မ့ၢ်လၢတၢ်ထီဒါလိာ်သး‚ တၢ်ဒုးလိာ်သး‚ တၢ်မၤအၢမၤသီလိာ်သးအဃိ‚ မုၢ်မဆါတနံၤအံၤ‚ ပှၤဘၣ်နးဘၣ်ဖှီၣ် အိၣ်၀ဲဒၣ်‚ ‘‘ဃုဆံယဲၢ်ကကွဲၢ်’’ ညါန့ၣ်လီၤႉ နီၣ်ဂံၤအံၤ အါန့ၢ်ဒံးခါလၢ အလဲၤပူၤကွံာ် အကတီၢ်န့ၣ်လီၤႉ ယူၤႉအဲၣ် (န်) (ဘီမုၢ်စၢဖှိၣ်ကရၠာစးၢ) အိၣ်၀ဲဒီး ‘‘ပှၤပတံသကွံၢ်ကညးတၢ်အခိၣ်‚ လၢအမၤတၢ်တပူၤဃီ‚ ဒီးတူာ်လိာ် ပှၤဘၣ်နးဘၣ်ဖှီၣ်တဖၣ်‚ ဒ်သိးအဖိအလံၤသ့ၣ်တဖၣ် ကဒိးန့ၢ်ဘၣ် တၢ်ကူၣ်ဘၣ်ကူၣ်သ့‚ ပှၤဒိၣ်တုာ်ခိၣ်ပှဲၤ တဖၣ်‚ ကဒိးန့ၢ်ဘၣ် တၢ်ဖံးတၢ်မၤဒီး ဟံၣ်ဃီအဂီၢ်လီၤႉ
တၢ်ဆၢမုၢ်လၢ်လၢ‚ တၢ်မၤန့ၢ် ပှၤဘၣ်ကီဘၣ်ခဲ သ့ၣ်တဖၣ် အဟံၣ်အဃီ ဒ်သိးအံၤ‚ ဒုးသ့ၣ်နီၣ်ထီၣ်က့ၤ ယၤ‚ ကစၢ်ယွၤ အတၢ်အၢၣ်လီၤအီလီၤဆူ ပှၤယူၤဒၤဖိ သ့ၣ်တဖၣ်‚ အဆၢကတီၢ် ဖဲအၤ။ၢ်အသုးမုၢ်တဖၣ် မၤပျံၤမၤဖုးတၢ် ဘၣ်ဃးဒီး အဟံၣ်အဃီန့ၣ်လီၤႉ ကစၢ်ယွၤ မၢလီၤ ၀ံမံကၤ လၢကဟ့ၣ်ပလီၢ် ပှၤယူဒၤဖိသ့ၣ်တဖၣ် လၢအ၀ဲသ့ၣ်အတၢ်လုၢ်ဟံၣ် ဒီးအ၀့ၢ်ယ့ှူၤ့ှှလ့ၣ် ကလီၤမၢ်ကွံာ် ၀ဲဒၣ် လီၤႉ ဘၣ်ဆၣ်‚ လၢတၢ်န့ၣ်သ့ၣ်တဖၣ် အ၀ၢ်ဘးခီန့ၣ်‚ ကစၢ်ယွၤ အၢၣ်လီၤ၀ဲ လၢကဘှီထီၣ်န့ၢ်အီၤ ၀့ၢ်ယ့ှူၤ့ှှလ့ၣ် လၢအပှဲၤ၀ဲဒီး တၢ်ဃံတၢ်လၤန့ၣ်လီၤႉ
မုၢ်ကအိၣ်၀ဲတနံၤ‚ ၀ံမံကၤစံး၀ဲ ဖဲကစၢ်ယွၤ ကကိးထီၣ် အပှၤကညီ လၢဟီၣ်ခိၣ်ချၢ ဆူအ၀ဲဒၣ်အအိၣ်လီၤႉ တုၤအကတီၢ်ဖဲန့ၣ်ဒီး တၢ်မၤဆူၣ်မၤစိး‚ တၢ်မၤအၢမၤနး ကကတၢၢ်၀ဲ‚ ဒီးအ၀ဲသ့ၣ် ကပိာ်က့ၤ အနးလၢထဲၣ်အကနၣ်‚ ဒီးပှၤလၢ အဒိကနၣ် ကစၢ်ယွၤအတၢ်ကိးထီၣ်‚ ကထံၣ်န့ၢ်က့ၤ ဟံၣ်လၢအမုာ်‚ ဒီးကအိၣ်ကဆိး၀ဲ လၢယွၤအဘီအမုၢ်အပူၤလီၤ (၀ံမံကၤ ၄း၃-၄) ႉ
လၢပှၤအါဂၤ လၢဟီၣ်ခိၣ်ချၢ‚ လၢအကတီၢ်ခဲအံၤ (ဘၣ်သ့ၣ်သ့ၣ် နၤစ့ၢ်ကီး) ‚ ဟံၣ်လၢ အပူၤဖျဲးဒီး တၢ်ဘၣ်ယိာ်ဘၣ်ဘှီန့ၣ်‚ ကမ့ၢ်ဒၣ် ဒ်တၢ်မံမီၢ်အသိးလီၤႉဘၣ်ဆၣ် ပကဘၣ်သန့ၤပသး လၢယွၤအတၢ်အၢၣ်လီၤလၢသီ‚ လၢကမၤန့ၢ်ပှၤ ဟံၣ်လၢအမုာ် လၢပှၤကိးကလုာ်ဒဲးအဂီၢ်‚ ဖဲပခိးဒီးဘါထုကဖၣ် လၢပတၢ်မံမီၢ် န့ၣ် ကကဲထီၣ် တၢ်မ့ၢ်တၢ်တီအကတီၢ်န့ၣ်လီၤႉ