လၢတၢ်မၤလၤကပီၤ ယလံၤခွါဖိ ချုးန့ၢ် အနံၤအိၣ်ဖျဲၣ်ဆၢက့ၤ, ဒီးအသးန့ၣ်ပှဲၤထီၣ်ဝဲဒၣ်တဆံတနံၣ်အဂီၢ်, ပဟံၣ်ဖိဃီဖိတဖၣ် ပလဲၤပာ်ဖှိၣ်ထီၣ်ပသးလၢ မဲးဒံးထၢၣ်ရ့နယၢ (Mediterranean) တၢ်အီၣ်အကျးန့ၣ်လီၤ. တချူးလၢပှၤမၤလိာ် တၢ်အီၣ်တၢ်အီန့ၣ်ဒီး, အပၢ်သံကွၢ်ဝဲဒၣ် အဖိခွါ, လၢအချုးန့ၢ် အနံၤအိၣ်ဖျဲၣ်ဆၢက့ၤတဂၤန့ၣ်လၢ မ့ၢ်အအဲၣ်ဒိးအီၣ်တၢ်တမံၤမံၤဧါန့ၣ်လီၤ. လၢတၢ်သူၣ်ဃၢသးဃၢအပူၤန့ၣ် ဖိသၣ် စံးဆၢက့ၤအပၢ်လၢ “ညၣ် ဆဲလမိၣ်,ဒီးသ့ၣ်ညါဝဲ တၢ်အပှ့ၤကလံၤဒိၣ်မးန့ၣ်လီၤ. အပၢ်လၢအမ့ၢ်ယဖိခွါန့ၣ် စံးဘၣ်အီၤလၢ “တနံၤအံၤ, မ့ၢ်ဝဲဒၣ် နနံၤအိၣ်ဖျဲၣ်ဆၢက့ၤအဃိ, နမ့ၢ်သးအိၣ် အီၣ်ညၣ်န့ၣ် နအီၣ်သ့ဝဲ” န့ၣ်လီၤ. ယလံၤခွါဖိန့ၣ် အသူၣ်ခုသးခုဒိၣ်မး, ဒီးနံၤကမှံထီၣ်ဝဲဒၣ်န့ၣ်လီၤ.

လၢအဖိခွါအဂီၢ်, ယဖိခွါအတၢ်အဲၣ်န့ၣ် ဒုးသ့ၣ်နီၣ်ထီၣ်ယၤ ကစၢ်ယွၤ အတၢ်အဲၣ်, လၢအဒိၣ်နီၢ်မးအကျါ, တဖှံၣ်တဝာ်ဖိန့ၣ်လီၤ. ၁ ယိၤဟၣ် အဆၢဒိၣ် သၢ, ပာ်ဖျါဝဲဒၣ် “တၢ်အဲၣ်အဒိၣ်အယိာ်” လၢကစၢ်ယွၤ ဟ့ၣ်လီၤပှၤ, ဒီးကယဲၢ်ၦၤလၢ အစူၢ်က့ၤနာ်က့ၤအီၤကိးဂၤဒဲးန့ၣ် ကိးဝဲဒၣ်လၢ “အဖိ” (:၁), ပှၤသ့ၣ်တဖၣ်လၢ အဒိးန့ၢ် ယွၤအတၢ်အဲၣ်အဒိၣ်အယိာ်အံၤန့ၣ်လီၤ. တၢ်ဒုးနဲၣ်ဟ့ၣ်ဒိ တၢ်အဲၣ်အဒိၣ်အယိာ်အံၤ, ခီဖျိကစၢ်ခရံာ် လုၢ်ထီၣ်အသးသမူ, ဒီးမ့ၢ်တၢ်ဟ့ၣ်အဒိၣ်အထီကတၢၢ်န့ၣ်လီၤ. လၢထူၣ်စုညါအလိၤန့ၣ် “အဝဲဒၣ်ပာ်လီၤကွံာ် အသးအမူလၢပဂီၢ်” (:၁၆) န့ၣ်လီၤ. အဂ့ၢ်ဒ်အံၤ, “ပတုၤလၢ
တၢ်အုၣ်က့ၤခီၣ်က့ၤၦၤလၢ တၢ်နာ်ကစၢ်ခရံာ်” (အ့းဖ့း ၂:၈) န့ၣ်လီၤ. ကယဲၢ်ၦၤကိးဂၤဒဲး, လၢအစူၢ်က့ၤနာ်က့ၤအီၤတဖၣ်အဂီၢ်န့ၣ် မ့ၢ်ဝဲဒၣ် ကစၢ်ယွၤ အဘျုးအဖှိၣ်, အတၢ်အဲၣ်အတၢ်ဟ့ၣ်န့ၣ်လီၤ.

တၢ်ဟ့ၣ်ဆၢက့ၤ ကစၢ်ယွၤ အတၢ်အဲၣ်အဒိၣ်အယိာ်အံၤအဂီၢ်န့ၣ် “ဂ့ၤပပာ်လီၤကွံာ် ပသးသမူလၢ ပဒီပုၢ်ဝဲၢ်အဂီၢ်စ့ၢ်ကီး” (၁ယိၤ ၃:၁၆) န့ၣ်လီၤ. ကစၢ်ယွၤ အဲၣ်ဒိးဝဲလၢ ပကပာ်ဖျါထီၣ် ပတၢ်စူၢ်တၢ်နာ်, လၢပတၢ်အိၣ်မူအိၣ်ဂဲၤအပူၤ, ပကအဲၣ်အီၤ, ဒိကနၣ်အီၤ, ဒီးရၤလီၤ တၢ်အဲၣ်အဒိၣ်အယိာ်အံၤဆူ ပှၤဂုၤၦၤဂၤသ့ၣ်တဖၣ်အအိၣ်န့ၣ်လီၤ. ဒ်သိးဒီးပကမၤလဲၢ်ထီၣ် တၢ်အဲၣ်အဒိၣ်အယိာ်အံၤဆူ ပဟံၣ်ဖိဃီဖိ, ဒီးဆူတၢ်လီၢ်အယံၤတဖၣ်အဂီၢ်န့ၣ် ကစၢ်ယွၤ ကမၤစၢၤပှၤ, ခီဖျိလၢသးစီဆှံန့ၣ်လီၤ.