ဖဲ ၁၉၆၀ နံၣ်တဖၣ်အပူၤ, ကီၢ်အမဲရကၤ ရူဧိၤတ့ဧိၤတဖၣ် ကစူးကါဝဲ မဲၣ်ထံထိၣ်ဒံးဘိတဖၣ်အဂီၢ်, ခီပနံၣ်တဖျၢၣ်န့ၣ် မ့ၢ်လၢအတမၤလၢပှဲၤ တၢ်ထုးထီၣ်ထိၣ်ဒံးဘိတဖၣ် လီၤတံၢ်လီၤဆဲးအဃိ, ပှၤဘၣ်မူဘၣ်ဒါတဖၣ် ဃ့ထီၣ် “ထံကီၢ်စဲးဖီကဟၣ်ကရၢတဖၣ် လၢပှၤမဲာ်တထံၣ်တၢ်” ကထုးထီၣ်ထိၣ်ဒံးဘိ အကကွဲၢ် နွံဆံ, ဖဲလၢအဝဲသ့ၣ်တထုးထီၣ်ထိၣ်ဒံးဘိတဖၣ် နီတဘျီဒံးဘၣ်ဒၣ်လဲာ်န့ၣ်လီၤ. ဘၣ်ဆၣ်, အဝဲသ့ၣ် တူၢ်လိာ်ဝဲဒၣ် တၢ်တၤတမံၤအံၤ, ဒီးမၤလၢပှဲၤတၢ်လၢအလိၣ်ဘၣ်တဖၣ် လီၤတံၢ်လီၤဆဲးန့ၣ်လီၤ. စးထီၣ်ဖဲ ၁၉၆၇ နံၣ်န့ၣ်ဒီး, စဲးဖီကဟၣ် အပှၤမၤတၢ်ဖိလၢအမဲာ်တထံၣ်တၢ်တဖၣ် တ့ဒုးအိၣ်ထီၣ် တၢ်ကွဲးလံာ်ကွဲးလဲၢ်အပီးလီတဖၣ်န့ၣ် ဘၣ်တၢ်စူးကါအီၤအါအါဂီၢ်ဂီၢ် လၢသုးမုၢ်သံၣ်ဘိအဝဲၤကျိၤတဖၣ်န့ၣ်လီၤ. ထိၣ်ဒံးဘိတဖၣ်အံၤ, တၢ်ကွဲးဘျံးကဒါအီၤခိၣ်ခံ သ့ဝဲဒၣ်, ဒီးမဲၣ်ထံန့ၣ် တၢ်တ့ကွဲးလံာ်ကျိၤအထီ ကန့ၢ်ဝဲဒၣ် တမံးလာ်, ဒီးတူၢ်ခီၣ်န့ၢ်ဝဲဒၣ် တၢ်ကိၢ်တၢ်ခုၣ်အဆူၣ်အနးတဖၣ်န့ၣ်လီၤ.

လံာ် ၁ မိၤ ၁:၂၇ ဒုးသ့ၣ်နီၣ်ထီၣ်ပှၤလၢ ပဝဲပှၤကညီတဂၤစုာ်စုာ်, ဘၣ်တၢ်တ့လီၤအီၤဒ်ကစၢ်ယွၤ အတၢ်ပာ်ပနီၣ် အလၢအပှဲၤအဂ့ၢ်, “ကစၢ်ယွၤ တ့လီၤပှၤကညီ ဒ်အက့ၢ်အဂီၤဒၣ်ဝဲအသိး, တ့လီၤပိာ်ခွါဒီးပိာ်မုၣ်” န့ၣ်လီၤ. ပဘၣ်တၢ်တ့လီၤပှၤဒ်လဲၣ်အဂ့ၢ်န့ၣ် ဆဲးကပီၤဖျါထီၣ် ကစၢ်ယွၤ အက့ၢ်ဂီၤသူးသ့ၣ်, ဒီးအန့ဆၢၣ်န့ၣ်လီၤ. ပဘၣ်တၢ်တ့လီၤပှၤ ဒ်အက့ၢ်အဂီၤဒၣ်ဝဲ စံးတၢ်န့ၣ်, စးထီၣ်လၢပအိၣ်ဖျဲၣ်ထီၣ်လံၤလံၤ, ပဝဲကိးဂၤဒဲး ပအိၣ်ဒီးသူးသ့ၣ်ကံၢ်စီ, ဒီးအလုၢ်အပှ့ၤန့ၣ်လီၤ. ကစၢ်ယွၤ စံးဝဲဒၣ်လၢ ပှၤကညီတဂၤစုာ်စုာ် အဂ့ၢ်အကျိၤန့ၣ်စးထီၣ်အသး, ဖဲအဘၣ်တၢ်တ့လီၤအီၤ “ဒ်ယွၤအဂီၤဒၣ်ဝဲအသိး, ဒ်ယွၤအကစၢ်ဒၣ်ဝဲ” (:၂၆) အသိးန့ၣ်လီၤ. တၢ်မ့ၢ်တၢ်တီအံၤ မ့ၢ်တၢ်ဂ့ၢ်အခီၣ်ထံးခီၣ်ဘိတမံၤ, ဒ်သိးပကသ့ၣ်ညါနၢ်ပၢၢ် ပှၤကညီအသူးအသ့ၣ်, အတၢ်မ့ၢ်တၢ်, ဒီးအတၢ်ရ့လိာ်ဘၣ်ထွဲလိာ်သးဒီးပှၤဂုၤပှၤဂၤန့ၣ်လီၤ.

ဒ်ထိၣ်ဒံးဘိတဖၣ် အိၣ်ဝဲဒၣ်လၢ တၢ်အကါဒိၣ်အလီၢ်အလၤအသိး, ပဝဲနၤယၤစ့ၢ်ကီး ပမ့ၢ်တၢ်လၢအကါဒိၣ်တမံၤန့ၣ်လီၤ. ဖဲပသးကလၢၢ်ဘၣ် ဒ်ပတမ့ၢ်ပှၤသ့ၣ်တဖၣ်လၢအလီၤသူၣ်စဲသးစဲအသိးဘၣ်ဆၣ်, ကစၢ်ယွၤ တ့လီၤပဝဲတဂၤစုာ်စုာ်န့ၣ် ပအိၣ်ဒီးပလုၢ်ပပှ့ၤ, ဒီးအတၢ်တိာ်ကျဲၤလၢပဂီၢ်န့ၣ်လီၤ. မုၢ်တနံၤအံၤ, မ်ပကဟံးဃာ် ပတၢ်အိၣ်မူ, ဒီးသ့ၣ်ညါလၢ ပတၢ်ဘၣ်တ့အကစၢ်န့ၣ် ပာ်လုာ်ပာ်ပှ့ၤပှၤ, ဒီးထံၣ်ဝဲဒၣ်ပှၤလၢ “အဂ့ၤမး” (:၃၁) န့ၣ်လီၤ.