ၦၤဘူၣ်ဂ့ရံယၤဖိ (Bulgarian) ယၤန့ၣ် ပဲးကီး (Yane Petkob) န့ၣ် မ့ၢ်ပှၤခိးကွၢ်အုၣ်က့ၤခီၣ်က့ၤသးသမူတဂၤ, ဖဲစုဒီးခီၣ်ခံခီလိာ် ဘၣ်တၢ်စၢဃာ်အကတီၢ်, လၢတၢ်ပှီၢ်ထံအဂီၢ်, ဒိးန့ၢ်ဝဲ ဟီၣ်ခိၣ်ဒီဘ့ၣ် တၢ်ပာ်ပနီၣ်ကွဲးနီၣ်န့ၣ်လီၤ. အဝဲ ပှီၢ်ထံ တၢ်ဒ့ၣ်စဲၤန့ၣ် ကအိၣ်ဝဲဒၣ် ၃,၃၈ဝ မံထၢၣ်, ဒီးဒ်သိးကမၤဆူၣ်ထီၣ်တၢ်တၤအဂီၢ်, အဝဲ ဘိၣ်ဘံဃးအနီၢ်ကစၢ် အသးလၢထၢၣ်တဖျၢၣ်န့ၣ်လီၤ.

ဖဲတၢ်စၢဃာ်ပှၤအကတီၢ်ဒၣ်လၣ်, ဒ်သိးပကလဲၤတၢ်ဆူညါအဂီၢ်, ပလိၣ်ဘၣ် တၢ်သူၣ်စူၤသးစူၤ, ဒီးတၢ်ဂံၢ်တၢ်ဘါန့ၣ် ကဲထီၣ်တၢ်ကမၢကမၣ်လၢယဂီၢ်န့ၣ်လီၤ. လၢသီခရံာ်အတၢ်အိၣ်ဖှိၣ်တဖၣ်အဂီၢ်, ဖဲပှၤတၢ်မၢဖိ စီၤပီလူး မၤဝဲ ကစၢ်ယွၤ အတၢ်မၤအကတီၢ်, ဒုးနဲၣ်ပာ်ဖျါစ့ၢ်ကီးဝဲ တၢ်တြီဆၢထီဒါ တၢ်ကီတၢ်ခဲတဖၣ် လၢတၢ်ပာ်လီၤသး ကျၢၤမူဆှူအပူၤန့ၣ်လီၤ. စီၤပီလူး အနီၢ်ကစၢ်ဒၣ်ဝဲ လီၤဘှံးလီၤတီၤႇ သၣ်ဝံၤသၣ်စ့ၤႇ
မံတန့ၢ်ဂဲၤတန့ၢ်, ဒီးဘၣ်တၢ်ဒိတီၢ်အီၤဒၣ်လဲာ်, စံၣ်တဲၤတဲလီၤတၢ်အဖၢမုၢ်, ဒီးဒ်သိး ကဟ့ၣ်ဂံၢ်ဟ့ၣ်ဘါ, ဒီးသိၣ်လိသီလိ ပှၤစူၢ်က့ၤနာ်က့ၤတၢ်ဖိတဖၣ်ကဒဲကဒဲအဂီၢ်န့ၣ် ကွဲးဆှၢလီၤဝဲ လံာ်ပရၢတဖၣ်အဖၢမုၢ်န့ၣ်လီၤ.

ဖဲစီၤပီလူး ဘၣ်အိၣ်ဝဲဒၣ်ထဲတဂၤဧိၤ, လၢဝ့ၢ် ရိမ့ၤအဃိာ်ပူၤ, ဒီးအိၣ်ခိးဝဲဒၣ်လၢတၢ်ကမၤသံအီၤအကတီၢ်, ကွဲးဆှၢလီၤ လံာ်ပရၢ, လၢခံအကတၢၢ်တဘ့ၣ် လၢစီၤတံၤမသ့းအဂီၢ်န့ၣ်လီၤ. အနီၣ်ခိဘၣ်တၢ်စၢဃာ်လၢထးကျီၤဒၣ်လဲၣ်, စီၤပီလူး ပာ်ဖျါဝဲဒၣ်လၢ ယွၤအကလုၢ်အကထါတဘၣ်ဘၣ်တၢ် “စၢဃာ်” ဘၣ် (၂တံၤ ၂:၉) န့ၣ်လီၤ. စီၤပီလူးစံးဝဲဒၣ် “မၤသးဒ်န့ၣ်ဒီးယဝံသးစူၤတၢ်ခဲလၢာ် လၢၦၤဘၣ်တၢ်ဃုထၢအီၤအဂီၢ်, ဒ်သိးအဝဲသ့ၣ်စ့ၢ်ကီး ကတုၤလၢ တၢ်အုၣ်က့ၤခီၣ်က့ၤလၢ ယ့ၣ်ၡူးခရံာ်အပူၤ” (:၁ဝ) န့ၣ်လီၤ.

လၢတၢ်မၤယွၤအတၢ်မၤ, ပတၢ်လဲၤကျဲအပူၤ, တၢ်ကီတၢ်ခဲတမံၤဂ့ၤ, တမံၤဂ့ၤန့ၣ် ဒ်သိးပကဝံသးစူၤအီၤအဂီၢ်, ကစၢ်ယွၤ မၤစၢၤၦၤသ့ဝဲဒၣ်န့ၣ်လီၤ. နီၢ်ခိအတၢ်ဂံၢ်စၢ်ဘါစၢ်တဖၣ် ဒ်အမ့ၢ်, တၢ်ဆူးတၢ်ဆါႇ တၢ်ဘၣ်ဒိဘၣ်ထံး, ဒီးနီၢ်ခိက့ၢ်ဂီၤတဂ့ၤတဘၣ်တဖၣ်န့ၣ် လိၣ်တၢ်ကွၢ်ထွဲ, ကဟုကယာ်အီၤဘၣ်ဆၣ်, ယွၤအစိအကမီၤ, လၢအမၤလၢထီၣ်ၦဲၤထီၣ် ပတၢ်ဂံၢ်စၢ်ဘါစၢ်န့ၣ် တၢ်လီၤတုာ်လီၤကာ်တဖၣ်အံၤ, ဒိၣ်စိဝဲဒၣ် ယွၤတန့ၢ်တသ့ဘၣ် (၂ ကရံၣ် ၁၂:၉) န့ၣ်လီၤ. တၢ်လၢပမၤတန့ၢ်တသ့တဖၣ်န့ၣ် ဖဲကစၢ်ယွၤ ဖံးမၤဝဲ ခီဖျိလၢၦၤ အကတီၢ်, မ်ပကမၤလၤကပီၤ ကစၢ်ယွၤန့ၣ်တက့ၢ်.