တၢ်နာ်သန့ၤကစၢ်ယွၤနီၢ်နီၢ်
သၣ်မံယီၤလၢ အဟးဖျိးကျဲတဒုန့ၣ် မၤသီၣ်ထီၣ် အကလုၢ်ဖိလၢ အလီၤသးကညီၤအဃိ, ယအိၣ်ကတီၢ်လၢယတၢ်လဲၤန့ၣ်လီၤ. ယလဲၤဟးခီဂာ် တၢ်အီၣ်အပူၣ် တပူၣ်ပူၤယူၢ်, တၢ်အီၣ်လၢ ပှၤတဂၤဂၤ ဆူးကွံာ်တ့ၢ်ဝဲလၢ ဟီၣ်ခိၣ်လိၤန့ၣ်လီၤ. ယဆိကမိၣ်ထီၣ်ယဲလၢ ကစၢ်ယွၤ ကတဲာ်ကတီၤန့ၢ် တၢ်အီၣ်လၢ သၣ်မံယီၤ သၣ်ဝံၤလီၤဒိတဒုအဂီၢ်န့ၣ်လီၤ. တၢ်အီၣ်န့ၣ် အိၣ်တဒၢအသးလၢ ကျဲအကပၤတၢၣ်တဖျၢၣ်အလီၢ်ခံအဃိ, ယကျဲးစၢးထုးန့ၢ်သၣ်မံၤယီၤဃဲၤသံကျိသံတဒုအံၤဆူ တၢ်အီၣ်အိၣ်အလီၢ်န့ၣ်လီၤ. သၣ်မံယီၤဖိန့ၣ် ဟဲလူၤပိာ်ထွဲယခံလၢ တၢ်နာ်န့ၢ်ယၤအပူၤ, ဝံၤအိၣ်ကတီၢ်ဝဲ, ဒီးတဟဲပိာ်ယခံဆူညါ လၢၤဘၣ်. ယအဲၣ်ဒိးသံကွၢ်မးလၢ “ဘၣ်မနုၤအဃိ, နတနာ်ယတၢ်ဆှၢနၤလဲၣ်. တၢ်အီၣ်တဖၣ်အိၣ်ခိးပာ်လၢနဂီၢ်” န့ၣ်လီၤ.
ဝံၤန့ၣ်ဒီး, ယနၢ်ပၢၢ်က့ၤယဲလၢ ယစံးဆၢမၤဆၢတၢ်တမံၤဃီ, ဒ်ယတၢ်ရ့လိာ်ဘၣ်ထွဲဒီးကစၢ်ယွၤအသိး တမ့ၢ်ဘၣ်ဧါ. ယသးပူၤန့ၣ် အိၣ်ဒီးတၢ်ဆိကမိၣ်လၢ “ယွၤဧၢ, ယနာ်သန့ၤယဲနၤဘၣ်ဆၣ်, ယဆိကမိၣ် နတၢ်နဲၣ်ကျဲတဖၣ်န့ၣ် ယပာ်ဂံၢ်ပာ်ဘျါအီၤတသ့ဘၣ်- ယွၤအတၢ်ကတဲာ်ကတီၤမၤလၢပှဲၤတၢ်တဖၣ် ကအိၣ်ခိးပာ်ဝဲ ဖဲအလီၢ်ဘၣ်အကျဲဘၣ်လီၤန့ၣ်, ယတသ့ၣ်ညါဘၣ်အဃိ, မ့ၢ်ယစံးဆၢမၤဆၢဘၣ် ကစၢ်ယွၤအတၢ်နဲၣ်ဆှၢယၤန့ၣ် ကအိၣ်ဝဲဒၣ်ထဲလဲၣ်”
မ့ၢ်လၢကစၢ်ယွၤအဲၣ်ပှၤ, ဒီးအသးပူၤန့ၣ်အိၣ်ဒီးပတၢ်သးဆၢမိၣ်န့ၢ်အဂ့ၤကတၢၢ်တဖၣ်အဃိ, ယွၤအကျဲတဖၣ်န့ၣ် ပနာ်သန့ၤအီၤသ့ဝဲဒၣ်န့ၣ်လီၤ. စံး ၃၂:၈-၉…
တၢ်မုၢ်လၢ်တအိၣ်, မ့တမ့ၢ် တၢ်မုၢ်လၢ်အိၣ်
တၢ်ဂိၢ်ထီၣ်သီကိးနံၣ်ဒဲးန့ၣ်, “ရဲး(က)ဝံး” (ragweed-နီၣ်တပံၢ်တကလုာ်) မဲထီၣ်ဝဲလၢ ကျဲကပိာ်ကပၤတဖၣ်န့ၣ်, မၤကီမၤခဲ ယဖိခွါအတၢ်သါထီၣ်သါလီၤကလံၤကျိၤတဖၣ်
န့ၣ်လီၤ. ဘၣ်တနံၤန့ၣ်, တၢ်ဆါအပနီၣ် ဟဲဖျါထီၣ်ဝဲ နးနးကျံၤကျံၤအဃိ, ယဆိကမိၣ်အလီၢ်အိၣ်လၢ ကဘၣ်ဒုးနဲၣ်အီၤဒီးကသံၣ်သရၣ်န့ၣ်လီၤ. တဘျုးလါအတီၢ်ပူၤန့ၣ်, ပဟံၣ်ဖိဃီဖိတဖၣ် ပလဲၤခီဖျိဘၣ် တၢ်အိၣ်ဆူၣ်အိၣ်ချ့ အတၢ်ဂ့ၢ်ကီနးနးကျံၤကျံၤ, ဒီးဖဲပတၢ်အိၣ်ဆူၣ်အိၣ်ချ့ဂ့ၤထီၣ်က့ၤသီသီအကတီၢ်အဃိ, ယကဃ့ထုကဖၣ်တၢ်အဂီၢ်ဒၣ်လဲာ် ယသးဟးဂီၤယဲဒၣ်န့ၣ်လီၤ. ဘၣ်ဆၣ်, ခီဖျိတၢ်ခဲလၢာ်လၢကစၢ်ယွၤ မၤစၢၤတ့ၢ်ဝဲလၢပဂီၢ်တဖၣ်အပူၤ, ယဝၤသးဘိ ဃုထံၣ်န့ၢ်ဝဲ တၢ်မုၢ်လၢ်န့ၣ်လီၤ. လၢတၢ်နဲၣ်ကျဲအဂီၢ်, ဃ့ထုကဖၣ်ဝဲလၢကစၢ်ယွၤန့ၣ်လီၤ. တယံာ်ဘၣ်န့ၣ်, ခီဖျိလၢကသံၣ်ကသီတဖၣ် အတၢ်မၤစၢၤအဃိ, ပဖိခွါ အတၢ်အိၣ်ဆူၣ်အိၣ်ချ့ ဂ့ၤထီၣ်က့ၤဝဲဒၣ်န့ၣ်လီၤ.
၄ မိၤ ၁၄:၆-၉ န့ၣ် ဖဲပှၤလဲၤကွၢ်ဟုၣ်ကွၢ်စုာ် ကီၢ်ကနၤဧၣ် ထံလီၢ်ကီၢ်ပူၤ ဝံၤအလီၢ်ခံ, ပှၤလဲၤကွၢ်ဟုၣ်ကွၢ်စုာ်တၢ်အကျါ တနီၤန့ၣ် အသူၣ်ဟးဂီၤသးဟးဂီၤဝဲဘၣ်ဆၣ်, စီၤကၤလ့းဒီးစီၤယိၤရှူ ခံဂၤန့ၣ် ဒုးနဲၣ်ဖျါထီၣ် တၢ်မုၢ်လၢ်, ဒီးတၢ်ထံၣ်လၢအဂ့ၤတကပၤန့ၣ်လီၤ. ဟီၣ်ခိၣ်လီၢ်ကဝီၤအံၤ ကစၢ်ယွၤ အၢၣ်လီၤအီလီၤတ့ၢ်ဝဲလၢ ပှၤအံၣ်စရ့လးဖိအဂီၢ်အဃိ, ၄ မိၤ ၁၃:၃၀ အပူၤန့ၣ်…
ကွၢ်လိမၤတၢ် ဒ်သိးယမၤ
ဖဲအပၢ်ကွံာ်လီၤအတခွဲဆူ ထံကမါအပူၤန့ၣ်ဒီး, ဖိသ့ၣ်ခံနံၣ်ဖိ သီမၢး(စ) (Thomus) တဂၤ ဒ်အပၢ်မၤဝဲအသိး, မၤဒိးဝဲ, ဒီးကွံာ်လီၤ အတၢ်လိၣ်ကွဲ တခွဲဘိဖိဆူ ထံကျါန့ၣ်လီၤ. လၢခံန့ၣ်, ဖဲအဂဲၤဆၢထၢၣ်ဝဲလၢ ထံကမါအနံၤ ထံစှီၣ်အလီၢ်န့ၣ်ဒီး, သီမၢး(စ) ကျဲးစၢးမၤဒိးဝဲ ဒ်အပၢ်ကွံာ်လီၤကဒါက့ၤညၣ်ဆူ ထံကမါပူၤ, ခီဖျိလၢစုၣ်လီၤဘျၢတခွဲဘိဆူထံကျါ, ဒီး “ထဲးထီၣ်ဘှါဆှဲ” ထံဃံၢ်အထံးတဖၣ်န့ၣ်လီၤ. ဖဲအထဲးန့ၢ်ဝဲ ထံဃံၢ်တဘျီစုာ်စုာ်ဝံၤ, တချုးတ့ၢ်လီၤကဒါက့ၤ ထံဃံၣ်တဖၣ်ဆူ ထံကမါအပူၤန့ၣ် ဒ်သိးအပၢ်ကကမၢကမၣ်အဂီၢ်, သီမၢး(စ) စိာ်ကစီၤထီၣ် ထံဃံၣ်တဖၣ်လၢ အစုလိၤန့ၣ်လီၤ.
ပဆၢမၤလိန့ၢ်- တၢ်လၢအဂ့ၤအဝါ, ဒီးတၢ်လၢအတဂ့ၤခံမံၤလိာ်- ခီဖျိပအိၣ်ခိးကွၢ်, ဒီးပမၤဒိးပှၤဂုၤပှၤဂၤတဖၣ်န့ၣ်လီၤ. လၢတၢ်န့ၣ်အဃိ, လံာ်စီဆှံအသီတကတြူၢ်အပူၤန့ၣ်, ဘၣ်သ့ၣ်သ့ၣ် ကစၢ်ယ့ၣ်ရှူး အပျဲၢ်အဘီၣ်တဖၣ် ဘၣ်တၢ်ဟ့ၣ်ဂံၢ်ဟ့ၣ်ဘါအဝဲသ့ၣ်လၢ ကကွၢ်ဃီၤဝဲ တၢ်သးခုကစီၣ် အခ့အပှၤအတီအလိၤတဖၣ် ဒ်သိးကမၤလိမၤဒိးတၢ်အဂီၢ်န့ၣ်လီၤ. (ကွၢ် ၂ သ့း ၃:၄, ဧ့ၤဘြံၤ ၁၈:၇, ၃ ယိၤ ၁:၁)
ဖဲ ၂…
ယွၤအတၢ်အဲၣ်န့ၣ် တလၢာ်ဝဲဒၣ်နီတဘျီဘၣ်
ဖဲကၠိစံၣ် (Josie) အပၢ်သးပှၢ် လၢအဆါဆိးက့တဂၤ ဟဲအိၣ်ဆိးဒီးအီၤအကတီၢ်န့ၣ်, အသးဘၣ်ကိၢ်ဘၣ်ဂီၤဝဲလၢ တနံၤဘၣ်တနံၤ တၢ်အံးထွဲကွၢ်ထွဲပၢ် အတၢ်လိၣ်တဖၣ် န့ၣ်လီၤ. ကသံၣ်ကသီလၢကဘၣ်ပှ့ၤဝဲတဖၣ်န့ၣ် အပှ့ၤဒိၣ်မးန့ၣ်လီၤ. အတၢ်ဖံးတၢ်မၤလၢ ကဘၣ်မၤဝဲလၢာ်ဆၢလၢာ်ကတီၢ်, တကးဒ်ဘၣ်န့ၣ်, တၢ်အံးထွဲကွၢ်ထွဲမူဒါ, ဒီးလိၣ်ဘၣ် တၢ်ကူၣ်သ့လၢ ကနဲၣ်ဆှၢ အတၢ်ဆၢတဲာ် ဘၣ်ဃးဒီးအပၢ်အတၢ်ဆါလၢ အနးဒိၣ်ထီၣ်အံၤန့ၣ် မၤလီၤဘှံးလီၤတီၤအီၤန့ၣ်လီၤ. ကၠိစံၣ် စံးဝဲလၢ “ထီဘိန့ၣ် ယကပာ်ဖှိၣ်ထုးထီၣ် ယဂံၢ်ဘါ, စုလီၢ်ခီၣ်ခိၣ်ဂံၢ်ခီၣ်ထံးနီၢ်နီၢ်, တၢ်ကူၣ်သ့, ဒီးတၢ်အဲၣ်တဖၣ်ကသ့ဝဲဒၣ်ဒ်လဲၣ်” န့ၣ်လီၤ.
ကၠိစံၣ် ဃုထံၣ်န့ၢ် တၢ်မုၢ်လၢ်လၢ လံာ်သးသယုၢ်တၢ်အပူၤ, လံာ်တဘ့ၣ်လၢ အကွဲးပာ်ဖျါထီၣ် ဝံယံးရမံယၤ, ဒီးယွၤအပှၤဂီၢ်မုၢ်တဖၣ် တူၢ်ဘၣ်ခီၣ်ဘၣ် တၢ်သူၣ်အုးသးအုးအဂ့ၢ်န့ၣ်လီၤ. ပှၤဘၤဘူၤလိၣ်ဖိတဖၣ် မၤဟးဂီၤဝဲဒၣ် ဝ့ၢ်ယရူၤရှလ့ၣ်, ဒီးခဲကနံၣ်အံၤ, ဖဲမုၢ်နံၤလၢအကဟဲတဖၣ်န့ၣ် ပှၤယူဒၤဖိတဖၣ် ဘၣ်ကွၢ်ဆၢၣ်မဲာ်ဒီးတၢ်စိာ်မၢကဲကုၢ် န့ၣ်လီၤ. တၢ်နးတၢ်ဖှီၣ်တဖၣ် နးဒိၣ်မးဘၣ်ဆၣ်, သးသယုၢ် ၃:၂၂ အပူၤန့ၣ် ကစၢ်ယွၤ အၢၣ်လီၤဝဲလၢ “မ့ၢ်ယွၤအဘျုးအဖှိၣ်, မ့ၢ်အသးတတူာ်ဘၣ်သတးဒီး, ပတတုၤဘၣ်လၢ…
ဖံးတၢ်မၤတၢ်- တမ့ၢ်လၢတၢ်သးဒ့ဒီဘၣ်
ပှၤနီၣ်ကၠိအသိလ့ၣ်တဂၤ ဖဲအနီၣ်သိလ့ၣ်အကတီၢ် တနီၣ်အသး, ဒီးသံတယူာ်ဝဲဒၣ်, ဒီးသိလ့ၣ်ဖးဒိၣ်တခိၣ်လၢ အအိၣ်ပှဲၤဒီးကၠိဖိအဂၤ ဃုဆံန့ၣ် တၢ်ပၢၤက့ၤအီၤတန့ၢ်လၢၤဘၣ်. တကီၢ်ခါန့ၣ် ပှၤဃိးတီၤကၠိဖိ ဒ့လိ(န) ရံး (Dillon Reeves) ဟးထီၣ်ဝဲလၢ အခးဆ့ၣ်နီၤ, ဒီးဃ့ၢ်သဖှိဝဲဆူ ပှၤနီၣ်သိလ့ၣ်အလီၢ်, ဒီးယီၢ်လီၤဝဲဒၣ် ဘရ့း (brake), တချုးသိလ့ၣ်ဘၣ်ဒိဘၣ်ထံးဝဲ အကတီၢ်ဖိန့ၣ်လီၤ. ပှၤမၤလိတၢ်ဖိအါဂၤ အတၢ်မၤအါဝဲလၢ တၢ်ကွဲးလံာ်ဆှၢလံာ် မ့တမ့ၢ် လိာ်ကွဲလၢ အကစၢ်ဒၣ်ဝဲ အကွဲၤဒီနၢ်အကတီၢ်, ဒ့လိ(န)- ပှၤလၢအကွဲၤဒီနၢ်တအိၣ်တဂၤ- မ့ၢ်လၢအထံၣ်စိဝဲတၢ်မၤအသး ဘၣ်ဆၢဘၣ်ကတီၢ်အဃိ, ဒီးမၤဆၢဝဲဒၣ်န့ၣ်လီၤ. ပှၤနီၣ်သိလ့ၣ် မၤဝဲဒၣ်န့ၣ် မ့ၢ်လၢ ဒ့လိ(န) ထံၣ်ဝဲဒၣ် အါဘျီလံအဃိ, ကဘၣ်ယီၢ်လီၤ ဘရံး ကယီၤကယီၤဖိန့ၣ် သ့ၣ်ညါဝဲဒၣ်န့ၣ်လီၤ. ဒ်သိးပှၤအိၣ်လၢ သိလ့ၣ်အပူၤခဲလၢာ်အသးသမူ ကပူၤဖျဲးဝဲအဂီၢ်, ဒ့လိ(န) အတၢ်အိၣ်ကတီၤ ပလီၢ်သူၣ်ပလီၢ်သး, ဒီးတမ့ၢ်လၢ တၢ်ဆိကမိၣ်မၤဒံဝ့ၤဒံဝီၤအသးန့ၣ် ကဲထီၣ်ဝဲဒၣ်တၢ်မၤစၢၤန့ၣ်လီၤ. ပၣ်ဃုာ်ဒီး ပှၤနီၣ်သိလ့ၣ် လၢအတၢ်အိၣ်ဆူၣ်အိၣ်ချ့ ဂ့ၤထီၣ်ကဒါက့ၤတဂၤန့ၣ်လီၤ.
ဖဲ စီၤမိၤရှ့…
