ဖဲ ဒဲနှးစ် ထံၣ်၀ဲ ပိာ်မုၣ် လၢအအိၣ်ဒီးတၢ်သူၣ်ဘၣ်ဒိသးဘၣ်ထံးတဂၤ လၢသရၠာစးိာ်အပူၤန့ၣ်‚ သးကညီၤဘၣ်အီၤအဃိ‚ ပာ်လီၤ၀ဲအသး လၢကမၤစၢၤအီၤလီၤႉ ကိးနွံဒဲး‚ ထံၣ်လိာ် အသး ဒီးကတိၤဟ့ၣ်ကူၣ်ဟ့ၣ်ဖး ဒီးဘါထုကဖၣ်န့ၢ်တၢ်လၢအဂီၢ်လီၤႉ အ၀ဲကဲထီၣ်ပိာ်မုၣ်န့ၣ် အပှၤဟ့ၣ်ကူၣ်ဟ့ၣ်ဖးတဂၤလီၤႉ သနာ်က့ တၢ်အိၣ်ဖှိၣ်ခိၣ်နၢ်တဖၣ် တသ့ၣ်ညါ လၢဒဲနှးစ် အတၢ်မၤအဃိ‚ ဃုထၢထီၣ်ပှၤအသီတဂၤ လၢကမၤစၢၤ ပိာ်မုၣ်န့ၣ် ခီဖျိ အတၢ်ဟ့ၣ်ကူၣ်ဟ့ၣ်ဖး တဖၣ်န့ၣ်လီၤႉ စးထီၣ်လၢန့ၣ် အကတီၢ်န့ၣ် မတၤတဂၤ မးတဟ့ၣ်ထီၣ်‚ တၢ်ဟ့ၣ်ကူၣ် ဒီး တၢ်မၤစၢၤ ဆူပိာ်မုၣ်အံၤ လၢၤဘၣ်ႉ ပိာ်မုၣ်အံၤ တဒိးန့ၢ်ဘၣ်၀ဲ တၢ်မၤစၢၤ လၢ ဒဲနှးစ်် န့ၣ် ဒဲနှးစ် သ့ၣ်ညါ၀ဲ သနာ်က့‚ မၤ၀ဲတသ့လၢၤအဃိ‚ အ၀ဲအိၣ်ဒီးတၢ်သူၣ်ကၢ်သးလီၤႉ စံး၀ဲဒၣ် ‘‘တၢ်အံၤ မ့ၢ်လၢ ယတမၤတၢ်နီတမံၤ အဃိလီၤ’’
ဘၣ်တနံၤ ပိာ်မုၣ်အ၀ဲန့ၣ်စံးဘၣ် ဒဲနှးစ်် လၢ ‘‘သါစံးဘျုးဘၣ်အီၤဒိၣ်မး လၢတၢ်မၤစၢၤသ့ၣ်တဖၣ်လီၤႉ အဃိ ဒဲနှးစ် အသးဆူၣ်ထီၣ်က့ၤ ဒီးမၤစၢၤကဒီး ပိာ်မုၣ်အံၤလီၤႉ တၢ်အံၤ မၤအသးဒ်ကစၢ်ယွၤတဲဘၣ် ဒဲနှးစ် လၢ‘‘ယသ့ၣ်ညါ လၢနအိၣ်ဖဲန့ၣ် လၢအဂီၢ်’’ အဃိလီၤႉ
တဘျီဘျီ ပတအိၣ်ဒီးတၢ်သူၣ်ဆူၣ်သးဆူၣ် ဖဲပတၢ်မၤဘျုးမၤဖှိၣ်တဖၣ်‚ တၢ်တသ့ၣ်ညါဘၣ်အီၤ အကတီၢ်လီၤႉ တမံၤဂ့ၤ‚ တမံၤဂ့ၤ‚ ကစၢ်ယွၤအကလုၢ်ကထါ ဒုးသ့ၣ်ညါပှၤလၢ ကစၢ်ယွၤသ့ၣ်ညါ တၢ်လၢပမၤသ့ၣ်တဖၣ်ခဲလၢာ်လီၤႉ တၢ်လၢပှၤဂုၤဂၤတသ့ၣ်ညါ၀ဲတဖၣ် အ၀ဲသ့ၣ်ညါ၀ဲခဲလၢာ်လီၤႉ ဒီးမၤသးခုအီၤ ဖဲပမၤတၢ် လၢအဂီၢ်လီၤႉ တလိၣ်ဘၣ်၀ဲ လၢပှၤကညီကစံးထီၣ်ပ့တၢၤဘၣ်ႉ
ဘၣ်တဘၣ်‚ ဘၣ်မနုၤလၢကစၢ်ခရၠာစးံာ်ဟ့ၣ်ပှၤ‚ တၢ်အဒိအတဲာ် ခီဖျိအတၢ်တဲဘၣ်ပှၤ ‘‘ပကမၤပတၢ်ဟ့ၣ်’’ လၢတၢ်ခူသူၣ်’’ ဒ်သိး နပၢ်လၢအထံၣ်တၢ် လၢတၢ်ခူသူၣ်န့ၣ် ကဟ့ၣ်လီၤနၤလီၤ’’ (မး ၆း၄) ပသုတကွၢ်လၢ်ဘၣ်ပှၤဂုၤဂၤ လၢကသ့ၣ်ညါစံးထီၣ်ပ့တၢၤပှၤ‚ ဘၣ်ဃးဒီး ပတၢ်မၤဂ့ၤ‚ တဂ့ၤ ပကစိာ်ထီၣ်က့ၤပသး ဖဲကစၢ်ယွၤသ့ၣ်ညါ‚ လၢပမၤအတၢ်မၤလၢတၢ်တီတၢ်လိၤအပူၤ‚ ဘၣ်ဃးဒီး ပှၤဂုၤဂၤ အဂီၢ် အကတီၢ်တက့ၢ်ႉ