ပ၀ဲကိးဂၤဒဲးန့ၣ်‚ ပဘၣ်တၢ်တ့လီၤပှၤလၢ ကစၢ်ယွၤအစုဒၣ်၀ဲလီၤႉ မတၤတဂၤမး တ့လီၤ အသးလၢ အစုဒၣ်၀ဲတအိၣ်ဘၣ်ႉ လၢအနီၢ်ကစၢ်ဒၣ်၀ဲအဃိ‚ မတၤတဂၤမး တအိၣ်၀ဲဒီး အတၤလၣ်အါအါဂီၢ်ဂီၢ်‚ တၢ်သ့ၣ်ညါခဲလၢာ်ဘၣ်ႉ ကစၢ်ယွၤတ့လီၤ ပ၀ဲကိးဂၤဒဲး‚ ခီဖျိအတၢ်အဲၣ် လၢတၢ်တဲဖျါထီၣ်၀ဲ လၢတၢ်ကတိၤတသ့ဘၣ် အပူၤ လီၤႉ
ကစၢ်ယွၤတ့လီၤ‚ နနီၢ်ခိ‚ နသးလၢ အသ့ၣ်ညါတၢ်ဒီး နသူၣ်ကံၢ်သးလဲလီၤႉ အတၢ်မုၢ်လၢ်ထဲတမံၤဧိၤ မ့ၢ်၀ဲ‚ ဒ်သိး နကဒိၣ်တုာ်ခိၣ်ပှဲၤလၢ တၢ်သ့ၣ်ညါအပူၤန့ၣ်လီၤ ယနာ် တၢ်အံၤဒၣ်လဲာ် လၢပှၤလၢအမၤထီၣ်သီ တၢ်မၤအဂ့ၤ တမံၤလၢသုပူၤတဂၤ ကမၤလၢထီၣ်ပှဲၤထီၣ်၀ဲ တုၤလီၤလၢ ယ့ၣ်။းခရၠာစးံာ်အမုၢ်နံၤလီၤ (ဖံး ၁း၆) ႉ ကစၢ်ယွၤတ့လီၤ၀ဲ ဒ်သိးနကအိၣ်ဒီးသး လၢအဒူ‚ နကအိၣ်ဒီး ဂံၢ်ဘါလၢအဆူၣ်‚ နကအိၣ်ဒီး တၢ်စီတၢ်ဆှံ‚ နကအိၣ်ဒီး တၢ်ဃူတၢ်ဖိးအါထီၣ်‚ ဒီးနကအိၣ်ဒီး တၢ်အဲၣ်လီၤက့ၤနသးလၢအစှၤန့ၣ်လီၤႉ
‘‘အဂ့ၢ်ဒ်အံၤ‚ ယွၤန့ၣ်ဂ့ၤ၀ဲ‚ ဒီးအဘျုးအဖှိၣ်အိၣ်၀ဲ လီၤထူလီၤယိာ်‚ ဒီးအတၢ်မ့ၢ်တၢ်တီအိၣ်၀ဲ အစိၤစိၤအဃၣ်ဃၣ်လီၤ’’ (စံး ၁၀၀း၅) ႉ ကစၢ်ယွၤအဲၣ်နၤ ထီဘိ‚ ဒီးတီဒီးနၤ တုၤလၢတၢ်အကတၢၢ်လီၤႉ
ကစၢ်ယွၤဟ့ၣ်နၤ အတၢ်အဲၣ်လၢ အကတၢၢ်၀ဲတသ့‚ ဒီးတပာ်လီၤတဲာ်ကွံာ်နၤ နီတဘျီဘၣ်ႉ ကစၢ်ယွၤ အတၢ်ဟ့ၣ်သ့ၣ်တဖၣ်န့ၣ် မ့ၢ်၀ဲတၢ်ဟ့ၣ်လၢအဂ့ၤ‚ လၢ နကဒိးန့ၢ်ဘၣ် တၢ်သးဖှံ‚ ဒီးဟဲဆူအအိၣ်ပှဲၤ၀ဲဒီး တၢ်သး၀ံၣ်စံးထီၣ်ပ့တၢၤက့ၤအီၤလီၤ (စံး ၁၀၀း၂) ႉ
နသး၀ံၣ်တၢ်မ့ၢ်တသ့န့ၣ်‚ ဟ့ၣ်အီၤ တၢ်ကိးသBတီထီၣ်ပှဲၤ၀ဲဒီး တၢ်သးခုတက့ၢ်ႉ ‘‘ကယဲၢ်ဟီၣ်ခိၣ်ဖိခဲလၢာ်သ့ၣ်ဧၢ‚ ကိးထီၣ်ယွၤလၢ တၢ်သူၣ်ဖှံသးညီအပူၤတက့ၢ်’’ (စံး ၁၀၀း၁) ႉ