တၢ်ဖီၣ်ဃာ်ဃံးဃံးလၢ တၢ်အၢၣ်လီၤလၢအ၀ဲမၤ၀ဲဆူ လၣ့်ှှိနံၣ်‚ ကၠီနသၣ် ထံၣ်လီၤက့ၤ အသး အကတိၤတၢ်အုးတုးအးတး ဖဲအဟ့ၣ်တၢ်အၢၣ်လီၤလၢ အတၢ်တ့တၢ်ဖျီန့ၣ်လီၤႉ အ၀ဲဆိကမိၣ်ထီၣ်လၢ မ့ၢ်ယအၢၣ်လီၤတၢ်အံၤကသ့‚ ဖဲယတနာ်န့ၢ်လီၤယသးလၢ ယပၢၤ ဃာ်အီၤကန့ၢ်အဃိ န့ၣ်လီၤႉ အ၀ဲဟ့ၣ်တၢ်အၢၣ်လီၤအံၤ ဖဲတၢ်တ့တၢ်ဖျီအကတီၢ် ဘၣ်ဆၣ်‚ တၢ်အတယၢၢ်အဃၢလၢအ၀ဲအၢၣ်လီၤတ့ၢ်၀ဲအံၤ‚ အိၣ်တ့ၢ်ထီဃာ်လၢ အသးပူၤန့ၣ်လီၤႉ ဖဲတၢ်တူၢ်လိာ်မုာ်တၢ်၀ံၤ ကၠီနသၣ် ကိးထီၣ်အမါဆူ တၢ်ဘါသရၠာစးိာ် ဒီးဃ့ ထုကဖၣ်တၢ် လၢအယံာ်န့ၢ်ဒံး ခံနၣ်ရၠာစးံၣ်‚ ဒ်သိးကစၢ်ယွၤ ကမၤစၢၤအီၤလၢ ကပၢၤဃာ်အတၢ်အၢၣ်လီၤဆူ ကအဲၣ် ဒီးကဟုကယာ်လၢ လၣ့်ှှိနံၣ် အဂီၢ်န့ၣ်လီၤႉ
ကၠီနသၣ် အတၢ်တ့တၢ်ဖျီအမုၢ်နံၤအလီၤပျံၤအံၤ သူၣ်လီၤအသးလၢ တၢ်မၤနီၣ်ဃာ်တၢ်လၢ အတၢ်မ့ၢ်ပှၤကူပှၤကညီအနီၢ်ခိဂံၢ်ဘါစၢ်န့ၣ်လီၤႉ ဘၣ်ဆၣ်‚ ယွၤလၢ အအၢၣ်လီၤတၢ်လၢ ကဆိၣ်ဂ့ၤ ပှၤကလုာ်တဖၣ် ခီဖျိစီၤအၤ့ဘၤဟၣ် အတၢ်လီၤစၢၤ လီၤသွဲၣ်န့ၣ် (ကလၤ ၃း၁၆) ‚ တအိၣ်၀ဲဒီး တၢ်မၤနီၣ်ဃာ် ပှဲၤအံၤပှဲၤနုၤနီတမံၤန့ၣ်ဘၣ်ႉ
လၢကတၤတၢ်လၢအပှၤယူဒၤခရၠာစးံာ်ဖိတဖၣ်‚ လၢတၢ်ကပၢၤဃာ်တၢ်ဒီး အိၣ်ခိး လၢ တၢ်သးစူၤ‚ ဒ်သိးကလဲၤကဒီးတၢ်လၢ အ၀ဲသ့ၣ်အတၢ်စူၢ်တၢ်နာ်လၢ ယ့ၣ့်ှှူးအပူၤ‚ ပှၤကွဲးလံာ်ဧ့ၤ့ဘံၤ တဲဖျါက့ၤ ကစၢ်ယွၤအတၢ်စံးပာ်ဆူ စီၤအၤ့ဘၤဟၣ်‚ ပၢ်လၢ အအိၣ်ခိး စူၤသးတၢ်စံးပာ်န့ၣ်လီၤႉ ဒီးတၢ်စံးပာ်လၢ အ၀ဲအိၣ်ခိး၀ဲအံၤ လၢထီၣ်ပှဲၤထီၣ်၀ဲလီၤ (၆း၁၃-၁၅) ႉ စီၤအၤ့ဘၤဟၣ် ဒီးနီၢ်စၤရၠာစးါ ဒ်အမ့ၢ် ပှၤသူၣ်က့သးပှၢ်တ့ၢ်လံအံၤ‚ တၢ်ဒူၣ်တၢ်ဆၢတအိၣ် နီတမံၤလၢ ယွၤအတၢ်စံးပာ်လၢ ကလၢထီၣ်ပှဲၤထီၣ်‚ ဒ်သိးကဟ့ၣ်လီၤ စီၤအၤ့ဘၤဟၣ် ‘အချံအသၣ်အါအါဂီၢ်ဂီၢ်’ (း၁၄) န့ၣ်ဘၣ်ႉ
မ့ၢ်နဘၣ်တၢ်တၤနၤလၢ နကနာ်န့ၢ်ကစၢ်ယွၤ ဖဲလၢနဂံၢ်ဘါမ့ၢ်စၢ်‚ ဂံၢ်စၢ်ဘါစၢ် ဒီးမ့ၢ်ပှၤကူပှၤကညီန့ၣ်ဧါႉ မ့ၢ်နဘၣ်ဟူးဂဲၤလၢ နကပၢၤဃာ် တၢ်အၢၣ်လီၤတဖၣ်‚ ဒ်သိးကမၤလၢပှဲၤတၢ်လၢ နအၢၣ်လီၤတ့ၢ်၀ဲတဖၣ်န့ၣ်ဧါႉ လၢ ၂ ကရၠာစးံၣ် ၁၂း၉ အပူၤ‚ ကစၢ်ယွၤအၢၣ်လီၤလၢ ကမၤစၢၤပှၤလီၤႉ ‘‘ယဘျုးယဖှိၣ် အါလံလၢ နဂီၢ်လံႉ အဂ့ၢ်ဒ်အံၤ‚ ယစိကမီၤ လၢထီၣ်ပှဲၤထီၣ်လၢ တၢ်အဂံၢ်စၢ်အဘါစၢ်အပူၤလီၤ’’ႉ လၢ ၃၆ နံၣ်အတီၢ်ပူၤ‚ ကစၢ်ယွၤမၤစၢၤ ကၠီနသၣ် ဒီး လၣ့်ှှိနံၣ် လၢ ကပၢၤဃာ်တၢ်အၢၣ်လီၤ ဒ်သိးအ၀ဲသ့ၣ် အၢၣ်လီၤတ့ၢ်၀ဲတဖၣ်န့ၣ်လီၤႉ ဘၣ်မနုၤလၢနတနာ်န့ၢ် အတၢ်ကမၤစၢၤနၤန့ၣ်လဲၣ်ႉ