ဖိသၣ်အလံာ်တၢ်ဃဲၤပူ မံၤဟူသၣ်ဖျါအပူၤ တဲ၀ဲပိာ်ခွါဖိသၣ် လၢပှၤခိခိၣ်ပျီပူၤဖိတဂၤ ဘၣ်တနံၤ ထံၣ်လိာ်သးဒီးစီၤပၤ ဒီးလၢတၢ်ပာ်ဖျါတၢ်ယူးယီၣ်အပူၤ ဘ့ၣ်လီၤအခိၣ်သလုး လၢအခိၣ်လိၤန့ၣ်လီၤႉ ခိၣ်သလုးလီၤဂာ်တဖျၢၣ်ဃီ လၢအဘီၣ်လီၤ၀ဲန့ၣ် ဟဲဖျါထီၣ်ကဒီး လၢအခိၣ်လိၤတဘျီဃီလီၤႉ စီၤပၤထံၣ်တၢ်န့ၣ်ဒီး အသးဖျိးထီၣ်လၢ အမ့ၢ်တၢ်လီၤဂာ် လၢတၢ်တပးကဲအီၤအဃိလီၤႉ ဖဲစီၤပၤအသုးဖိတဖၣ် က့ၤကိးအီၤဆူနီပူၤ ဒ်သိးတၢ်ကစံၣ်ညီၣ်အီၤအခါ စီၤဘၢ်သလီးမဲ ဘီၣ်လီၤခိၣ်သလုး တဖျၢၣ်၀ံၤတဖျၢၣ်န့ၣ်လီၤႉ တဘျီလၢ်လၢ်န့ၣ် ခိၣ်သလုးဖိတဖျၢၣ်ဘၣ် တဖျၢၣ် အက့ၢ်အဂီၤအလွဲၢ်တဖၣ် ဖျါဃံလၤအါထီၣ်အါထီၣ် ဒီးတၢ်မျၢ်ပလဲ အကလုာ်ကလုာ် ဒီးထိၣ်ပှာ်အမဲၢ် ဃံလၤတဖၣ် ဆဲးလီၤအသးလၢ ခိၣ်သလုးတဖၣ် အလိၤလီၤႉ တုၤလၢခိၣ်သလုး နီၢ်ဂံၢ်ယဲၢ်ကယၤန့ၣ်‚ စီၤပၤဒၤ၀့ၣ် အသးက့ၣ်ထီၣ်ဘၣ် ပိာ်ခွါဖိသၣ် ဒီးပရၤ၀ဲခိၣ်သလုး တဖျၢၣ်န့ၣ် လၢထူကဘျၣ် အဘ့ၣ်ယဲၢ်ကယၤ၀ံၤ ပျၢ်ဖျဲးကွံာ် ပိာ်ခွါဖိသၣ်န့ၣ်လီၤႉ စီၤဘၢ်သလီးမဲ အခိၣ်သလုးတအိၣ်နီတဖျၢၣ် လၢၤဘၣ်ႉ က့ၤဆူအဟံၣ် လၢတၢ်သဘ@ ဒီးတိၢ်စ့တဖၣ် လၢကက့ၤ ဟ့ၣ်မၤစၢၤ အမိၢ်အပၢ်လီၤႉ
မုၣ်ကမဲတဂၤဟဲဆူ၀ံအလံၤရၠာစးှါအအိၣ် ဒီးဃ့တၢ်မၤစၢၤလၢကလိးက့ၤ အဒ့ၣ်ကမၢ် အဂီၢ်လီၤႉ အ၀ဲပျံၤလၢအဖိခွါတဖၣ် ကဘၣ်တၢ်ဆါလီၤကွံာ်ဆူ တၢ်မၢကဲကုၢ်အလီၢ် လၢကလိတူာ်က့ၤအဒ့ၣ်ကမၢ်အဂီၢ်လီၤ (၂ စီၤပၤ ၄) ႉ ပိာ်မုၣ်အံၤ တၢ်တအိၣ်ဒီးအီၤနီတမံၤ‚ အိၣ်ဒၣ်ထဲသိအကိ လီၤကအိတဖျၢၣ်လီၤႉ ကစၢ်ယွၤ မၤပှဲၤသိအကိတဖျၢၣ်န့ၣ် လၢသိ ဒ်သိးအကမၤပှဲၤသိ ဆူသိအကိတဖၣ် လၢအဃုမၤန့ၣ်၀ဲတဖၣ် အဂီၢ်လီၤႉ ပိာ်မုၣ်န့ၣ် လိးတူာ်အကမၢ်ခဲလၢာ်ဒီး လုၢ်အီၣ်လုၢ်အီက့ၤ အဒူၣ်ဖိထၢဖိတဖၣ်သ့ စ့ၢ်ကီးန့ၣ်လီၤႉ
ဒ်ယွၤကတဲာ်ကတီၤတိၢ်စ့ လၢမုၣ်ကမဲတဂၤအဂီၢ်အသိးန့ၣ်‚ အ၀ဲဟ့ၣ်ယၤ တၢ်အုၣ်က့ၤခီၣ်က့ၤလီၤႉ ယဖှီၣ်သံယာ်ဂီၤ လၢယတၢ်ဒဲးဘးအပူၤလီၤႉ ဘၣ်ဆၣ်ဒီး ကစၢ်ယ့ၣ်။း လိာ်တူာ်က့ၤယဒ့ၣ်ကမၣ် ဒီးဟ့ၣ်ယၤတၢ်မူအထူအယိာ်စ့ၢ်ကီးလီၤႉ ကစၢ်ယ့ၣ်။း မ့ၢ်တအိၣ်ဒီး ပကမၤပသးဒ် ပိာ်ခွါဖိသၣ်လၢ ခိခိၣ်ပျီပူၤအသိးန့ၣ်‚ ကျဲတအိၣ် လၢပကလိးတူာ်က့ၤပစီၤပၤ လၢပတၢ်အၢထီဒါအီၤတဖၣ်အဃိန့ၣ်လီၤႉ ကစၢ်ယွၤ မၤတၢ်လီၤလးဖးဒိၣ်လၢပဂီၢ် ဒီးပရၤက့ၤပှၤလၢ တၢ်လုၢ်ဒိၣ်ပရၤဒိၣ်လၢာ်အခၢးန့ၣ်လီၤႉ အၢၣ်လီၤအီလီၤ၀ဲ လီၤတံၢ်လီၤဆဲး လၢကယဲၢ်ပှၤလၢ အသန့ၤအသးလၢအီၤတဖၣ် ကန့ၢ်ဘၣ် တၢ်မူအထူအယိာ်န့ၣ်လီၤႉ