သးစၢ်ပှၤဆါတဂၤ မၤသံလီၤအသး မ့ၢ်လၢ အကလဲၤဆူ တၢ်ဆါဟံၣ်ဒ်သိး ကဒိးန့ၢ်သး အတၢ်ကူစါယါဘျါက့ၤတၢ်အဂီၢ် သိလ့ၣ်အလဲတအိၣ်ဘၣ်အဃိန့ၣ်လီၤ. လၢတၢ်သးတမုာ်ဖးဒိၣ်အပူၤ, Dr. Chibanda ဃုမၤကွၢ်ကျိၤကျဲတဖၣ် ဒ်သိး တၢ်ကညီအါထီၣ်လၢ ပှၤကဒိးတၢ်ယါဘျါအဂီၢ်န့ၣ်လီၤ. ဖဲန့ၣ် “တၢ်ဒီတံၤဒီသကိး အလီၢ်ဆီၣ်နီၤဖးထီ” (Friendship Bench) အိၣ်ထီၣ်ဝဲန့ၣ်လီၤ. အအံၤမ့ၢ်တၢ်ရဲၣ်တၢ်ကျဲၤတခါ ဖဲပှၤကူစါယါဘျါတၢ် (therapist)တဖၣ် ဆ့ၣ်နီၤဝဲလၢ လီၢ်ဆ့ၣ်နီၤဖးထီတဖၣ် လၢအဘၣ်တၢ်လဲၤပာ်ဃာ်လၢ တၢ်ကူၣ်တၢ်ဆးအပူၤ, ဒီး အိၣ်ကတဲာ်ကတီၤအသးလၢ ကဟ့ၣ်ကူၣ်နဲၣ်ကျဲ ပှၤလၢအအိၣ်ဒီး တၢ်လိၣ်တဖၣ်န့ၣ်လီၤ. ဒီးကသံၣ်သရၣ်အံၤ သိၣ်လိမၤလ့ၤမတၤတဖၣ် လၢ ကကဲထီၣ် ပှၤကူစါယါဘျါတၢ်တဖၣ်န့ၣ်လဲၣ်. မ့ၢ် ဖံဖံတဖၣ်လီၤ. လၢတၢ်ထံၣ်လိာ်သံကွၢ်သကိးတၢ်တခါအပူၤ, Dr. Chibanda ဟ့ၣ်ခီဟ့ၣ်နီၤဝဲဒီးစံး “(ဖံဖံ) တဖၣ်န့ၣ် အဂံၢ်စဲၤလီၤဃာ်အသးလၢ အဝဲသ့ၣ်အကမျၢၢ်ခိၣ်ဃၢၤလီၤ. အဝဲသ့ၣ်အိၣ်ဒီးတၢ်သ့တၢ်ဘၣ် လီၤလးတမံၤ… လၢကဒုးသးကလၢၢ်ဘၣ်ပှၤတဖၣ် ဒ်အဝဲသ့ၣ်တၢ်ပးကဲအီၤဒီး နၢ်ပၢၢ်အီၤအသိးန့ၣ်လီၤ”.

ဖဲလံာ်စီၤနဃ့မယၤ အဆၢဒိၣ်(၃) အပူၤ, ပဖးဘၣ်တၢ်တိာ်ကျဲၤတမံၤ လၢအပၣ်ဃုာ်ဒီး ပှၤတဖုလၢ အလီၤဆီန့ၣ်လီၤ. အဝဲသ့ၣ်နၢ်ပၢၢ်ဝဲဒၣ်လၢ ဝ့ၢ်အခိၣ်ဒူန့ၣ် တၢ်ကဘၣ်ဘှီထီၣ်က့ၤအီၤ ဒ်သိးအဝဲသ့ၣ်တဖၣ် အသု “တကဲလၢၤတၢ်ဒုၣ်ဒွဲၣ်အလီၢ်တဂ့ၤ” (၂:၁၇)န့ၣ်လီၤ. ဝ့ၢ်ယရူၤရှလ့ၣ် အိၣ်လၢ တၢ်ဟးဂူာ်ဟးဂီၤအပူၤ, ဒီးထံကီၢ် အိၣ်ဝးတရံးအီၤတဖၣ် နံၤဘၣ်ဖၣ်လဲအတၢ်ဃၣ်ကွံာ်န့ၣ်လီၤ. တမ့ၢ်ထဲပှၤစုသ့တဖၣ်, ဒ်ပှၤပိာ်ထူဖိစီၤဧူၤစံၤအ့လးဧိၤဘၣ်, ပှၤအဂုၤအဂၤတဖၣ်လၢ အအိၣ်ဒီး တၤလၣ်အဂုၤအဂၤတဖၣ်, ဒ်ပဒိၣ်ဖးဒိၣ်စီၤရှလူၣ်, စ့ၢ်ကီး ပာ်ဖှိၣ်မၤသကိးတၢ်န့ၣ်လီၤ (:၁၂).

ဒ် ဒီးကထၢၣ် ခၠံၣ်ပါတါ(Dr. Chibanda) ထံၣ်ဝဲ ဖံတဖၣ် အတၢ်လုၢ်ဘၢဒိၣ်စိဒီး အတၢ်သးအိၣ်သးကညီၤတၢ် ဒ်သိး ကမၤဂ့ၤထီၣ်သးအတၢ်အိၣ်ဆူၣ်အိၣ်ချ့လၢ ကီၢ် Zimbabwe အသိးန့ၣ်, မ်ယွၤအိးထီၣ် ပမဲာ် ဒ်သိးပကထံၣ်ပှၤတဂၤစုာ်စုာ် အတၢ်ဂံၢ်တၢ်ဘါတဖၣ်တက့ၢ်. ယွၤဟ့ၣ်ဃာ် ပဝဲတဂၤစုာ်စုာ် တၢ်လဲၤခီဖျိ, တၢ်ကူၣ်တၢ်ဆးဒီး တၤလၣ်တဖၣ် လၢအလီၤဆီလိာ်သးန့ၣ်လီၤ (ရိမ့ၤ ၁၂:၆). မ်ပပျဲသကိးယွၤလၢ ကသူပှၤလၢ တၢ်သူၣ်ထီၣ် တၢ်အိၣ်ဖှိၣ်ဒီးမၤတၢ်လၢပကမျၢၢ်ခိၣ်ဃၢၤအဂီၢ်န့ၣ်တက့ၢ်.