ယအဲကလံးသရၠာစးၣ်မုၣ်ဒိၣ်စိ လၢခီၣ်မၠူနထံၣ်ခီလ့ၣ်ကၠိ စံး၀ဲလၢ‚ ‘‘ယမ့ၢ်ထိးဘၣ်လံာ်စီဆှံ တဘ့ၣ်အဃိ‚ တၢ်အံၤကအီၣ်ကွံာ်ယစုတဖၣ်လီၤ’’ႉ သတူၢ်ကလာ် ယသးအုးဒိၣ်မး န့ၣ်လီၤႉ ပူလၢပဖးလၢဂီၤအ၀ဲန့ၣ် ဒိးသန့ၤထီၣ်သးလၢ လံာ်စီဆှံတဆၢဒီး ဖဲယထုးထီၣ် လံာ်စီဆှံ ဒ်သိးကကွၢ်ဃုတၢ်န့ၣ် အ၀ဲပာ်သူၣ်ပာ်သးလၢတၢ်အံၤဒီး တဲထီၣ်တၢ်ကတိၤ ဒ်အံၤန့ၣ်လီၤႉ ဖျါလၢယသရၠာစးၣ်မုၣ်ဒိၣ်စိအံၤ‚ ဆိကမိၣ်၀ဲလၢ အတၢ်ဒဲးဘးအါ၀ဲဒိၣ်၀ဲလၢ ကစၢ်ကပျၢ်အတၢ်ကမၣ်န့ၣ်လီၤႉ ဘၣ်ဆၣ်‚ ယတအိၣ်ဒီးတၢ်သးဒူအလၢအပှဲၤ ဒ်သိး ယကတဲဘၣ်အီၤလၢ ယွၤအတၢ်အဲၣ်ဒီး လံာ်စီဆှံတဲဘၣ်ပှၤလၢ ပဃုထံၣ်န့ၢ် ကစၢ်ယွၤအတၢ်ပျၢ် ပတၢ်ကမၣ် သ့၀ဲထီဘိန့ၣ်လီၤႉ
တၢ်အဒိအိၣ်၀ဲတမံၤလၢ အဘၣ်ထွဲဒီး တၢ်ပီၢ်ယၢ်လီၤက့ၤသးဒီး တၢ်ပျၢ်တၢ် ကမၣ်လၢ လံာ်နဃ့မယၤအပူၤန့ၣ်လီၤႉ ပှၤအံၣ်စရၠာစး့လးဖိတဖၣ် ဘၣ်တၢ်စိာ်မၢကဲကုၢ် မ့ၢ်လၢအတၢ်ဒဲးဘးအဃိလီၤႉ ဘၣ်ဆၣ်အခဲအံၤ အ၀ဲသ့ၣ်ဒိးန့ၢ် တၢ်ပျဲလၢ ကက့ၤကဒါက့ၤဆူ ယ့ှူၤ့ှှလ့ၣ်လီၤႉ ဖဲအ၀ဲသ့ၣ်အိၣ်ဆိး၀ဲလၢ အ၀့ၢ်တဖၣ်အပူၤ (နဃ့ ၇း၇၃-၈း၃) ပှၤလုၢ်တၢ်အဒိၣ်စီၤဧ့ြစၤ ဖးထီၣ် တၢ်သိၣ်တၢ်သီလၢ အ၀ဲသ့ၣ်အအိၣ်န့ၣ်လီၤႉ အ၀ဲသ့ၣ်အၢၣ်လီၤအတၢ်ဒဲးဘးတဖၣ်‚ သ့ၣ်နီၣ်ထီၣ်က့ၤလၢ ဖဲလၢ အတၢ်ဒဲးဘး မ့ၢ်အိၣ်၀ဲဘၣ်ဆၣ်‚ ကစၢ်ယွၤ‚ ‘တလဲၤသဒၣ်’ အ၀ဲသ့ၣ် (နဃ့ ၉း၁၇-၁၉) ဘၣ်ႉ ကစၢ်ယွၤ ‘‘နၢ်ဟူအ၀ဲသ့ၣ်အတၢ်ကိး ဒီးလၢတၢ်သးကညီၤ ဒီးတၢ်သးအိၣ် တၢ်‚ ကစၢ်ယွၤ ၀ံသးစူၤအ၀ဲသ့ၣ်လီၤ’’ (း၂၇-၃၁) ႉ
ဒ်န့ၣ်အသိး ယွၤအိၣ်ဒီးတၢ်၀ံသးစူၤလၢ ပဖီခိၣ်လီၤႉ ယွၤတလဲၤသဒၣ်ကွံာ်ပှၤ ဖဲလၢပမ့ၢ်ဃုထၢ ဒ်သိးပပီၢ်ယၢ်လီၤပသးလၢ တၢ်ဒဲးဘးဒီး ဃၣ်က့ၤပသးဆူ ကစၢ် အအိၣ်န့ၣ်လီၤႉ ယဆၢမုၢ်လၢ်လၢ ယကက့ၤကဒါက့ၤဒီးတဲဘၣ် ယသရၠာစးၣ်မုၣ်ဒိၣ်စိလၢ‚ အ၀ဲအတၢ်လဲၤခီဖျိလၢအပူၤကွံာ် ကအိၣ်ဒၣ်၀ဲဒ်လဲၣ်အတွးတအိၣ်‚ ယ့ၣ့်ှှူး အဲၣ်ဒံးဒၣ်အီၤဒီး သးအိၣ်ဒုးကဲထီၣ်အီၤလၢ အဒူၣ်ဖိထၢဖိန့ၣ်လီၤႉ အ၀ဲကလၢၢ်ဘၣ် တၢ်တမံၤဃီ လၢအဘၣ်ထွဲဒီး နၤမ့ၢ်ဂ့ၤ‚ ယၤမ့ၢ်ဂ့ၤန့ၣ်လီၤႉ ပသုးဘူးပသးဆူအအိၣ်ဒီး ဃုထံၣ်အတၢ်ပျၢ် ပတၢ်ကမၣ်သ့‚ ဒီးအ၀ဲကဟ့ၣ်ပှၤတၢ်အံၤ န့ၣ်လီၤႉ