လၢတၢ်အိပူၤ‚ လၢတၢ်ချၢ သီခဲလၢာ်
ပူၤကွံာ်စှၤနံၣ်န့ၣ်‚ ပှၤထုးထီၣ်ရၠာစးၤလီၤလံာ်တဂၤ မၤကမၣ် တၢ်ဖးဒိၣ်တမံၤန့ၣ်လီၤႉ လံာ် တဘ့ၣ်အိၣ် လၢတၢ်ဆါတၢ်ပရၤအလီၢ် တဘျုးနံၣ်ညါန့ၣ်လီၤႉ အဃိဒီး‚ ဆၢကတီၢ် တုၤ၀ဲ လၢတၢ်ကဘၣ်မၤလိၤမၤဘၣ်က့ၤအီၤလီၤႉ ပှၤကွဲးလံာ် ကွဲးကဒါက့ၤလံာ်၀ဲန့ၣ် ဒ်သိး အကလီၤပလိာ်ချုးန့ၢ် တၢ်ဆၢကတီၢ်န့ၣ်လီၤႉ ဘၣ်ဆၣ်ဒီး ဖဲတၢ်ကွၢ်က့ၤ၀ံၤဒီး ထုးထီၣ်ရၠာစးၤလီၤအီၤန့ၣ် တၢ်ထံၣ်န့ၣ်တၢ်ကီတၢ်ခဲတမံၤလီၤႉ ပှၤထုးထီၣ်ရၠာစးၤလီၤတၢ်န့ၣ် မၤသီထီၣ်မၤဃံလၤထီၣ် လံာ်အကု ဂ့ၤမးလီၤႉ ဘၣ်ဆၣ်ဒီး အအိပူၤတခီ‚ ဖျါအလီၢ်လံၤ ခဲလၢာ်လီၤႉ
တၢ်အချၢတခီသီသံၣ်ဘှဲလီၤႉ ဘၣ်ဆၣ်ဒီး တၢ်အိပူၤတခီ မ့ၢ်တၢ်အလီၢ်လံၤ ဒီးတချုးနှၢ် စိၤဆၢကတီၢ်လၢၤဘၣ်ႉ တၢ်စဲကျံးကဒါက့ၤ တမံၤအံၤ တမ့ၢ်တီနံ တၢ်အသီနီတစဲးဘၣ်ႉ
တဘျီဘျီ တၢ်ဒ်န့ၣ်အသိးတဖၣ် မၤအသးဒီးပှၤဂီၢ်မုၢ်န့ၣ်လီၤႉ အ၀ဲသ့ၣ်ထံၣ်သ့ၣ်ညါ လၢတၢ်ဆီတလဲသး ကဘၣ်မၤအသး လၢတၢ်အိၣ်မူအပူၤန့ၣ်လီၤႉ တၢ်မၤ အသးတဖၣ်တခီ တိၤလိၤအသး ဆူကျဲအကမၣ်န့ၣ်လီၤႉ လၢတၢ်န့ၣ်အဃိဒီး အ၀ဲသ့ၣ် ကမၤသီထီၣ်ဘၣ်၀ဲ တၢ်ဖျါလၢခိ‚ ဘၣ်ဆၣ်ဒီးလၢတၢ်အိပူၤတခီ တၢ်အကံၢ် အလဲ အဆီတလဲသးတအိၣ်ဘၣ်ႉ အ၀ဲသ့ၣ်ကလဲလိာ် အတၢ်အိၣ်မူအလုၢ်အလၢ်…
တၢ်နာ်သီသံၣ်ဘှဲ
ဖဲပဖိခွါဂဲၤပျုၢ်ဂဲၤဆှး လၢပံၤ၀ါကသံၣ်မူၤဘှီးအတၢ်သးစဲ နးအကတီၢ်န့ၣ်‚ နမ့ၢ် တဲယၤလၢ တနံၤန့ၣ် ယွၤကစူးကါသူတၢ်လဲၤခီဖျိအံၤ ဒ်တၢ်ကဟ့ၣ်ဂံၢ် ဟ့ၣ်ဘါ ဒူၣ်ဖိထၢဖိတဖၣ်လၢ အဘၣ်ကွၢ်ဆၢၣ်မဲာ် တၢ်ဒ်သိးအံၤတဖၣ် အဂီၢ်လီၤႉ တၢ်အံၤ ကီဒိၣ်မး လၢပကနာ်အီၤန့ၣ်လီၤႉ ကစၢ်ယွၤအိၣ်ဒီးအကျဲတဘိ လၢအကဒုးဟဲထီၣ် တၢ်ဂ့ၤတမံၤ လၢတၢ်ဂ့ၢ်အိၣ်အသးမၤအသး ကီခဲကတီၢ်ပူၤအံၤ ဖဲနလဲၤခီဖျိတၢ်ကီတၢ်ခဲအကတီၢ်န့ၣ်‚ နကနၢ်ပၢၢ်အီၤ တညီဘၣ်ႉ
ဖဲကစၢ်ယ့ၣ်။းဘၣ်တၢ်ပျၤထီအီၤလၢ ထူၣ်အလိၤဒီး တၢ်မၤသံအီၤန့ၣ်‚ တၢ်မၢဖိစီၤသိၤမါ တမုၢ်လၢ် လၢယွၤကဒုးဟဲထီၣ်တၢ်ဂ့ၤ လၢတၢ်စူၢ်တၢ်နာ် အတၤပှၤဒိၣ်မး တခါအံၤအပူၤဘၣ်ႉ တုၤကစၢ်ခရၠာစးံာ် ဂဲၤထၢၣ်သမူထီၣ်က့ၤ လၢတၢ်သံ၀ံၤဒီး ဟဲက့ၤဆူ အပျဲၢ်အဘီၣ်တဖၣ်အအိၣ်န့ၣ်‚ စီၤသိၤမါ တအိၣ်ဖဲန့ၣ်ဘၣ်ႉ လၢတၢ်သးအုးဖးဒိၣ်အပူၤ စံး၀ဲ‚ ယမ့ၢ်တထံၣ်ဘၣ် ထးအလီၢ်ပူၤလၢအစုလၣ်ပူၤ‚ ဒီးယမ့ၢ်တအူဘၣ်အပူၤလီၢ် လၢယစုဘၣ်ဒီး ယတနာ်ယဲဘၣ် (ယိၤ ၂၀း၂၅) ႉ ဘၣ်ဆၣ်ဒီးလၢခံ ဖဲကစၢ်ယ့ၣ်။း ပာ်ဖျါထီၣ်အသး လၢအပျဲၢ်အဘီၣ်ခဲလၢာ်အမဲာ်ညါအခါ‚ ယွၤအသးမုၢ်စီဆှံ ဒုးဟဲထီၣ် တၢ်ကတိၤ လီၤကမၢကမၣ်တဘီ လၢစီၤသိၤမါအတၢ်သးဒ့ဒီအဖၣ်ကမူၣ် ဖၣ်ဆါအပူၤန့ၣ်လီၤႉ…
မုၢ်တနံၤလၢ ယဘါထုကဖၣ်တကဲ
လၢ၂၀၁၅ နံၣ် လါနိၣ်၀့ဘၢၣ်အပူၤန့ၣ်‚ ယသ့ၣ်ညါ လၢယကဘၣ်တၢ်ကွဲးကါမၤဘျါ ယသးအတၢ်ဆါလီၤႉ လၢတၢ်ကမၢကမၣ်ဒီးတၢ်ကနိးကစုာ်အပူၤ‚ ယဆိကမိၣ်လၢ ယသံသ့န့ၣ်လီၤႉ မ့ၢ်တၢ်မၤလိၤမၤဘၣ်က့ၤ တၢ်ရၠာစး့လိာ်ဘၣ်ထွဲ အတဂ့ၤတဘၣ်တဖၣ် အိၣ်ဧါႉ မ့ၢ်တိၢ်စ့လၢယကဘၣ်မၤလၢပှဲၤထီၣ် လၢယဒူၣ်ဖိထၢဖိအဂီၢ်အိၣ်ဧါႉ တၢ်ကွဲးကါ မၤဘျါတၢ် မ့ၢ်လဲၤအသးဂ့ၤဂ့ၤဒၣ်လဲာ်‚ ယမၤက့ၤတၢ်မၤကကဲအဂီၢ် ကလိၣ်ဒံး၀ဲအဃိ မ့ၢ်တၢ်မၤလၢ ဘၣ်မၤ၀ံၤဆိ အိၣ်ဧါႉ တၢ်မၤလၢပထုးဆၢကတီၢ်တသ့န့ၣ် ဘၣ်မၤဒ်လဲၣ်ႉ ယ့ကၢးဟ့ၣ်ခီလီၤမူဒါ ဆူမတၤတဂၤအအိၣ်လဲၣ်‚ မ့ၢ် ဆၢကတီၢ် လၢဘၣ်မၤတၢ်ဒီး ဘၣ်ထုကဖၣ်တၢ်န့ၣ်လီၤႉ
ယနီၢ်ခိလီၤဘှံးဒီး ယနီၢ်သးလီၤဘှါဒိၣ်မးလီၤႉ တၢ်မၤဆံးကိာ်အညီအဘှါဒၣ်လဲာ် လီၤဂာ်ဒ်ယကမၤအီၤအဂီၢ် ဂံၢ်ဘါတအိၣ်ဘၣ်လီၤႉ ဖဲယကျဲးစၢးထုကဖၣ်တၢ်န့ၣ်‚ ယတၢ်ဆိကမိၣ်လီၤထွံကွံာ် ဆူတၢ်တမုာ်တလၤအပူၤ ဒီးမ့ၢ်၀ဲလၢ ယသးအတၢ်ဆါအဃိ‚ ယသါတလၢသါ ဒီးမံဘၣ်ယသးစ့ၢ်ကီးလီၤႉ တၢ် သးတံးတာ်ဘၣ်ယၤလီၤႉ ယမၤတၢ်တကဲ‚ ယွၤကဒုးမူယၤဒီးဟ့ၣ်အါထီၣ် ဆၢကတီၢ်‚ ဒ်သိးယကအိၣ်ဘၣ်ဒီးဒူၣ်ဖိထၢဖိဒၣ်လဲၣ်န့ၣ် ယဃ့ထုကဖၣ်တကဲဘၣ် န့ၣ်လီၤႉ
ယထုကဖၣ်တၢ် တန့ၢ်တကဲတမံၤန့ၣ် မၤတံးတာ် ယသးဒိၣ်ကတၢၢ်လီၤႉ ဘၣ်ဆၣ် ဒ်ကယဲၢ်ဟီၣ်ခိၣ်ဖိခဲလၢာ် လိၣ်ဘၣ်၀ဲအသိးန့ၣ်‚ တၢ်ဘၣ်တ့ကစၢ် သ့ၣ်ညါ…
တၢ်ကူတၢ်သိးတဖၣ်လၢ တၢ်ဂိၢ်ကတီၢ်ဂီၢ်
ဖဲယထုးကွံာ်လံာ်က့ လၢအပာ်ဖျါတၢ်အပရၤ လၢတၢ်ဂိၢ်ခါအဆ့ကၤလၢယပရၤအီၤနှၣ် ယနံၤကမှံထီၣ် လၢယထံၣ်ဘၣ်တၢ်ကတိၤ လၢဆ့ကၤအချၢ‚ တၢ်စံး၀ဲ ‘ပလီၢ်သး‚-တၢ်ထုးထီၣ်တၢ်ကူတၢ်သိးအသီအံၤ ကမၢဆူၣ်နၤ ဒ်သိးနကလဲၤဟးထီၣ် ဆူတၢ်ချၢ န့ၣ်လီၤႉ’ တုၤတၢ်သိးထီၣ်အီၤလၢ မူခိၣ်မူလိၤအကတီၢ်အဘၣ်န့ၣ်‚ ပှၤတဂၤ မူ၀ဲဂဲၤ၀ဲ အိၣ်ဒီး အဂံၢ်အဘါဆူၣ်ထီၣ် ဖဲမူခိၣ်မူလိၤ အတၢ်ကီတၢ်ခဲ‚ တၢ်ဆီတလဲမၤအသး‚ အိၣ်အသးတဖၣ်အပူၤသ့၀ဲလီၤႉ
တၢ်ပာ်သူၣ်ပာ်သး အနီၢ်ထိၣ်တမံၤဃီအံၤ‚ တီစ့ၢ်ကီး၀ဲလၢ သူၣ်ဂ့ၢ်သးကျိၤ အတၢ်အိၣ်မူအကျဲပူၤန့ၣ်လီၤႉ ဒ်ကစၢ်ယ့ၣ်။းအပျဲၢ်အဘီၣ်တဖၣ်အသိး ပသူၣ်ဂ့ၢ်သးကျိၤ အမူခိၣ်မူလိၤ တၢ်ကူတၢ်သိးတဖၣ်န့ၣ် ဘၣ်တၢ်ဟ့ၣ်လီၤ မၤလိာ်ပှၤလၢ ကစၢ်အကလုၢ်ကထါ လံာ်စီဆှံအပူၤန့ၣ်လီၤႉ ‘မၤသးဒ်န့ၣ်ဒီး ဒ်ပှၤလၢယွၤဃုထၢအီၤ‚ ပှၤစီဆှံဒီး ပှၤလၢတၢ်အဲၣ်အီၤ သ့ၣ်တဖၣ်အသိးန့ၣ်‚ မၤသု၀ဲဒ်န့ၣ်အသိး စ့ၢ်ကီးတက့ၢ်’ (ကလီး ၃း၁၂-၁၃) ႉ
တၢ်ကူတၢ်သိးတဖၣ်အံၤ မ့ၢ်ယွၤကတဲာ်ကတီၤ ဟ့ၣ်လီၤ၀ဲအဃိ‚ တၢ်သးကညီၤ‚ တၢ်ဆီၣ်လီၤသးဒီး တၢ်သးစူၤန့ၣ် ဟ့ၣ်ပှၤဂံၢ်ဘါလၢ ပကကွၢ်ဆၢၣ်မဲာ်
တၢ်သူၣ်ဒိၣ်သးအၢ‚ ဒီးတၢ်ဒုၣ်ဒွဲၣ်စံးအၢ အိၣ်ဒီးပတၢ်သူၣ်စူၤသးစူၤ‚ တၢ်ပျၢ်တၢ်သ့ှူး ကမၣ်ဒီး တၢ်အဲၣ်တၢ်ကွံလီၤႉ တၢ်ပာ်သူၣ်ပာ်သးတဖၣ်အံၤ…
တၢ်လီၤကအိ ဆူတၢ်ပှဲၤထီၣ်
ဖိသၣ်အလံာ်တၢ်ဃဲၤပူ မံၤဟူသၣ်ဖျါအပူၤ တဲ၀ဲပိာ်ခွါဖိသၣ် လၢပှၤခိခိၣ်ပျီပူၤဖိတဂၤ ဘၣ်တနံၤ ထံၣ်လိာ်သးဒီးစီၤပၤ ဒီးလၢတၢ်ပာ်ဖျါတၢ်ယူးယီၣ်အပူၤ ဘ့ၣ်လီၤအခိၣ်သလုး လၢအခိၣ်လိၤန့ၣ်လီၤႉ ခိၣ်သလုးလီၤဂာ်တဖျၢၣ်ဃီ လၢအဘီၣ်လီၤ၀ဲန့ၣ် ဟဲဖျါထီၣ်ကဒီး လၢအခိၣ်လိၤတဘျီဃီလီၤႉ စီၤပၤထံၣ်တၢ်န့ၣ်ဒီး အသးဖျိးထီၣ်လၢ အမ့ၢ်တၢ်လီၤဂာ် လၢတၢ်တပးကဲအီၤအဃိလီၤႉ ဖဲစီၤပၤအသုးဖိတဖၣ် က့ၤကိးအီၤဆူနီပူၤ ဒ်သိးတၢ်ကစံၣ်ညီၣ်အီၤအခါ စီၤဘၢ်သလီးမဲ ဘီၣ်လီၤခိၣ်သလုး တဖျၢၣ်၀ံၤတဖျၢၣ်န့ၣ်လီၤႉ တဘျီလၢ်လၢ်န့ၣ် ခိၣ်သလုးဖိတဖျၢၣ်ဘၣ် တဖျၢၣ် အက့ၢ်အဂီၤအလွဲၢ်တဖၣ် ဖျါဃံလၤအါထီၣ်အါထီၣ် ဒီးတၢ်မျၢ်ပလဲ အကလုာ်ကလုာ် ဒီးထိၣ်ပှာ်အမဲၢ် ဃံလၤတဖၣ် ဆဲးလီၤအသးလၢ ခိၣ်သလုးတဖၣ် အလိၤလီၤႉ တုၤလၢခိၣ်သလုး နီၢ်ဂံၢ်ယဲၢ်ကယၤန့ၣ်‚ စီၤပၤဒၤ၀့ၣ် အသးက့ၣ်ထီၣ်ဘၣ် ပိာ်ခွါဖိသၣ် ဒီးပရၤ၀ဲခိၣ်သလုး တဖျၢၣ်န့ၣ် လၢထူကဘျၣ် အဘ့ၣ်ယဲၢ်ကယၤ၀ံၤ ပျၢ်ဖျဲးကွံာ် ပိာ်ခွါဖိသၣ်န့ၣ်လီၤႉ စီၤဘၢ်သလီးမဲ အခိၣ်သလုးတအိၣ်နီတဖျၢၣ် လၢၤဘၣ်ႉ က့ၤဆူအဟံၣ် လၢတၢ်သဘ@ ဒီးတိၢ်စ့တဖၣ် လၢကက့ၤ ဟ့ၣ်မၤစၢၤ အမိၢ်အပၢ်လီၤႉ
မုၣ်ကမဲတဂၤဟဲဆူ၀ံအလံၤရၠာစးှါအအိၣ် ဒီးဃ့တၢ်မၤစၢၤလၢကလိးက့ၤ အဒ့ၣ်ကမၢ် အဂီၢ်လီၤႉ အ၀ဲပျံၤလၢအဖိခွါတဖၣ်…