ဖဲ ကၠဲး(စ) တဂၤ စးထီၣ်နၢ်ဟူဝဲ ဖိသၣ်အတၢ်တဲပူ “ဖိသၣ်ပိာ်ခွါဖိဒီးစီးကပ့ၤအဂ့ၢ်” အဆိကတၢၢ်န့ၣ်ဒီး, အသးပှၢ်တ့ၢ်လံန့ၣ်လီၤ. တၢ်တဲပူဖိအံၤ, ဟ့ၣ်ထီၣ်တၢ်မၤလိလၢတၢ်န့ၢ်ဂံၢ်န့ၢ်ဘါ ခီဖျိတၢ်ထဲးဂံၢ်ထဲးဘါအဂ့ၢ်န့ၣ် ကၠဲး(စ) နၢ်ပၢၢ်ဝဲဒၣ်တကီၢ်ခါန့ၣ်လီၤ. ပူတယုၢ်အံၤ စံးဘၣ်ပှၤလၢ တၢ်ဟ့ၣ်လီၤ ဖိသၣ်ပိာ်ခွါဖိတဂၤလၢ စီးကပ့ၤအဒၢတဖျၢၣ်, ဒီးတၢ်တဲဆိပာ်အီၤလၢ အသုတအိးထီၣ်တၢ်အဒၢန့ၣ်လီၤ. ဘၣ်ဆၣ်, ဖဲအထံၣ်ဘၣ် တၢ်အဒၢဖိ ဝံာ်ပကံးဟူးဝးဝဲဒၣ်လၢအစုပူၤန့ၣ်ဒီး, ပၢၤအသးတန့ၢ်လၢၤဘၣ်အဃိ, ဒ်သိးစီးကပ့ၤဖိ ကထူၣ်ဖျဲးထီၣ်ဝဲအဂီၢ်, ဟံးန့ၢ်ထးရံး, ဒီးတံာ်တဲာ်တၢ်အဒၢန့ၣ်လီၤ.
စီးကပ့ၤဖိန့ၣ် ပူၤဖျဲးထီၣ်ဝဲလၢ တၢ်အဒၢဘၣ်ဆၣ်, ယူၤထီၣ်ဝဲဒၣ်လဲာ်တန့ၢ်ဘၣ်အဃိ, လီၤတဲာ်ဝဲဆူ ဟီၣ်ခိၣ်လိၤ, ဒီးသံဝဲဒၣ်တကီၢ်ခါန့ၣ်လီၤ. ဖိသၣ်ပိာ်ခွါဖိန့ၣ် ဟီၣ်ကိးပသူထီၣ်, ဒီးစံးဝဲဒၣ် “တၢ်ကဲထီၣ်အသးဒ်လဲၣ်” န့ၣ်လီၤ. ခီဖျိ ကၠဲး(စ) အတၢ်လဲၤ ခီဖျိဖးယံာ်ဖးထီအပူၤန့ၣ်, နၢ်ပၢၢ်ဝဲဒၣ်လၢ, “ဒ်သိး စီးကပ့ၤဖိ ကဒိၣ်ထီၣ် လၢဂံၢ်လၢဘါ, ဒီးယူၤဝဲကန့ၢ်အဂီၢ်, အလီၢ်အိၣ်ဝဲလၢ စီးကပ့ၤဖိ ကဘၣ်စူးကါဝဲ အညၣ်ထူၣ်ဘၣ်ဆၣ်, မ့ၢ်လၢဖိသၣ်ပိာ်ခွါဖိန့ၣ် တြီဃာ်ဝဲအဃိ” န့ၣ်လီၤ.
ဖိသၣ်အဂီၢ်တၢ်မၤလိအံၤ, ကမ့ၢ်တၢ်တဲမုာ်နၢ်တယုၢ်သ့ၣ်သ့ၣ်ဘၣ်ဆၣ်, မၤဂၢၢ်မၤကျၢၤဝဲဒၣ် ပှၤစူၢ်က့ၤနာ်က့ၤ ကစၢ်ယ့ၣ်ရှူး လၢအဘၣ်တၢ်မၤအၢမၤနး လၢဝ့ၢ်ရိမ့ၤတဖၣ်အဂီၢ်, စီၤပီလူး အတၢ်သိၣ်လိ လံာ်စီဆှံအတၢ်မ့ၢ်တၢ်တီ လၢအမ့ၢ် “အဂ့ၢ်ဒ်အံၤ, ပသ့ၣ်ညါလၢ တၢ်နးတၢ်ဖှီၣ်မၤအိၣ်ထီၣ် တၢ်ဝံသးစူၤ… ဒီးတၢ်မၤကွၢ်အတၢ်အုၣ် အသးန့ၣ် ဒုးအိၣ်ထီၣ်တၢ်မုၢ်လၢ်” (ရိမ့ၤ ၅:၃-၄) န့ၣ်လီၤ.
တမ့ၢ်လၢ စီၤပီလူး အဲၣ်ဒိးစံးဝဲဒၣ် တၢ်မၤလၤကပီၤ တၢ်ဘၣ်နးဘၣ်ဖှီၣ် (မ့)တၢ်သမၢကွံာ်တၢ်သးဘၣ်ဒိဆါအဂ့ၢ်န့ၣ်ဘၣ်. လၢတၢ်သ့ၣ်တဖၣ်အလီၢ်န့ၣ်, စီၤပီလူး မၤဂၢၢ်မၤကျၢၤဝဲဒၣ် ကစၢ်ယွၤ စူးကါ သးသမူအတၢ်ကီတၢ်ခဲတဖၣ် ဒ်သိးဒီးကတ့ဒုးအိၣ်ထီၣ် ပလုၢ်လၢ်သကဲာ်ပဝး, ဒီးကမၤဒိၣ်ထီၣ် ပတၢ်မုၢ်လၢ်လၢအပူၤအဂီၢ်န့ၣ်လီၤ. ခီဖျိလၢအဂံၢ်အဘါအပူၤန့ၣ်, ကစၢ်ယွၤ မၤဒိၣ်ထီၣ်အါထီၣ် ပတၢ်နာ်သန့ၤ အစိအကမီၤ လၢအမၤနၢၤတၢ်အဖီခိၣ်န့ၣ်လီၤ. ဒ်သိး စိးကပ့ၤဖိ ကဒိၣ်ထီၣ်လၢဂံၢ်လၢဘါ, ဒီးကယူၤဝ့ၤဝီၤဝဲအဂီၢ်, ဘၣ်တၢ်တြီဃာ်အီၤန့ၣ်လီၤ. ဘၣ်ဆၣ်, ခီဖျိလၢကစၢ်ခရံာ်အပူၤန့ၣ်, ဒ်ပတၢ်ထဲးဂံၢ်ထဲးဘါ စိာ်ကဖီမၤဂ့ၤထီၣ် ပတၢ်သကဲာ်ပဝးဆူ ကစၢ်ယွၤ, ပတၢ်အုၣ်က့ၤခီၣ်က့ၤကစၢ်အအိၣ်အသိး, ပမုာ်လၤသးခုသ့ဝဲဒၣ်န့ၣ်လီၤ.