ခဲလံၣ်အဟုးအသးန့ၣ်‚ တၢ်ဆူးတၢ်ဆါအဂၤ ဟဲဒုးအိၣ်ထီၣ်အဃိ‚ ကသံၣ်သရၠာစးၣ် သ့ၣ်တဖၣ် ဘၣ်ဒုးအိၣ်ဖျဲၣ်အီၤ ကီကီခဲခဲလီၤႉ အဃိ‚ ဒိးန့ၢ် တၢ်ဆါ အ့ၣ်ထုးအ့ၣ်စိၢ် ပှဲၤ၀ဲဒီး တၢ်ကအုကစွါန့ၣ်လီၤႉ ဘၣ်ဆၣ် ဖဲအ၀ဲစိာ်ထီၣ် အဖိလၢအအိၣ်ဖျဲၣ်၀ဲ သီသီတဂၤ အကတီၢ်န့ၣ်‚ တၢ်ဆါလၢ အတူၢ်ဘၣ်ခီၣ်ဘၣ်၀ဲတဖၣ်‚ ဆီတလဲကွံာ်ဆူ တၢ်သူၣ်ဖှံသးညီတခီလီၤႉ
ယွၤအကလုၢ်ကထါစံး၀ဲ ‘‘အဂ့ၢ်ဒ်အံၤ‚ အမုၢ်အလါဘၣ်လံႉ မ့မ့ၢ်တုၤ ဖိသၣ်အိၣ်ဖျဲၢ်ထီၣ်၀ဲဒီး‚ သးခုလၢ ပှၤကညီတဂၤ အိၣ်ဖျဲၣ်ထီၣ်လၢ ဟီၣ်ခိၣ်ချၢသတးဒီး‚ တသ့ၣ်နီၣ်ထီၣ်က့ၤလၢၤ တၢ်နးတၢ်ဖှီၣ်ဘၣ် (ယိၤ ၁၆း ၂၁) ႉ ကစၢ်ခရၠာစးံာ်စူးကါ တၢ်အဒိဖိအံၤ‚ ဒ်သိး ကမၤ ဆူၣ်ထီၣ်က့ၤ တၢ်ကတိၤလၢ အမ့ၢ် ‘‘အ၀ဲသ့ၣ် ကအိၣ်ဒီး တၢ်သူၣ်အုးသးအုးဒိၣ်မး‚ မ့ၢ်လၢအ၀ဲဒၣ် ကသုးအသး တကီၢ်ခါ‚ ဒီးအတၢ်သူၣ်အုးသးအုးဒိၣ်မးန့ၣ်‚ ကဃၣ်ကဒါ က့ၤဆူ တၢ်သးခုဖဲ‚ အ၀ဲဒၣ်ထံၣ်ဘၣ်ကဒီးအီၤ အကတီၢ်လီၤ (ယိၤ ၁၆း၂၀-၂၂) ႉ
ကစၢ်ခရၠာစးံာ် ပညိၣ်ဃီၤ၀ဲဒၣ်ဆူ အတၢ်သံ‚ ဒီးအတၢ်ဂဲၤဆၢထၢၣ်ကဒီးက့ၤ‚ ဒီးတၢ်ကမၤအသးဆူညါတဖၣ်လီၤႉ ဖဲအ၀ဲဒၣ်ဂဲၤဆၢထၢၣ်သမူထီၣ်က့ၤ အကတီၢ် န့ၣ်‚ အပျဲၢ်အဘီၣ်တဖၣ် သူၣ်ခုသးခု၀ဲ‚ ဒီးအိၣ်၀ဲဒၣ်ဒီး အပျဲၢ်အဘီၣ်တဖၣ် အနံၤ ၄၀ လီၤႉ လဲၤတၢ်ဒီး အ၀ဲသ့ၣ်တပူၤဃီ‚ ဒီးသိၣ်လိအ၀ဲသ့ၣ်တဖၣ် တချုးအက့ၤထီၣ် အကတီၢ်န့ၣ်လီၤႉ ဒီးပာ်တ့ၢ်ကဒီး အ၀ဲသ့ၣ်တဘျီလီၤ (မၤတၢ် ၁း၃) ႉ ဘၣ်ဆၣ် တပာ်တ့ၢ်အ၀ဲသ့ၣ်လၢ ကအိၣ်ဒီး တၢ်သူၣ်အုးသးအုးအပူၤဘၣ်ႉ မ့မ့ၢ် ကစၢ်ခရၠာစးံာ် ပာ်တ့ၢ်န့ၢ်အ၀ဲသ့ၣ် လၢသးစီဆှံ‚ ဒ်သိးကမၤလၢထီၣ်ပှဲၤထီၣ် အ၀ဲသ့ၣ် အတၢ်သူၣ်ဖှံသးညီလီၤ (ယိၤ ၁၆း၇-၁၅‚ မၤတၢ် ၁၃း၅၂) ႉ
ပမ့ၢ်တထံၣ်ဘၣ် ကစၢ်ခရၠာစးံာ် လၢမဲာ်သကိးမဲာ် နီတဘျီ‚ ဘၣ်ဆၣ်ဒ်ပမ့ၢ် ပှၤလၢ အစူၢ်ဒီးနာ်အီၤတဖၣ်အသိး‚ ပအိၣ်ဒီး တၢ်အၢၣ်လီၤအီလီၤ လၢတနံၤန့ၣ် ပကထံၣ်ဘၣ်အီၤလီၤႉ ဘၣ်ဆၣ် တချုးအက့ၤထီၣ်န့ၣ်‚ အ၀ဲဒၣ် တပာ်တ့ၢ်ပှၤလၢ တၢ်သူၣ်အုးသးအုးအပူၤဘၣ်ႉ မ့မ့ၢ်တခီ အ၀ဲဒၣ်ပာ်တ့ၢ်န့ၢ်ပှၤ ‘သးစီဆှံ’န့ၣ်လီၤ (ရၠာစးိ ၁၅း၁၃‚ ၁ ပ့း ၁း၈-၉) ႉ