ထီလၣ်အမုၢ်နံၤ မ့ၢ်တၢ်မၤလၢကပီၤ ကစၢ်ယ့ၣ်ၡူး အတၢ်မၤနၢၤ, ဒီးဟဲနုာ်ဝဲဒၣ်ဆူ ဝ့ၢ် ယရူၡလ့ၣ် အဂ့ၢ်ဘၣ်ဆၣ်, မ့မ့ၢ် မ့ၤရံၣ် အဲး(ဒ)ဒွါၣ် (Mary Edwar) အဂီၢ်န့ၣ်, ကဲထီၣ်ဝဲဒၣ် တၢ်သူၣ်ဘၣ်ဒိသးဘၣ်ဒိအဒိၣ်အယိာ်အကတီၢ်န့ၣ်လီၤ. ဖဲတၢ်ဘူၣ်တၢ်ဘါအရဲၣ်တၢ်ကျဲၤဝံၤ, မ့ၤရံၣ်ဒီးအဝၤ ကၤရံ(မ) (Kareem), ဖီၣ်လိာ်သးအစု, ဒီးဟးထီၣ်လၢတၢ်ဘါသရိၣ်အကတီၢ်, မ့ၣ်ပိၢ်တဖျၢၣ်ပိၢ်ဖးန့ၣ်လီၤ. မ့ၢ်လၢမ့ၣ်ပိၢ် အတၢ်ပိၢ်ဖး အဃိ, အဝၤန့ၣ်သံဝဲဒၣ်, အနီၣ်ကစၢ်ဒၣ်ဝဲဘၣ်ဒိဘၣ်ထံး, ဒီးအဖိလၢအဒၢလီၢ်ပူၤ စ့ၢ်ကီး, လီၤတဲာ်ဟးဂီၤဝဲဒၣ်န့ၣ်လီၤ.

ဖဲ မ့ၤရံၣ် အိၣ်မုာ်ထီၣ်က့ၤဝဲဒၣ်န့ၣ်ဒီး, အသူၣ်အုးသးအုးဝဲဒၣ် လၢအဝၤဒီးအဖိအဂီၢ်, ဒီးတကတီၢ်ဃီန့ၣ် အသူၣ်ဒိၣ်အသးဖျိးဝဲဒၣ်န့ၣ်လီၤ. ဘၣ်ဆၣ်, တၢ်ဖးဝဲဒၣ်လံာ်စီဆှံန့ၣ် မၤလီၤကဆှၣ် “ကစၢၢ်မ့ၣ်အူလၢအသးကံၢ်ပူၤ” န့ၣ်လီၤ. လီၤဆီဒၣ်တၢ်, ဖဲအဝဲကျဲးစၢးဃုနၢ်ပၢၢ်ဝဲ ဘၣ်မနုၤအဃိ ကစၢ်ယွၤပျဲတၢ်မၤသံ ဒ်သိးအံၤလဲၣ်န့ၣ်ဒီး, ယၡါ ၅၅:၉ ပာ်ဖျါဝဲလၢ “အဂ့ၢ်ဒ်အံၤ, ဒ်မူခိၣ်ထီန့ၢ်ဟီၣ်ခိၣ်အသိး, ယကျဲထီန့ၢ်သုကျဲ, ဒီးယတၢ်ဆိကမိၣ်ထီန့ၢ် သုတၢ်ဆိကမိၣ်ဒ်န့ၣ်သိးလီၤ” အဃိ, ကဲထီၣ်တၢ်မၤစၢၤလၢအဂီၢ်န့ၣ်လီၤ. ဖဲ မ့ၤရံၣ် သ့ၣ်ညါနၢ်ပၢၢ်ဝဲဒၣ်လၢ ကစၢ်ယွၤန့ၣ် တဒိးဘၣ်တၢ်လၤတၢ်ကပီၤ ဒၣ်လဲာ်, ကတဲာ်ကတီၤန့ၢ်အါထီၣ်ဝဲ အဘျုးအဖှိၣ်အဃိ, ခီဖျိလၢယွၤအသးစီဆှံ အပူၤန့ၣ် မ့ၤရံၣ် အသူၣ်မုာ်အသးမုာ်ထီၣ်က့ၤဝဲဒၣ်န့ၣ်လီၤ.

အပှၤဂီၢ်မုၢ်လၢတဒိကနၣ်တၢ်တဖၣ်အဂီၢ်, ယွၤအတၢ်ကစီၣ်, အိၣ်ဟဲခီဖျိလၢ ဝံယရှါယၤန့ၣ် မ့ၤရံၣ် ကွၢ်ထံဆိကမိၣ်က့ၤဝဲဒၣ်န့ၣ်လီၤ. ဖဲကစၢ်ယွၤ ကိးက့ၤအပှၤဂီၢ်မုၢ်
တဖၣ်ဆူအအိၣ်အကတီၢ်, ဒ်သိးအဝဲသ့ၣ်ကသ့ၣ်ညါအါထီၣ် အတၢ်သူၣ်အိၣ်သးအိၣ်အဂီၢ်, ကစၢ်ယွၤ မၤဝဲဒၣ်န့ၣ်လီၤ. ဒ် “မူခိၣ်ထီန့ၢ်ဒံးဟီၣ်ခိၣ်အသိး, ကစၢ်ယွၤအကျဲန့ၣ်ထီန့ၢ်ဒံးအဝဲသ့ၣ်အကျဲ” (:၉) န့ၣ်လီၤ. လၢတၢ်န့ၣ်အဃိ, ကစၢ်ယွၤ ကပာ်ဖျါထီၣ်အတၢ်အဲၣ်, ဒီးအတၢ်သးကညီန့ၣ် ကအါန့ၢ်ဒံးအဝဲသ့ၣ်မုၢ်လၢ်ကွၢ်စိဝဲဒၣ်န့ၣ်လီၤ.

ဖဲ မ့ၤရံၣ် အသူၣ်ဘၣ်ဒိသးဘၣ်ဒိနးနးကလဲာ်အကတီၢ်, ဒိးန့ၢ်ဝဲဒၣ် ကစၢ်ယွၤအတၢ်ဟ့ၣ်, တၢ်သူၣ်မုာ်သးမုာ်အဃိ, ကဲထီၣ် တၢ်ကမၢကမၣ်လၢအဂီၢ်န့ၣ်လီၤ. မ့ၤရံၣ် တူၢ်လိာ်မုာ် ကစၢ်ယ့ၣ်ရှူး အတၢ်အဲၣ်, လၢအမၤမုာ်ထီၣ်က့ၤအီၤ, ဟ့ၣ်လီၤဝဲဒၣ် ဖဲနွံလီၤဆီ အစီအဆှံအကတီၢ်, အတၢ်ဂ့ၢ်တၢ်ကျိၤတဖၣ်န့ၣ်လီၤ. ကစၢ်ယွၤ အသူၣ်ဆူၣ်အသးဆူၣ် ဟ့ၣ်လီၤပှၤလၢ သးအတၢ်မုာ်တၢ်ပၢၤစ့ၢ်ကီးန့ၣ်လီၤ. တၢ်လၢအလိၣ်ဘၣ်တမံၤန့ၣ် မ့ၢ်ဒၣ်ပကဘၣ်ကွၢ်ထီၣ်ဆူအအိၣ်န့ၣ်လီၤ.