တၢ်သ့ၣ်နီၣ်ထီၣ်အပနီၣ်လၢ ကမၤဂၢၢ်ကျၢၤတၢ်စူၢ်တၢ်နာ်
ဖဲယနုာ်လီၤဆူ တၢ်ဘါလီၢ်စီဆှံ လၢအပှဲၤဒီးတၢ်သူၣ်၀ံၣ်သးဆၢအခါ‚ ယကွၢ်၀းတရၠာစးံး ဆူကမျၢၣ်တဖၣ် လၢအဟဲပာ်ဖှိၣ်ထီၣ်အသး လၢနံၣ်ထီၣ်သီဟါအဂီၢ်န့ၣ်လီၤႉ တၢ်သးခု စိာ်ထီထီၣ်ယသးဒီး တၢ်မုၢ်လၢ်‚ ဖဲယသ့ၣ်နီၣ်ထီၣ်က့ၤနံၣ်လၢအပူၤကွံာ် အတၢ်ထုကဖၣ် အခါန့ၣ်လီၤႉ ပပှၤကမျၢၢ်တဖၣ် သးအုးသကိးတ့ၢ်လၢ ဖိလၢအလဲၤကမၣ်ကျဲတဖၣ်‚ ပှၤလၢပအဲၣ်တဖၣ်အတၢ်သံ‚ တၢ်ဖံးတၢ်မၤလၢ အလီၤမၢ်တဖၣ်‚ ဒီးတၢ်လီၤမုၢ်လီၤဖးတဖၣ်အဂီၢ်လီၤႉ ဘၣ်ဆၣ်ပလဲၤ ခီဖျိဘၣ်စ့ၢ်ကီး ယွၤအဘျုးအဖှိၣ် ဖဲပသ့ၣ်နီၣ်ထီၣ်က့ၤသး လၢအလဲလိာ်တဖၣ် ဒီးတၢ်ဘၣ်ထွဲ လၢအဘၣ်လိာ်ဘၣ်စး က့ၤတဖၣ်အခါန့ၣ်လီၤႉ ပသဂၢၢ်တ့ၢ် တၢ်မၤန့ၢ်မၤနၢၤ တဖၣ်‚ တၢ်ဖျီတဖၣ်‚ တၢ်ဖျိထီၣ်ကၠိတဖၣ်‚ ဒီးတၢ်ဒိးဘျၢထံ ဆူယွၤအဒူၣ်ဖိထၢဖိအပူၤန့ၣ်လီၤႉ ပတူၢ်လိာ်မုာ်တ့ၢ်ဘၣ် ဖိဆံးဖိ လၢအအိၣ်ဖျဲၣ်ထီၣ်သ့ၣ်တဖၣ်‚ ဖိလၢ အဘၣ်တၢ်လုၢ်ဖိအီၤတဖၣ်‚ မ့တမ့ၢ် ဘၣ်တၢ်ပာ်စီဆှံထီၣ် ဆူယွၤအအိၣ်တဖၣ်‚ ဒီးတၢ်ဂ့ၢ် အါန့ၢ်အန့ၣ်တဖၣ်လံန့ၣ်လီၤႉ
ဖဲပကွၢ်ထံဆိကမိၣ်ကဒါက့ၤတၢ်မၤကွၢ်တဖၣ် လၢတၢ်အိၣ်ဖှိၣ်အပှၤဟံၣ်ဖိ တဖၣ် ဘၣ်ကွၢ်ဆၢၣ်မဲာ်တ့ၢ်၀ဲအခါန့ၣ်‚ ဒ်၀ံယံးရၠာစးမံယၤ သ့ၣ်နီၣ်ထီၣ်က့ၤ ‘အတၢ်နး တၢ်ဖှီၣ်’ ဒီး ‘တၢ်အၢလၢအဘၣ် (အီၤ) ’ အသိး‚ ယနာ်လၢ ‘မ့ၢ်ယွၤအဘျုးအဖှိၣ်‚…
တၢ်မၤလၢထီၣ်ပှဲၤထီၣ် အကတီၢ်တဖၣ်
ဖဲနံၣ်အကတၢၢ်န့ၣ် တၢ်မၤလၢအတ၀ံၤသ့ၣ်တဖၣ် ထုးဃၢပှၤသ့န့ၣ်လီၤႉ မူဒါ တၢ်ဖံးတၢ်မၤတဖၣ် လၢဟံၣ်ဃီဒီး တၢ်မၤလီၢ်န့ၣ် ကဖျါ ဒ်အတကတၢၢ် လၢၤနီတစု ဘၣ်‚ ဒီးတၢ်လၢအတ၀ံၤဒံးဘၣ်လၢတနံၤအံၤန့ၣ် တလ့ၣ်နုာ်လီၤဆူ ခဲမုၢ်ဆ့ၣ်တနံၤ အပူၤန့ၣ်လီၤႉ ဘၣ်ဆၣ် လၢပတၢ်နာ်အတၢ်လဲၤအပူၤ‚ အကတီၢ်အိၣ်၀ဲ ဖဲပဂ့ၤ ဆိကတီၢ်တစိၢ်ဖိ ဒီးသဂၢၢ် ယွၤအတၢ်မၤတီအကလုၢ် ဒီးတၢ်မၤလၢ အလၢထီၣ်ပှဲၤထီၣ်လံသ့ၣ်တဖၣ်အဂီၢ်န့ၣ်လီၤႉ
စီၤပီလူး ဒီးစီၤဘၢ်နဘၤ အတၢ်သးခုကစီၣ် အတၢ်လဲၤအဆိကတၢၢ်တဘျီ၀ံၤန့ၣ်‚ ‘‘ဒိးထီၣ်ကဘီ ဖဲန့ၣ်‚ ဒီးက့ၤက့ၤ၀ဲဆူ အၣ်တံၤအီာ် ဖဲပှၤဟ့ၣ်တ့ၢ်အီၤ ဆူယွၤ အဘျုးအဖှိၣ်‚ ဒ်သိးအကမၤတၢ်လၢ အမၤ လၢထီၣ်ပှဲၤထီၣ်န့ၣ်လီၤ’’ (မၤ ၁၄း၂၆) ႉ တၢ်နီၤဟ့ၣ် ကစၢ်ယ့ၣ်။းအတၢ်ကစီၣ်ဆူ ပှၤဂၤန့ၣ် အိၣ်တ့ၢ်ဒံး ဘၣ်ဆၣ်‚ အ၀ဲသ့ၣ် ဟံးန့ၢ် တၢ်ဆၢကတီၢ် လၢကစံးဘျုး တၢ်လၢအမၤ၀ံၤတ့ၢ်လံတဖၣ်အဂီၢ်လီၤႉ ‘‘ဒီးတုၤ အတုၤ၀ဲ ဒီးဒုးအိၣ်ဖှိၣ်ရၠာစးိဖှိၣ် တၢ်အိၣ်ဖှိၣ်‚ ဒီးစံၣ်တဲၤတဲလီၤတၢ် ဖဲဒၣ် ယွၤမၤလၢ အစုပူၤတဖၣ်‚ ဒီးလၢအအိးထီၣ်…
တၢ်လၢအအိၣ်တီၢ်လၢ မဲာ်ချံပူၤ
ထိၣ်ကနဲဖိ တဖၣ် ဒိးန့ၢ်အကိၤလၤ၀ါအမံၤလၢ ‘ဟါမ့’ တၢ်အသီၣ်ဟဲထီၣ် လၢအ၀ၢ်အဒံးဖိတဖၣ်ခ@ခ@ န့ၣ်လီၤႉ လၢကျိာ်အဂၤတဖၣ်အပူၤ ပှၤသ့ၣ်ညါအီၤ ဒ် ‘ထိၣ်လၢအနၢမူဖီ’ လၢပီတူၤကံၣ်ကျိာ် မ့တမ့ၢ် ‘လၢၢ်လုၢ်ပရၤဒိၣ်လၢအယူၤ’ လၢစပ့ၣ်ကျိာ် န့ၣ်လီၤႉ ထိၣ်တကလုာ်အံၤ လၢအမံၤအကျါမံၤလၢယအဲၣ်ကတၢၢ်န့ၣ် မ့ၢ် ‘ဘငကူက တၢ်လၢအအိၣ်တီၢ် လၢမဲာ်ချံပူၤ’ လၢမဲးစံကၣ် စၢ်ပိတဲး အကျိာ်န့ၣ်လီၤႉ အခီပညီမ့ၢ်၀ဲ တုၤနထံၣ်အီၤတဘျီန့ၣ်‚ နတသးပ့ၤနီၣ်အီၤလၢၤဘၣ်ႉ
ကၠံၢ်ႉက့ၢ်ႉ ခၠဲစတၢ်တၢၢ် ကွဲး၀ဲ ‘‘ဟီၣ်ခိၣ်အံၤ တမ့ၢ်ကလီၤဒိ၀ဲဒၣ် လၢတၢ်လိၣ်ဘၣ် တၢ်လီၤလးတဖၣ် နီတဘျီဘၣ်‚ မ့မ့ၢ်ထဲ တၢ်လိၣ်ဘၣ် တၢ်လီၤလးန့ၣ်လီၤႉ ထိၣ်ကနဲဖိမ့ၢ်တၢ်လီၤလး ဒ်သိးအံၤ အကျါတမံၤလီၤႉ တၢ်လၢအလီၤသးစဲကမၢကမၣ် ဘၣ်ဃးဒီးတၢ်ဖိတၢ်လံၤဆံးကိာ်ဖိတဖၣ်အံၤန့ၣ် မ့ၢ်မနၤလဲၣ်ႉ ဘၣ်သ့ၣ်သ့ၣ် ကမ့ၢ်အ၀ဲသ့ၣ် အနီၢ်ကစၢ်ဆံးဖိ အိၣ်ထဲ ၂-၃ လဲးမးဖိအဃိ မ့ၢ်တမ့ၢ် အတၢ်၀ၢ် အဒံးဆ့န့ၣ် ခ@၀ဲ တစဲးကီးန့ၣ် အဘျီ ၅၀-၂၀၀ အဃိန့ၣ်လီၤႉ
ပှၤကွဲးထါစံးထီၣ်ပ့တၢၤ…
ကိးမုၢ်နံၤအကတီၢ်ဖိတဖၣ်
ယပာ်ထီၣ် ပနံာ်ရၠာစးိကျး လၢယသိလ့ၣ်အပူၤ ဒီးလၢတၢ်ပလီၢ်သူၣ်ပလီၢ်သး အပူၤ နီၣ်ဟးထီၣ်လၢ ယသိလ့ၣ်အိၣ်အလီၢ်န့ၣ်လီၤႉ သတူၢ်ကလာ် ပှၤပိာ်ခွါတဂၤ ဃ့ၢ်ခီကျဲ ဖဲဒၣ်ယမဲာ်ညါဖိဧိၤလီၤႉ အ၀ဲတထံၣ်ပာ်သူၣ်ပာ်သး ယတၢ်ဟဲန့ၣ်ဘၣ်ႉ ယယီၢ်တံၢ် နီၣ်ပတုာ်ချုးဒးဒးဖိန့ၣ်လီၤႉ အ၀ဲဖုးဘၣ်သး ဒီးကွၢ်ထီၣ်၀ဲ‚ ဒီးထံၣ် ယတၢ်ကွၢ်ထီဃာ်အီၤန့ၣ်လီၤႉ ဖဲန့ၣ်အကတီၢ်‚ ယသ့ၣ် ညါ လၢယအိၣ်ဒီးတၢ်ဃုထၢ လၢယကလံထီၣ် ယမဲာ်ချံ ဒီးပာ်ဖျါထီၣ် ယတၢ်သးတံာ်တာ်ဧါႉ မ့တမ့ၢ် ယကနံၤကမှံ ဒီးပျၢ်အီၤန့ၣ်ဧါလီၤႉ ယနံၤကမှံထီၣ်ယဲလီၤႉ
အတၢ်သူၣ်ကိၢ်သးဂီၤ ဖျါစၢ်လီၤ လၢအမဲာ်သၣ် လိၤ‚ ဒီးအနီၢ်ကစၢ်ဒၣ်၀ဲ နံၤကမှံထီၣ်၀ဲလၢတၢ်စံးဘျုး အပူၤန့ၣ်လီၤႉ
လံာ်တၢ်ကတိၤဒိ ၁၅း၁၃ စံး ‘‘တၢ်သးခုန့ၣ် မၤဂ့ၤထီၣ် ပှၤအမဲာ်လီၤႉ မ့မ့ၢ်တၢ်သူၣ်ကိၢ်သးဂီၤန့ၣ် မၤသူၣ်ကၢ်သးလီၤတၢ်လီၤ’’ႉ ပှၤကွဲးတၢ်မ့ၢ် အနဲၣ်ပှၤ လၢပကအိၣ်ဒီး တၢ်နံၤတၢ်အ့‚ မဲာ်ဆၢနါဆၢ ဖဲပဘၣ်သဂၢၢ် ဒီးတၢ်မၤတံာ်တာ်‚ တၢ်သးဟးဂီၤ ဒီးတၢ်တမုာ်တလၤကိးမံၤ လၢသးသမူ ဟဲစိာ်န့ၢ်ပှၤ အခါဧါႉ တမ့ၢ်လ့ၤတက့ၤဘၣ်ႉ ဆၢကတီၢ်အိၣ်၀ဲ…
တနံၤဘၣ်တနံၤ အတၢ်ကွဲးစံးဘျုး
ဖဲယကဲသီပှၤစူၢ်က့ၤနာ်က့ၤ ယ့ၣ်။းခရၠာစးံာ်အခါ‚ ပှၤဟ့ၣ်ကူၣ်တၢ်လၢသူၣ်ဂ့ၢ်သးကျိၤ တဂၤ ဟ့ၣ်ဂံၢ်ဟ့ၣ်ဘါယၤ လၢယကပာ်တနံၤဘၣ်တနံၤ အတၢ်ကွဲးစံးဘျုးနၤ န့ၣ်လီၤႉ ယစိာ်လံာ်ဆံးဖိတဘ့ၣ်ဒီးယၤ ဖဲယလဲၤတပူၤလၢ်လၢ်န့ၣ်လီၤႉ တဘျီဘျီ‚ ယကွဲးနီၣ် တၢ်စံးဘျုးတဘျီဃီလီၤႉ ဆၢကတီၢ်အဂၤ‚ ယကွဲး ဖဲနွံအကတၢၢ် ဖဲယဆိကမိၣ်သမံသမိးက့ၤအကတီၢ်န့ၣ်လီၤႉ
တၢ်ကွဲးလီၤ တၢ်စံးဘျုးတဖၣ်န့ၣ် မ့ၢ်လုၢ်လၢ် လၢအဂ့ၤတမံၤ‚ ဒီးယဆိကမိၣ် လၢယကဒုးအိၣ်ထီၣ်က့ၤ ကဒီးအီၤ လၢယတၢ်အိၣ်မူအပူၤန့ၣ်လီၤႉ တၢ်အံၤ ကမၤစၢၤယၤ ဒ်သိးယကသ့ၣ်နီၣ်ပာ်သး ယွၤအတၢ်အိၣ် ဒီးယၤ‚ ဒီးစံးဘျုးက့ၤအီၤ လၢအတၢ်လုၢ်အီၣ်လုၢ်အီ ဒီးအတၢ်အံးကွၢ် အဂီၢ်လီၤႉ
ထါစံးထီၣ်ပ့တၢၤတဖၣ်အကျါ ထါအဖုၣ်ကတၢၢ် လၢအမ့ၢ်ထါစံးထီၣ်ပ့တၢၤ ၁၁၇ အပူၤ‚ ပှၤကွဲးထါ သဆၣ်ထီၣ်ပှၤကိးဂၤဒဲး လၢ ကစံးထီၣ်ပ့တၢၤကစၢ်ယွၤ‚ မ့ၢ်လၢ ‘‘အဘျုးအဖှိၣ်အိၣ်လၢပဖီခိၣ်ဒိၣ်မး’’ (း၂) အဃိန့ၣ်လီၤႉ
ဆိကမိၣ်တၢ်အံၤတက့ၢ်ႉ ကစၢ်ယွၤပာ်ဖျါတ့ၢ်အတၢ်အဲၣ်လၢနၤ တနံၣ်အံၤ‚ တနွံအံၤ‚ တလါအံၤ‚ ဒီးတနံၤအံၤ ဒ်လဲၣ်ႉ ဃုကွၢ်ထဲတၢ်လီၤလး တဖၣ်တဂ့ၤႉအတၢ်အဲၣ်န့ၣ်‚ ပထံၣ်န့ၢ်အီၤသ့ လၢသးသမူအတၢ်မၤအသး မုၢ်ဆ့ၣ်မုၢ်ဂီၤ ကိးနံၤဒဲး…