ယဆၢထၢၣ်ကွၢ်လၢ တၢ်ကမၢကမၣ်အပူၤလၢ နီၣ်၀ံာ်ဒၢဖိတဖၣ် အကထိတဖၣ်အကထိ လၢအပၣ်ဒီးပှၤအသးအဂီၤ‚ လၢပိးဒဲးစ် အးထ်ဘရၠာစးံး‚ ၀့ၢ်ဖဲရၠာစးံးအတိၤလီၤႉ တိၤလၢအခီဂာ် စ့ (န်) ထံကျိလၢ ပှၤဟးလၢခီၣ်အံၤ မ့ၢ်ဘၣ်တၢ်ဟ့ၣ်မ့တမ့ၢ် ဘၣ်တၢ်ဆှၢလီၤဃုာ်ဒီး တၢ်ပနီၣ်တဖၣ်လၢ တၢ်အဲၣ်လၢပှၤခံဂၤအတၢ်ပာ်ဖျါထီၣ်လၢ ‘တစိၤသး’ တၢ်အၢၣ်လီၤ လၢကတီလိာ်သကိးသးန့ၣ်လီၤႉ ဖဲ ၂၀၁၄ နံၣ်‚ တၢ်အဲၣ်နီၣ်၀ံာ်ဒၢတဖၣ်လၢ အဘျးလီၤစဲၤသးအဃၢ ကအိၣ်ဘၣ် တၣ်ယဲၢ်ဆံဃၣ်ဃၣ်လၢ သတူာ်ကလာ်ဒုးလီၤပှီၢ်ကွံာ် တိၤအံၤ သ့၀ဲအဃိ‚ နီၣ်၀ံာ်ဒၢတဖၣ်အံၤ ကဘၣ်တၢ်သုးကွံာ်အီၤန့ၣ်လီၤႉ
တၢ်အဲၣ်နီၣ်၀ံာ်ဒၢအါဖျၢၣ်လၢ အလီၤစဲၤလၢတိၤကဖၣ် နဲၣ်တၢ်လၢ တၢ်ဆၢမုၢ် လၢ်တၢ်ယိာ်ယိာ်လၢပပူၤ ဒ်ပမ့ၢ် ပှၤကူပှၤကညီတဖၣ်အသိးလၢ တၢ်ကအိၣ် ဒီး တၢ်ဘံၣ် တၢ်ဘၢလၢ တၢ်အဲၣ်တၢ်ကွံတၢ်အုၣ်ကီၤအဂီၢ်န့ၣ်လီၤႉ လၢတၢ်သး၀ံၣ်တဖၣ် အတၢ် သး၀ံၣ်အပူၤ‚ လံာ်စီဆှံအလီၢ်လံၤတကBတူၢ်လၢ အပာ်ဖျါထီၣ် တၢ်အက့ၢ်အဂီၤလၢပှၤလၢ အအဲၣ်လိာ်သးခံဂၤအဘၢၣ်စၢၤ အတၢ်ကတိၤသကိးတၢ်‚ ပိာ်မုၣ်တခီပာ်ဖျါထီၣ် အတၢ်မိၣ်န့ၢ်သးလီတၢ်လၢ‚ တၢ်ဘံၣ်တၢ်ဘၢကအိၣ်လၢ တၢ်အဲၣ်တၢ်ကွံအဂီၢ် ခီဖျိတၢ်ဃ့ ပှၤလၢအအဲၣ်ဘၣ်၀ဲဆူ ‘‘ပာ်ယၤဒ်တၢ်စဲဃာ်ပနီၣ် လၢနသးလိၤ အသိး‚ ဒ်တၢ်စဲပနီၣ်လၢနစုဒုၣ်လိၤအသိး’’ (တၢ်သး၀ံၣ် ၈း၆) န့ၣ်လီၤႉ အ၀ဲ အတၢ် ဆၢမုၢ်လၢ်မ့ၢ်လၢ ကအိၣ်ဒီးတၢ်ဘံၣ်တၢ်ဘၢလၢ ပိာ်ခွါလၢအအဲၣ်ဘၣ်၀ဲ ဒ်တၢ်စဲပနီၣ်ဃာ်တၢ်လၢပိာ်ခွါအံၤအသးကံၢ်ပူၤ မ့တမ့ၢ် ဒ်ပသံးတဘိလၢ အစုလိၤအသိးန့ၣ်လီၤႉ
တၢ်ဆၢမုၢ်လၢ်တၢ်လၢတၢ်အဲၣ်တၢ်ကွံလၢအဖျါလၢ တၢ်သး၀ံၣ်တဖၣ် အတၢ်သး၀ံၣ် ပာ်ဖျါထီၣ်လၢ လံာ်စီဆှံအသီတကBတူၢ် အတၢ်မ့ၢ်တၢ်တီလၢ အ့းဖ့းစူး အပူၤလၢ ပဘၣ်တၢ်မၤနီၣ်ဃာ်ပှၤလၢ ‘တၢ်စဲပနီၣ်’ လၢယွၤအသးစီဆှံ ( ၁း၁၃) န့ၣ်လီၤႉ ဖဲပှၤကညီအတၢ်အဲၣ်တၢ်ကွံလၢ အဆီတလဲသး ခ@သဒံးဒီး တၢ်အဲၣ်နီၣ်၀ံာ်ဒၢ လၢအဘၣ်တၢ်သုးကွံာ်လၢတိၤတဘိအလိၤကတီၢ်‚ မ့မ့ၢ်ခရၠာစးံာ်အသးစီဆှံတခီ အိၣ်လၢပပူၤအံၤ မ့ၢ်တၢ်စဲပနီၣ် အဂၢၢ်အကျၢၤလၢ အပာ်ဖျါထီၣ် ကစၢ်ယွၤအတၢ်အဲၣ်လၢအကတၢၢ်တအိၣ် အတၢ်အၢၣ်လီၤလၢအဖိတဂၤစုာ်စုာ်အဂီၢ်န့ၣ်လီၤႉ