ဖဲ ရၠာစးံၣ်ဘဲးခၣ် အဒီပုၢ်၀ဲၢ်ခွါဒီး အမါစးထီၣ် တၢ်အိၣ်ဒီးတၢ်ဂ့ၢ်ကီလၢတၢ်ဆီဟံၣ်ဆီဃီ‚ ရၠာစးံၣ်ဘဲးခၣ်တဂၤ ဃ့ထုကဖၣ်သပှၢ်ပှၢ်လၢ အ၀ဲသ့ၣ်အတၢ်ဘၣ်လိာ်ဖိးဒ့လိာ်က့ၤအဂီၢ် န့ၣ်လီၤႉ ဘၣ်ဆၣ်‚ အ၀ဲသ့ၣ်မၤလီၤဖးအသးန့ၣ်လီၤႉ ၀ံၤအလီၢ်ခံ‚ အမါ ကိးထီၣ်အဖိတဖၣ် ဒီးဟးထီၣ်လၢကီၢ်အပူၤဒီးဖိတဖၣ် အပၢ်စ့ၢ်ကီး တထီဒါတၢ်အံၤဘၣ်လီၤႉ ရၠာစးံၣ်ဘဲးခၣ် တထံၣ်ဘၣ်က့ၤ အဖိဒိၣ်ဖိတဖၣ်လၢ အအဲၣ်ဘၣ်၀ဲဒိၣ်မးတဖၣ်‚ နီတဘျီလၢၤဘၣ်ႉ ဖဲနံၣ် တဖၣ်ပူၤကွံာ်‚ အ၀ဲတဲဖျါထီၣ်လၢ‚ ‘‘မ့ၢ်လၢယဂုာ်ကျဲးစၢးဟံးဃာ် တၢ်သးအုးတဖၣ်လၢ ယကစၢ်ဒၣ်ယဲအဃိ‚ ယပျဲတၢ်ခွဲးတၢ်ယာ်လၢတၢ်သးခၣ်အဂံၢ်တခါ စဲၤလီၤသးလၢ ယသးကံၢ်ပူၤ‚ ဒီးတၢ်အံၤရၠာစးၤလီၤသးဆူ ယဟံၣ်ဖိဃီဖိဒီး ယတံၤသကိးတဖၣ်အအိၣ် န့ၣ်လီၤ’’ႉ
လံာ်နီၢ့်ှူၤသး တဲဖျါထီၣ် တၢ်ဂ့ၢ်လၢ အဘၣ်ထွဲဒီး ပိာ်မုၣ်တဂၤလၢအမ့ၢ် နီၢ်နၤဧမံ လၢအဘၣ်ဟူးဂဲၤဃုာ်ဒီး တၢ်သးအုးလၢ အဒိၣ်ထီၣ်ဆူ တၢ်သးခၣ်န့ၣ်လီၤႉ အ၀ဲအ၀ၤ သံကွံာ်လၢ ထံဂုၤကီၢ်ဂၤတဘ့ၣ် ဒီးအနံၣ်တဆံပူၤကွံာ် အဖိခွါတဖၣ် သံကွံာ်စ့ၢ်ကီးလီၤႉ အ၀ဲဘၣ်အိၣ်တ့ၢ်လၢ တၢ်ဖှီၣ်တၢ်ယာ်‚ ဃုာ်ဒီးအဒဲၣ်မုၣ် နီၢ့်ှူၤသးဒီး နီၢ်ဧိးရၠာစးပၤ (၁း၃-၅) န့ၣ်လီၤႉ ဖဲနီၢ်နၤဧမံ ဒီးနီၢ့်ှူၤသးက့ၤကဒါက့ၤဆူ နီၢ်နၤဧမံအထံအကီၢ်‚ ပှၤ၀့ၢ်ဖိခဲလၢာ် အသူၣ်ဟူးသးဂဲၤလၢ တၢ်ကထံၣ်ဘၣ် အ၀ဲသ့ၣ်လီၤႉ ဘၣ်ဆၣ်‚ နီၢ်နၤဧမံ စံးဘၣ် အတံၤသကိးတဖၣ်လၢ‚ ‘‘တၢ်သ့တၢ်လၢာ်မၤယၤနးနးကလဲာ်လီၤႉႉႉ ယွၤအုၣ်အသးထီဒါ ယၤ ဒီးတၢ်သ့တၢ်လၢာ်မၤအၢယၤလီၤ’’ (း၂၀-၂၁) ႉ အ၀ဲဃ့၀ဲဒၣ်လဲာ်လၢ ပှၤကကိးအီၤ လၢ ‘‘မၤရၠာစးၤ’’ လၢအခီပညီမ့ၢ်တၢ်အခၣ်န့ၣ်လီၤႉ
မ့ၢ်မတၤလၢအတကွၢ်ဆၢၣ်မဲာ်ဘၣ် တၢ်သးဟးဂီၤဒီး ဘၣ်တၢ်လ့ပစီဆူ တၢ်သးခၣ်န့ၣ်လဲၣ်ႉ ပှၤတဂၤစံး၀ဲလၢ‚ တၢ်တမံၤလၢအဘၣ်ဒိဘၣ်ထံး‚ တၢ်မုၢ်လၢ် တခါလၢ အတလၢပှဲၤ မ့တမ့ၢ် တၢ်ဃ့ဆူၣ်တၢ်လၢပှၤဂုၤပှၤဂၤ ဒုးကဲထီၣ်ပှၤလၢ တၢ်သူၣ်ဒိၣ်သးဖျိးန့ၣ်လီၤႉ ဖဲပအၢၣ်လီၤတူၢ်လိာ်လၢ ပသ့ၣ်ညါတၢ်လၢ ပကစၢ်ဒၣ်၀ဲ ဒီး ကစၢ်ယွၤလၢ တၢ်လၢအဟဲကဲထီၣ်ယိာ်ယိာ်လၢ ပသးကံၢ်ပူၤ‚ ပပှၤပၢၤတၤသၣ် အလီၢ်လၢအအဲၣ်တၢ်ကွံတၢ်‚ မၤစၢၤပှၤဆူ တၢ်ကခူၣ်ဖျိးထီၣ်ကွံာ် တၢ်သးခၣ်အဂံၢ်တမံၤမံၤ‚ ဖဲလၢအဂံၢ်မ့ၢ်ဆံးမ့ၢ်ဂ့ၤ မ့တမ့ၢ် စဲၤလီၤတ့ၢ်လံသးလၢအါနံၣ်အါလါဂ့ၤဒီး ကမၤပှဲၤက့ၤ တၢ်လီၢ်အံၤလၢ သးအတၤသၣ်လၢတၢ်သူၣ်ခုသးခုလၢအဆၢန့ၣ်လီၤႉ