ဖဲလၢ အသးအိၣ် (၁၁) နံၣ်လံၤလံၤန့ၣ် ခၠါ ကၠီးဟ့ (Charles Joughin) တဂၤန့ၣ် မ့ၢ်ပှၤဒိးကဘီဖိတဂၤန့ၣ်လီၤ. အဝဲဖံးတၢ်မၤတၢ် ဒ်ပှၤကုၢ်ကိၣ်ဖိတဂၤ လၢကဘီအါဘ့ၣ်, ဒီးဖဲ ၁၉၁၂ နံၣ်န့ၣ်, အဝဲဘၣ်တၢ်ဒိးလဲအီၤလၢ တၢ်ဟးဒိလိာ်ကွဲကဘီဖးဒိၣ်တဘ့ၣ်, အိၣ်ဟးထီၣ်လၢ ဝ့ၢ် စီးသဲ(မ)တၣ်, ကီၢ် အ့ကလၣ် (Southamptom, England) န့ၣ်လီၤ. ကဘီဖးဒိၣ်တခိၣ်, မ့ၢ် တဲၣ်တဲန့း (Titanic), လၢအနုာ်လီၤဘျၢၣ်ထံလီၤသကၤ ကိၢ်လိၣ်ဖးဒိၣ်တဖျၢၣ် ဖဲ အဲးတလဲတ့း-ကလံၤစိး (Northern Atlantic) န့ၣ်လီၤ. ဖဲကဘီလီၤဘျၢဆူ ထံယိာ်အကတီၢ်, ကၠီးဟ့ မၤစၢၤနဲၣ်ဆှၢ ပှၤကညီတဖၣ်ဆူ ချံမူတဖၣ်အလိၤန့ၣ်လီၤ. ဖဲကဘီလီၤဘျၢဝဲဆူ ထံယိာ်န့ၣ်ဒီး, အဝဲအိၣ်ဂဲၤဆၢထၢၣ်ဝဲလၢ တဲၣ်တဲန့း ကဘီအလီၢ်ခံ အထိးနါန့ၣ်လီၤ. လၢတၢ်လီၤကမၢကမၣ်အပူၤန့ၣ် ကၠီးဟ့ အိၣ်မူတ့ၢ်ဝဲဒၣ်န့ၣ်လီၤ.
အနံၣ် (၃၀) လဲၤပူၤကွံာ်ဝံၤ, ဖဲဟီၣ်ခိၣ်ဒီဘ့ၣ် တၢ်ဒုးဖးဒိၣ်ခံဘျီတဘျီအကတီၢ်, ခၠါ တဂၤ ဒိးဝဲကဘီအဂၤတဘ့ၣ် လၢအမ့ၢ် အၣ်အဲ(မ)အဲး(စ) အီၣ်ရံၣ်ကိ(န) (RMS Oregon) န့ၣ်လီၤ. ကဘီအဂၤတဘ့ၣ် နုာ်လီၤဘျၢၣ် ကဘီ အီၣ်ရံၣ်ကိ(န), ဒီးလီၤဘျၢဝဲဒၣ်စ့ၢ်ကီးန့ၣ်လီၤ. လီၤလီၤဆီဆီ, ကၠီးဟ့ အိၣ်မူတ့ၢ်ဒံးဝဲဒၣ်န့ၣ်လီၤ.
ယွၤအကလုၢ်ကထါ စံးဘၣ်ပှၤလၢ ပဝဲခဲလၢာ် ပအိၣ်လၢ ကဘီအလီၤဘျၢတဆိ အပူၤန့ၣ်လီၤ. (ရိ ၃:၂၃) အပူၤန့ၣ် စီၤပီလူး ကွဲးပာ်ဖျါဝဲလၢ “ပှၤခဲလၢာ်မၤတၢ်ဒဲးဘး, ဒီးတချုးန့ၢ်ဘၣ်ယွၤအလၤကပီၤဘၣ်” န့ၣ်လီၤ. အဝဲအဲၣ်ဒိးတဲ ပှၤအံၣ်စရ့လးဖိ လၢအပူထီၣ်တၢ်တဖၣ်, ဟံးန့ၢ်ပာ်ဖျါ ဝံယရှါယၤ အတၢ်ကစီၣ်, “ယွၤမ့ၢ်တပာ်လီၤတဲာ်န့ၢ် ပှၤလၢတၢ်အိၣ်လီၤတဲာ်တစဲးဘၣ်ဒီး, ပကမၤပသးဒ်စဒိၣ်, ပကလီၤဂာ်လၢ ဂမိၤရၤ” (ယရှါ ၁:၉) န့ၣ်လီၤ. စီၤပီလူး စံးကတိၤပာ်ဖျါ ပှၤအံၣ်စရ့လးဖိလၢ “အိၣ်လီၤတဲာ်တ့ၢ်,” ပှၤအိၣ်မူတ့ၢ်အိၣ်ဝဲ ကဘီတဘ့ၣ်, “တၢ်အဘျဲၣ်ကတုၤက့ၤလၢ တၢ်အုၣ်က့ၤခီၣ်က့ၤ” (ရိ ၉:၂၇) န့ၣ်လီၤ. အဝဲသ့ၣ်ပူၤဖျဲး, ဒီးအိၣ်မူတ့ၢ်ဝဲဒ်လဲၣ်. ခီဖျိလၢအဒိးန့ၢ် တၢ်သးခုအကစီၣ် (ရိ ၁၀:၁၆) အဃိန့ၣ်လီၤ. ပဝဲကိးဂၤဒဲးန့ၣ် ပလီၤဂာ်ဒီးပှၤအံၣ်စရ့လးဖိတဖၣ်, လီၤဘျၢဝဲလၢ ပတၢ်ဒဲးဘးအပူၤန့ၣ်လီၤ. ပမ့ၢ်တတူၢ်လိာ် တၢ်သးခုအကစီၣ်ဘၣ်န့ၣ်ဒီး, မတၤတဂၤမး တဘၣ်တၢ်အုၣ်ခီၣ်ပှၤနီတဂၤဘၣ်န့ၣ်လီၤ. ကစၢ်ယ့ၣ်ရှူး မ့ၢ် ချံမူလၢ ကစၢ်ယွၤ ကတဲာ်ကတီၤန့ၢ် ပဝဲခဲလၢာ်အဂီၢ်န့ၣ်လီၤ.
အလီၢ်အိၣ်လၢ တၢ်ကမၤသ့ၣ်နီၣ် ပဝဲနၤယၤ, ပှၤလၢအစူၢ်နာ်ကစၢ်ယ့ၣ်ရှူးလၢ တၢ်မ့ၢ်တၢ်တီလီၤဆီဒၣ်တၢ်, ခီဖျိအတၢ်သးကညီၤအဃိ, ပမ့ၢ်ပှၤအိၣ်မူတ့ၢ်ဝဲတဖၣ်န့ၣ်လီၤ. ပှၤအိၣ်ဆိးဝဲလၢ သးသမူ အထံယိာ်အတၢ်ဂ့ၢ်ကီတဖၣ် မ့ၢ်တထံၣ်န့ၢ် ကစၢ်ယ့ၣ်ရှူး ဒံးဘၣ်န့ၣ်, လၢအဝဲသ့ၣ်အဂီၢ်, တၢ်အဂ့ၤကတၢၢ်န့ၣ် ကထီၣ်ဒိးဝဲလၢ ချံမူအလိၤန့ၣ်လီၤ.