ဖဲအသးအနံၣ်အလါ အိၣ်ဝဲဒၣ် ၁၀၁ နံၣ်န့ၣ် ယူၤကၠံနံယၢၤ ဒီးစၢၣ် (Eugenia Dodson) သံဝဲဒၣ်, ဒီးပိၥ်မုၣ်သးၦၢ်တဂၤအံၤ ကဲဒိၣ်ဝဲထဲလဲၣ်န့ၣ် ၦၤတသ့ၣ်ညါ နီတဂၤဘၣ်န့ၣ်လီၤ. အဝဲအိၣ်မူအိၣ်ဂဲၤဝဲယိယိဖိ, ဒီးတမၤလၢၥ်ကျိၣ်စ့အဒိၣ်အအါဘၣ်. လုၢ်အီၣ်အသးသမူ ဒ်ၦၤမၤဃံမၤလၤ ၦၤအမဲၥ်သၣ်, ဒီးအဝၤလၢအလဲၤပူၤကွံၥ်ဟီၣ်ခိၣ်ဆိန့ၢ်အီၤ အနံၣ်ယဲၢ်ဆံတဂၤ, ပၥ်လီၤတ့ၢ်ဝဲကျိၣ်စ့ပာ်ဖှိၣ်တဖၣ်န့ၣ် သူၣ်လီၤဘျၢလီၤဝဲဂ့ၤဂ့ၤဘၣ်ဘၣ်န့ၣ်လီၤ. ဘၣ်ဆၣ်, Dodson ပၥ်လီၤတ့ၢ်ဝဲ ဒီလၣ် ၃၅.၆ ကကွဲၢ်ဆူ တၢ်ဃိထံဃုသ့ၣ်ညါ ခဲစၢၣ် (Cancer), ဒီးဆံၣ်ဆၢသွံၣ်ဆၢ (Diabetes) တၢ်ဆါတဖၣ် အဝဲၤလီၢ်န့ၣ်လီၤ. တၢ်ဆါခံမံၤလိၥ်န့ၣ် မၤအၢမၤနးတ့ၢ်ဝဲ အဟံၣ်ဖိဃီဖိတဖၣ်အဃိ, အဝဲအဲၣ်ဒိး မၤစၢၤၦၤဂုၤပှၤဂၤတဖၣ်န့ၣ်လီၤ. လၢတၢ်ကကဟုကယၥ် ခါဆူညါစၢၤသွဲၣ်သီတဖၣ် လၢတမ့ၢ်ကထံၣ်ဘၣ်ဝဲနီတဘျီသ့ၣ်တဖၣ်အဂီၢ်, Dodson စူးကါတ့ၢ်ဝဲဒၣ် အစုလီၢ်ခီၣ်ခိၣ်ဂံၢ်ခီၣ်ထံးတဖၣ်အါအါဂီၢ်ဂီၢ်န့ၣ်လီၤ. တၢ်ဖံးတၢ်မၤ အပှၤခၢၣ်စးတဂၤ ပာ်ဖျါဝဲဒၣ်လၢ, “ဒ်သိးကမၤဂ့ၤတၢ်လၢၦၤကညီတဖၣ်အဂီၢ်, အဝဲပၥ်လီၤအသးကျၢၤမူဆှူန့ၣ်လီၤ. အဝဲမ့ၢ်ၦၤလၢအသူၣ်ဂ့ၤသးဝါတဂၤ” န့ၣ်လီၤ.

လံၥ်တၢ်ကတိၤဒိ ပာ်ဖျါဝဲဒၣ်လၢ ပမ့ၢ်အဲၣ်ဒိးမၤ တၢ်မၤလၢအကဲဘျုးကဲဖှိၣ်, ဒီးပမ့ၢ်အဲၣ်ဒိး တၢ်အိၣ်မူအဂ့ၤအဝါနီၢ်နီၢ်န့ၣ် ပတဆိကမိၣ်ဒၣ်တၢ် ထဲဒၣ်လၢပနီၢ်ကစၢ်အတၢ်လိၣ်တဖၣ်ဘၣ်. မ့မ့ၢ်, ပကဘၣ်ဆိကမိၣ် ခါဆူညါစၢၤသွဲၣ်လၢအကဟဲတဖၣ် အဂီၢ်စ့ၢ်ကီးန့ၣ်လီၤ. လံၥ်စီဆှံ ပာ်ဖျါဝဲဒၣ်လၢ “ၦၤအဂ့ၤဟ့ၣ်သါတၢ်လၢ အဖိတဖၣ်အဖိတဖၣ်” (ကတိၤ ၁၃:၂၂) န့ၣ်လီၤ. တၢ်ဟ့ၣ်သဆၣ်ထီၣ်တမံၤအံၤန့ၣ် ပညိၣ်ဝဲဒၣ်ဆူ တၢ်မၤစၢၤပဟံၣ်ဖိဃီဖိဒၣ်ဝဲဘၣ်ဆၣ်, တၢ်စူးကါ သ့ဝဲဒၣ်စ့ၢ်ကီးလၢ ကျိၤကျဲအဂၤတဖၣ်အပူၤန့ၣ် ကယဲၢ်ခါဆူညါစၢၤသွဲၣ်တဖၣ်ခဲလၢၥ် လၢအကဟဲတဖၣ်အဂီၢ်, မ့ၢ်ပဘျၢလီၤသူၣ်ဂ့ၢ်သးကျိၤလံဧါန့ၣ်လီၤ. လၢၦၤအံၣ်စရ့လးဖိ အလုၢ်လၢ်ဆဲးလၤသနူအပူၤန့ၣ်”အဖိတဖၣ်အဖိတဖၣ်” အတၢ်ရ့လိၥ်ဘၣ်ထွဲလိာ်သးအလီၢ်ကဝီၤန့ၣ် ဒိၣ်န့ၢ်လဲၢ်န့ၢ်ဒံးခ့ခါအဆၢကတီၢ် အတၢ်သ့ၣ်ညါနၢ်ပၢၢ် ဟံၣ်ဒူၣ်ဃီထၢအဆံးဖိတဒူၣ်န့ၣ်လီၤ.

ပကပာ်ဖှိၣ်ဘျၢလီၤတၢ်လၢ ခါဆူညါပှၤဂုၤပှၤဂၤအဂီၢ်န့ၣ် ကျိၤကျဲအိၣ်ဝဲဒၣ်အါမးန့ၣ်လီၤ. ၦၤတနီၤ ကဟ့ၣ်ခီလီၤဝဲ ကျိၣ်စ့အတၢ်န့ၢ်သါတဖၣ်န့ၣ်လီၤ. ဘၣ်ဆၣ်, တၢ်လၢပလိၣ်တဖၣ်န့ၣ် ဒ်ကစၢ်ယွၤ လၢအအဲၣ်ပှၤတဂၤ, ကတဲာ်ကတီၤန့ၢ်ပှၤအသိး, ကယဲၢ် ပဝဲကိးဂၤဒဲး, ပနီၤဟ့ၣ်ခီ ပတၢ်ဟ့ၣ်သါဘၣ်ဃးဒီး, တၢ်အိၣ်တီအိၣ်လိၤ, ဒီးနီၤဟ့ၣ်ခီ ပတၢ်ဃ့ထုကဖၣ်လၢ တၢ်သူၣ်တီသးလိၤအပူၤ, ဒီးခါဆူညါစၢၤသွဲၣ်လၢအကဟဲတဖၣ်အဂီၢ်, တၢ်ပၢဆှၢပၢၤဃာ် ယွၤ အတၢ်ဘၣ်တ့ (:၂၃) န့ၣ်လီၤ.