တၢ်ဃုထံၣ်သ့ၣ်ညါ ပာ်ဖျါဝဲလၢ တၢ်ကတိၤမုာ်နၢ်ဆၢသး လၢအတတီတလိၤန့ၣ် ကၠဲ(န) စံ (Gen Z) အစိၤ, ၦၤသးစၢ်တဖၣ် ထံၣ်သ့ၣ်ညါဝဲလၢ တၢ်အယံၤန့ၣ်လီၤ. တၢ်ပညိၣ်န့ၣ် မ့ၢ်ဝဲလၢ တၢ်သူၣ်ကညီၤသးကညီၤသ့ၣ်သ့ၣ်ဘၣ်ဆၣ်, ကၠဲ(န) စံ အစိၤပှၤသးစၢ်တဖၣ်န့ၣ် ပာ်လုၢ်ပာ်ပှ့ၤဝဲ တၢ်အဒိၣ်အယိာ်တမံၤ, လၢအမ့ၢ် တၢ်ယူးယီၣ်ပးကဲတၢ်, ဒီးတၢ်တီတၢ်လိၤ အမ့ၢ်အတီနီၢ်နီၢ်န့ၣ်လီၤ. လၢတၢ်ကတိၤမုာ်နၢ်ဆၢသးအဝဲသ့ၣ်အလီၢ်န့ၣ် အဲၣ်ဒိးဝဲလၢပှၤကနာ်န့ၢ်ဘၣ်အဝဲသ့ၣ်န့ၣ်လီၤ. တၢ်မ့ၢ်စံးကတိၤတီတီလိၤလိၤဒီးအဝဲသ့ၣ်န့ၣ်, အဝဲသ့ၣ် အသးကလၢၢ်ဘၣ်ဝဲ ဒ်အဘၣ်တၢ်ပာ်ကဲႇ ပာ်လုၢ်ပာ်ပှ့ၤအဝဲသ့ၣ်, ဒီးကကဲထီၣ်တၢ်တၤ, လၢအဝဲသ့ၣ် ကဂုၤထီၣ်ပသီထီၣ်အဂီၢ်န့ၣ်လီၤ. ဘၣ်ဆၣ်, တၢ်ထံၣ်အံၤ, ပဝဲပှၤအါဒံအါဂၤအဂီၢ်န့ၣ် ဘၣ်သ့ၣ်သ့ၣ်, ကဘၣ်ဝဲကစီဒီန့ၣ်လီၤ.

ထါစံးထီၣ်ပတြၢၤ ၁၄၁:၅ ပာ်ဖျါထီၣ်ဝဲ တၢ်ကူၣ်သ့တမံၤအံၤန့ၣ်လီၤ. စီၤဒၤဝံးကွဲးပာ်ဖျါဝဲလၢ “မ်ၦၤအတီန့ၣ်တီၢ်ယၤတက့ၢ်. ကကဲထီၣ်ဝဲလၢတၢ်အဘျုးအဖှိၣ်လီၤ. မ်အသိၣ်ဃီၣ်ယၤတက့ၢ်” န့ၣ်လီၤ. လၢအတၢ်ထုကဖၣ်အပူၤန့ၣ် ဃ့ဝဲ ကစၢ်ယွၤလၢကတူၢ်လိာ် အတံၤသကိးတဖၣ် အတၢ်မၤဆါအီၤလၢ တၢ်အဲၣ်တၢ်ကွံ (:၅, ကွၢ်စ့ၢ်ကီး, ကတိၤ ၂၇:၆) အပူၤန့ၣ်လီၤ. စီၤဒၤဝံး ပာ်ဖျါဝဲလၢ “တၢ်အဲၣ်တၢ်ကွံနီၢ်နီၢ်န့ၣ် တဟးဆှဲးဝဲဒၣ် တၢ်စံးကတိၤတၢ်မ့ၢ်တၢ်တီ, အကီအခဲတဖၣ်န့ၣ်ဘၣ်. တၢ်ကတိၤအတီအလိၤန့ၣ် တမ့ၢ်လၢ ကမၤမဲာ်ဆှးၦၤဘၣ်. မ့မ့ၢ်ကမၤစၢၤပှၤ, ဒီးကမၤဘူးထီၣ်ပှၤဒီးကစၢ်ယွၤ,
ဒ်သိး “ပသုတဘိးဃၣ်ပသးဆူ တၢ်အၢတဂ့ၤ” (စံး ၁၄၁:၄) အဂီၢ်န့ၣ်လီၤ. လံာ်စီဆှံတဆၢအံၤ ဒုးသ့ၣ်နီၣ်ၦၤလၢ တၢ်ဟ့ၣ်ကူၣ်ဟ့ၣ်ဖး လၢတၢ်ကူၣ်သ့, အတီအလိၤန့ၣ် တမ့ၢ်လၢ ကမၤဟးဂီၤ, မၤလီၤပှီၢ်ကွံာ်ၦၤဂၤဘၣ်. မ့မ့ၢ်ကဘှီဂ့ၤထီၣ်က့ၤတၢ်အဂီၢ်န့ၣ်လီၤ.

ပကဒိးန့ၢ် တၢ်မၤဂ့ၤမၤဘၣ်က့ၤၦၤ, အိၣ်ဟဲဝဲလၢ တၢ်အဂံၢ်ထံးအမ့ၢ်အတီတဖၣ်န့ၣ် မ်ပသုတပျံၤအီၤတဂ့ၤ. ဒီးမ်ပသုတမဲာ်ဆှးလၢ တၢ်စံးကတိၤဘှီဂ့ၤမၤဘၣ်က့ၤၦၤဂၤအဂီၢ်စ့ၢ်ကီးတဂ့ၤ. တလိၣ်လၢ တၢ်ကတိၤမုာ်နၢ်ဆၢသးပှၤ, ဖျါလၢခိတဖၣ်န့ၣ်ဘၣ်. ပလိၣ်ဘၣ် ထဲဒၣ်ၦၤအသးအိၣ် စံးကတိၤတၢ်တီတီလိၤလိၤ, လၢတၢ်အဲၣ်တၢ်ကွံအပူၤန့ၣ်လီၤ.ဘၣ်တဘျီဘျီန့ၣ် တၢ်ကတိၤတဖၣ်လၢ အမၤဘၣ်ဒိဆါပှၤဒိၣ်မးတဖၣ်န့ၣ် မ့ၢ်တၢ်လၢအဘှီဘၣ်မၤဂ့ၤထီၣ်က့ၤပှၤ, မၤဘျါက့ၤၦၤ, ဒီးကမၤစၢၤၦၤလၢ ပကကဲထီၣ် ဒ်ကစၢ်ယွၤပညိၣ်တ့လီၤပာ်လီၤၦၤအသိးန့ၣ်လီၤ.