လၢနံၣ်ကထိလၢအပူၤကွံာ်န့ၣ်‚ ကစၢ်ယွၤကတိၤတၢ်ဒီး စီၤမိၤဒီး‚ ဒီးဒုးအိၣ်ထီၣ် မူးအသီ တခါ လၢအပှၤကလုာ်တဖၣ်အဂီၢ်လီၤႉ လၢ ၂မိၤဒီး ၂၃း၁၆ စီၤမိၤဒီးအတၢ်ကွဲးနီၣ် န့ၣ် ကစၢ်ယွၤစံး၀ဲ‚ ‘‘မၤမူးအသီတမံၤ လၢတၤသူတၤသၣ် လၢနသူၣ်အီၤလၢစံာ်ပျီပူၤ‚ လၢနကူးပာ်ဖှိၣ် အဆိကတၢၢ်တဖၣ်တက့ၢ်’’ႉ
မုၢ်မဆါတနံၤအံၤ ထံကီၢ်လၢဟီၣ်ခိၣ်အါဘ့ၣ်‚ မၤမူးသ့ၣ်တဖၣ်လၢအလီၤဂာ် ဒီးဟီၣ်ခိၣ်အဟ့ၣ်ထီၣ် အတၤသူတၤသၣ်အမူးစ့ၢ်ကီးလီၤႉ လၢကီၢ်ကါနၢ် မၤ၀ဲဒၣ် ှၠာ Fနျအငလၠူ လၢအမ့ၢ်တၢ်ကူးထၢဖှိၣ်ဟီၣ်ခိၣ် အတၤသူၣ်တၤသၣ် အမူးဧိၤပွဲဧိၤလီၤႉ လၢကီၢ် Bမၠဖငူ ပာ်လီၤ၀ဲ ဆၢကတီၢ်တကတီၢ် လၢတၢ်ကပာ်ဖျါထီၣ်‚ တၢ်စံးဘျုးစံးဖှိၣ် လၢတၢ်မုၢ်တၢ်ဘိ လၢအဟ့ၣ်ထီၣ် တၢ်အီၣ်တၢ်အီလီၤႉ ကီၢ်တ့ှူးမၤ၀ဲ လါ (ာသသည) အမုၢ်နံၤ‚ ဖဲတၢ်ဂိၢ်ထီၣ် အကတီၢ် အခၢၣ်သးလီၤႉ လၢကီၢ် ၢှဗ ဒီး ကီၢ် ဃၠညၠိၠ အပူၤတခီ မၤ၀ဲတၢ်စံးဘျုးစံးဖှိၣ် အမုၢ်နံၤလီၤႉ
ဒ်သိးကသ့ၣ်ညါဘၣ်‚ တၢ်မၤတၤသူၣ်တၤသၣ်အမူးအတၢ်ကွၢ်စိအဂီၢ် ပကဘၣ် ကွၢ်ကဒါက့ၤ စီၤနိအၤအဂ့ၢ် ဖဲထံလုၣ်ဘၢ တၢ်၀ံၤအကတီၢ်န့ၣ်လီၤႉ ကစၢ်ယွၤ ဒုးသ့ၣ်နီၣ်ထီၣ်က့ၤ စီၤနိအၤ‚ ဒီးအဟံၣ်ဖိဃီဖိ‚ ဒီးပ၀ဲဒၣ် သ့ၣ်တဖၣ် လၢပကဘၣ် ကတဲာ်ကတီၤပသး‚ ဒ်သိးပကဂုၤထီၣ်ပသီထီၣ် လၢဟီၣ်ခိၣ်အံၤ အပူၤလီၤႉ ဟီၣ်ခိၣ်အံၤအိၣ်၀ဲဒီး ‘‘မူခိၣ်သီၣ်ဂီၤအကတီၢ်‚ မုၢ်ဆါဒီးမုၢ်နၤအကတီၢ်‚ ဒီးဖှံတၢ်အကတီၢ်‚ ဒီးကူးဘုအကတီၢ်လီၤ (၁ မိၤ ၈း၂၂) ’’ႉ ပတၢ်သ့ၣ်ညါဆၢ တၢ်ဘျုး ဒီးသးအိၣ်ပာ်ဖျါထီၣ်‚ တၢ်စံးဘျုးလၢတၢ်ကူးပာ်ဖှိၣ်တၤသူၣ်တၤသၣ်အမူး‚ လၢပမၤန့ၣ်‚ ကလဲၤထီၣ်၀ဲဒၣ်လိၤလိၤ ဆူကစၢ်ယွၤတဂၤအအိၣ်လီၤႉ
ဖဲနအိၣ်တပူၤလၢ်လၢ်‚ မ့တမ့ၢ် နမၤမူး ဘၣ်ဃးဒီးဟီၣ်ခိၣ်အသၣ်ထီၣ်တမံၤ လၢ်လၢ်န့ၣ်‚ ဟံးန့ၢ်ဆၢကတီၢ် လၢနကပာ်ဖျါထီၣ် ကစၢ်ယွၤအဘျုးအဖှိၣ်တက့ၢ်ႉ မ့တမ့ၢ်လၢကစၢ်ယွၤအတၢ်မၤလီၤဘီ‚ လီၤမုၢ်အဃိန့ၣ်‚ ပအိၣ်ဒီးတၢ်ကူးပာ်ဖှိၣ် တၤသူၣ်တၤသၣ် တသ့၀ဲဘၣ်အဃိလီၤႉ