ဖဲပဟဲက့ၤစိာ်ဖိခွါ လၢပလုၢ်ဖိအီၤ လၢထံဂၤကီၢ်ဂၤဖိတဂၤ တုၤလၢပဟံၣ်န့ၣ်‚ ယသးဟူးသးဂဲၤ လၢကဒုးဖျါထီၣ် ယတၢ်အဲၣ်‚ ဒီးဒုးအီၣ်ဒုးအီကသံၣ်ဒီး တၢ်အီၣ်တၢ်အီ လၢနံၣ်လါ လၢအကဟဲဆူညါသ့ၣ်တဖၣ်အပူၤ‚ မ့ၢ်လၢဖိသၣ်အံၤ အတၢ်အီၣ်တၢ်အီသ့ၣ်တဖၣ် လၢအကဲထီၣ်ဂံၢ်ဘါတဖၣ် စှၤလီၤ၀ဲ လၢအဂီၢ်အဃိလီၤႉ ဖိသၣ်အံၤ ပဒုးအီၣ်ဒုးအီအီၤကသံၣ် ဒီးတၢ်အီၣ်တၢ်အီ လၢအဂ့ၤကတၢၢ် ဘၣ်ဆၣ်‚ အ၀ဲဒိၣ်ထီၣ်၀ဲဒၣ် တဆံးတက့ၢ်လီၤႉ ဒီးတုၤအပှဲၤထီၣ် သၢနံၣ်အကတီၢ်န့ၣ်‚ ပသ့ၣ်ညါ လၢတၢ်လၢပဒုးအီၣ် အီၤတဖၣ်န့ၣ် အသွံၣ်အထံတတူၢ်လိာ်၀ဲအဃိ‚ ပသုးကွံာ် တၢ်သ့ၣ်တဖၣ်န့ၣ်လီၤႉ ဒီးလၢစှၤလါအကတီၢ်န့ၣ် ဖိသၣ်အံၤ ဒိၣ်ထီၣ်၀ဲဒၣ်န့ၣ်လီၤႉ တၢ်သးအုးပဂီၢ် လၢဖိသၣ်အံၤ အတၢ်အိၣ်ဆူၣ်အိၣ်ခ@စှၤလီၤ၀ဲ‚ မ့ၢ်လၢကသံၣ် ဒီးတၢ်အီၣ်တၢ်အီအဃိန့ၣ်လီၤႉ သနာ်က့ မ့ၢ်လၢဖိသၣ်အံၤ အတၢ်အိၣ်ဆူၣ် အိၣ်ခ@ဂ့ၤထီၣ်က့ၤ၀ဲလၢအခ@အဃိ‚ ကဲထီၣ်တၢ်သးခု လၢပဂီၢ်လီၤႉ
ယဆိကမိၣ်တယာ်ယဲ လၢစီၤပၤယိၤ့ှှံယၤဆိကမိၣ်တၢ်ဒ်သိးဒီးယၤ‚ ဖဲတၢ်ထံၣ်န့ၢ်က့ၤ လံာ်တၢ်သိၣ်တၢ်သီအလံာ် လၢအလီၤမၢ်၀ဲန့ၣ်လီၤႉ ဒ်သိးယသးအုး လၢကသံၣ်ဒီးတၢ်အီၣ်တၢ်အီသ့ၣ်တဖၣ် မၤတံာ်တာ် ယဖိအတၢ်ဒိၣ်ထီၣ်အသိး‚ စီၤပၤ ယိၤ့ှှံယၤ သးအုး၀ဲဒၣ် လၢကစၢ်ယွၤအတၢ်မုၢ်လၢ် လၢအလၢပှဲၤ၀ဲ လၢအပှၤကလုာ် တဖၣ်အဂီၢ်‚ လီၤမၢ်၀ဲအဃိလီၤ (၂ စီၤ ၂၂း၁၁) ႉ
စီၤပၤယိၤ့ှှံယၤ ခါလီၤအကလုၢ် ဆူအပှၤကလုာ်သ့ၣ်တဖၣ်‚ ဒ်သိးကမၤတၢ် လၢအဘၣ် လၢယွၤအမဲာ်ညါအပူၤလီၤ (၂ စီၤပၤ ၂၂း၂) ႉ သနာ်က့ တုၤအထံၣ်က့ၤ လံာ်တၢ်သိၣ်တၢ်သီန့ၣ်‚ အ၀ဲဒၣ် သိၣ်လိဂ့ၤထီၣ်အသး လၢကတီဒီးယွၤအဂီၢ်လီၤႉ ဒီးဃုာ်ဒီးတၢ်သ့ၣ်ညါအသီန့ၣ်‚ အ၀ဲဆှၢအပှၤကလုာ်တဖၣ်‚ ဒ်သိးကဘါထီၣ်ကဒီး ကစၢ်ယွၤ‚ ဒ်ကစၢ်ယွၤခါလီၤ အကလုၢ်အသိးလီၤ (၂ စီၤပၤ၂၃း၂၂-၂၄) ႉ
ဒ်ပသိၣ်လိပသး လၢလံာ်စီဆှံအပူၤ‚ လၢပကဘၣ်မၤလၤကပီၤ ကစၢ်ယွၤ ဒ်လဲၣ်အသိးန့ၣ်‚ ပကဘၣ်သးအုး လၢပအိၣ်၀ဲ ဒီးတၢ်လီၤတူာ်လီၤကာ် ဒီးကစၢ်ယွၤ အတၢ်မုၢ်လၢ် လၢပဂီၢ်လီၤႉ သနာ်က့ ပကဘၣ်ထိၣ်ကဆှၣ် လီၤပသး ဒီးအိၣ်မုာ် အိၣ်ခုၣ် လၢကစၢ်ယွၤ‚ မၤဘျါဒီးမၤဘၣ်လိၣ်ဘၣ်စးက့ၤပှၤ‚ ဆှၢက့ၤပှၤ လၢကလုၢ် ကပုာ်လုးအပူၤ‚ ဆူတၢ်နာ်အဒိၣ်အယိာ်အပူၤလီၤႉ