၢ ပကစၢ်အဟံၣ်အဂီၢ်လီၤ’’ (း၁၇) ႉ အ၀ဲသ့ၣ်‚ မၤဒ်တၢ်မၤလိာ်အသိး (း၁၈-၂၀) ဒီး စီၤဧ့ြစၤ ကဲခိၣ်ကဲနၢ်လၢ တၢ်ကဒုၣ်တၢ်အီၣ် ဒီးဃ့ထုကဖၣ် (း၂၁) န့ၣ်လီၤႉ
စီၤဧ့ြစၤအမံၤ အခီပညီမ့ၢ် ‘ပှၤမၤစၢၤတၢ်’‚ က့ၢ်ဂီၤတမံၤလၢ အအိၣ်ဆိး ဒ်ကံၢ်သး လၢပှၤကဲခိၣ်ကဲနၢ်လၢ အဂ့ၤအသိးန့ၣ်လီၤႉ လၢစီၤဧ့ြစၤအတၢ်ထုကဖၣ်ဆူၣ်ဆူၣ် အတၢ် နဲၣ်ကျဲအဖီလာ် အ၀ဲဒီးအပှၤသးစၢ်လၢအအိၣ်ဒီးတၢ်လဲၤခီဖျိတဖၣ်‚ ကဆှၢသူၣ်ဂ့ၢ်သးကျိၤ အတၢ်ဖုသံနီၣ်လၢ ယ့ှူၤ့ှှလ့ၣ် (အဆၢဒိၣ် ၉-၁၀) န့ၣ်လီၤႉ တၢ်ကိးမံၤလၢအလိၣ်ဘၣ်၀ဲန့ၣ် မ့ၢ်တၢ်ကဟ့ၣ်ဂံၢ်ဟ့ၣ်ဘါ ဒီးတၢ်နဲၣ်ကျဲလၢ တၢ်ကူၣ်သ့တဆံးတက့ၢ်န့ၣ်လီၤႉ
တၢ်အံၤမ့ၢ်စ့ၢ်ကီး ယွၤအတၢ်အိၣ်ဖှိၣ် ဖံးတၢ်မၤတၢ်ဒ်လဲၣ်အဂ့ၢ်န့ၣ်လီၤႉ ဒ်ပှၤလၢအအိၣ် ဒီးတၢ်လဲၤခီဖျိလၢအဟ့ၣ်ဂံၢ်ဟ့ၣ်ဘါတၢ်ဒီးသူၣ်ထီၣ်ပ၀ဲတဂၤဘၣ် တဂၤအသိး‚ ပမၤလိန့ၢ် စ့ၢ်ကီး ဒ်သိးကမၤတၢ်တမံၤဃီလၢ ပှၤဂုၤပှၤဂၤအဂီၢ်န့ၣ်လီၤႉ တၢ်လုၢ်ဘၢ ဒ်သိးအံၤ ကတုၤအိၣ်တၢ်လၢအလဲၤတလၢကွံာ်ပှၤလၢ ပသးသမူန့ၣ်လီၤႉ တၢ်မၤတၢ်လၢ တၢ်သးတီလၢ ယွၤအဂီၢ်‚ ကထုးထီထီၣ်သးဆူ တၢ်လီၤစိၤလီၤထီန့ၣ်လီၤႉ