‘‘တဘျီဘျီ‚ ယကလၢၢ်ဘၣ် ဒ်ယတဘၣ်တၢ်ထံၣ်ယၤ‚ တသ့ၣ်ညါယၤန့ၣ်လီၤႉ ဘၣ်ဆၣ်‚ ယအဲၣ်ဒိးယဲဒိၣ်မးလၢ ကစၢ်ယွၤကစူးကါယၤန့ၣ်လီၤ’’
အဲ (န) မ့ၢ်ပှၤလၢ အမၤကဆှဲကဆှီတၢ်လိာ်ကွဲအဒၢးလၢ ဟံၣ်ဒွဲလၢ ယလဲၤ အိၣ်ယဲ ဒီးပကတိၤလိာ်သကိးသးန့ၣ်လီၤႉ ဖဲပကတိၤသကိးတၢ်‚ ယထံၣ်သ့ၣ်ညါဘၣ် လၢ အ၀ဲ အိၣ်ဒီး တၢ်လဲၤခီဖျိလၢ အလီၤလိၢ်လီၤလးန့ၣ်လီၤႉ
အ၀ဲတဲပၠးယၤလၢ‚ ‘‘ယမ့ၢ်ပှၤလၢ အဆါလီၤအီၣ်နီၢ်ခိဒီး စဲထီဒီးကသံၣ်မူၤဘိှး‚ လၢအအိၣ်ဆိးလၢကျဲမုၢ်ခိၣ်တဖၣ်အလိၤန့ၣ်လီၤႉ ဘၣ်ဆၣ် ယသ့ၣ်ညါလၢ ကစၢ်ယွၤ အဲၣ်ဒိးယၤ ဒ်သိးယကဆိကတီၢ်ကွံာ်တၢ်သ့ၣ်တဖၣ်ဒီး လဲၤတၢ်ဒီးအီၤန့ၣ်လီၤႉ ဘၣ်တနံၤ‚ ယချံးလီၤယခီၣ်လၢ ကစၢ်ယ့ၣ့်ှှူးအဂီၤထံးဒီး ကစၢ်မၤထူၣ်ဖျဲးယၤလၢ တၢ်စၢဃာ်တဖၣ် အံၤန့ၣ်လီၤ’’ႉ
ယစံးဘျုးဘၣ်အဲ (န) လၢအနီၤဟ့ၣ်ယၤ တၢ်လၢကစၢ်ယွၤမၤတၢ်လၢအဂီၢ် ဒီး မၤလီၤတံၢ်အီၤလၢ‚ အတမ့ၢ်ပှၤလၢ အတဘၣ်တၢ်ထံၣ်သ့ၣ်ညါအီၤဘၣ်ႉ ကစၢ်ယွၤ စူးကါအီၤလၢ ပတၢ်ကတိၤသကိးလၢ ကျဲအဃံအလၤတဘိ‚ ဒ်သိးကဒုးသ့ၣ်နီၣ်ထီၣ်ယၤ လၢ ကစၢ်ယွၤအစိကမီၤ ဆူတၢ်ကဆီတလဲသးသမူတဖၣ်န့ၣ်လီၤႉ
ကစၢ်ယွၤအဲၣ်ဒိးစူးကါပှၤလၢ‚ ပှၤဂုၤပှၤဂၤလဲၤကပာ်ကွံာ်တဖၣ်န့ၣ်လီၤႉ ပှၤတၢ်မၢဖိစီၤအၣ်ဒရၠာစး့းတမ့ၢ်ပှၤလၢ အမံၤဟူသၣ်ဖျါ ဒ်အ၀ဲၢ်ခွါ စီၤပ့းတ့ှူး အသိးန့ၣ်ဘၣ်ႉ ဘၣ်ဆၣ် လံာ်စီဆှံပာ်ဖျါထီၣ်လၢ ‘‘အ၀ဲဒၣ် (စီၤအၣ်ဒရၠာစး့း) န့ၢ်ဆိအဒီပုၢ်၀ဲၢ်ဒၣ်၀ဲ‚ စီၤ့ှှံမိၣ် ဒီးစံးဘၣ်အီၤ‚ ပထံၣ်န့ၢ်လံ မ့း့ှှံအၤႉႉႉ ဒီးလဲၤဆှၢအီၤဆူ ယ့ၣ့်ှှူးအအိၣ်ဒီး’’ (ယိၤ ၁း၄၁-၄၂) ႉ
စီၤပ့းတ့ှူး ထံၣ်လိာ်သးဒီးကစၢ်ယ့ၣ့်ှှူး ခီဖျိစီၤအၣ်ဒရၠာစး့းန့ၣ်လီၤႉ ဖဲစီၤအၣ်ဒရၠာစး့း‚ ဘျၢတၢ်စီၤယိၤဟၣ်အပျဲၢ်အဘီၣ်အကျါတဂၤ‚ မၤလိသ့ၣ်ညါ တၢ်ဂ့ၢ်လၢအဘၣ်ထွဲဒီး ယ့ၣ့်ှှူးလၢ စီၤယိၤဟၣ်အအိၣ်‚ အ၀ဲပိာ်ကစၢ်ယ့ၣ့်ှှူးအခံ ဒီးနာ်အီၤ ဒီးတကီၢ်ခါ‚ တဲဘၣ် တၢ်ဂ့ၢ်အံၤဆူအ၀ဲၢ်ခွါန့ၣ်လီၤႉ စီၤအၣ်ဒရၠာစး့းအတၢ်သးတီကစုဒု အိၣ်ဒီးတၢ်လၢဒုးကဲထီၣ် တၢ်အဂ့ၤလၢ အမၤဟူးမၤ၀းထီၣ်ဟီၣ်ခိၣ်န့ၣ်လီၤႉ
ကစၢ်ယွၤပာ်လုၢ်ပာ်ပရၤ တၢ်မၤတၢ်လၢတၢ်သးတီ‚ ဒီးပာ်၀ဲ လၢတၢ်မံၤဟူသၣ်ဖျါ အဖီခိၣ်န့ၣ်လီၤႉ အ၀ဲစူးကါပှၤဒိၣ်ဒိၣ်မုၢ်မုၢ်သ့၀ဲ‚ ဖဲပအိၣ်တပူၤလၢ်လၢ်‚ တုၤဒၣ်လဲာ် မတၤတဂၤမး ပာ်သူၣ်ပာ်သးဘၣ်လီၤႉ