တချုးလၢ တၢ်စူးကါ တၢ်ဘၣ်ထွဲ တုၤအိၣ်လိာ်သးပိးလီ စိ(မ) (zoom) တဘျုးနံၣ်န့ၣ်, ယတံၤသကိးတဂၤ တဲယၤလၢ ယကဘၣ်ဆဲးကျိးအီၤ, ဒီးစံးကတိၤသကိး တၢ်တိာ်ကျဲၤတမံၤ ခီဖျိလၢ ဘံၣ်ဒံၢ်ယိၣ် အတၢ်ကိးန့ၣ်လီၤ. ခီဖျိလၢယကွဲးဆှၢက့ၤ လီလံာ်ပရၢအပူၤ,ဖျါလၢ ယသးဘၣ်တံာ်တာ်ဝဲန့ၣ် အဝဲသ့ၣ်ညါအဃိ, ဒ်သိးယကသ့ၣ်ညါစူးကါ ဘံၣ်ဒံၢ်ယိၣ် အတၢ်ကိးဒ်လဲၣ်န့ၣ် ဟံၣ်ကူၣ်ယၤလၢ ယကဃုထံၣ် သးစၢ်မုၣ်/ခွါတဂၤဂၤ ကမၤစၢၤယၤအဂီၢ်န့ၣ်လီၤ.

အဝဲအတၢ်ဟ့ၣ်ကူၣ် နဲၣ်ဖျါထီၣ်ဝဲ ပှၤတစိၤဒီးတစိၤ အတၢ်ရ့လိာ်ဘၣ်ထွဲလိာ်သးကဒဲကဒဲအလုၢ်အပှ့ၤန့ၣ်လီၤ. တၢ်အံၤ မ့ၢ်တၢ်လၢ ပမၤလိန့ၢ်အီၤ လၢနီၢ်ရူၤသးဒီးနီၢ်နၤဧမံၤအပူပူၤန့ၣ်လီၤ. နီၤရူၤသးတဂၤန့ၣ် ဘၣ်တၢ်မၤလၤကပီၤအီၤတလီၢ်လီၢ်, ဒီး ရူၤ ၁:၁၆-၁၇ ပာ်ဖျါဝဲ ဒ်အမ့ၢ် ဒဲၣ်မုၣ်လၢအသူၣ်တီၤသးရၤတဂၤ, ဆၢတဲာ်ဝဲလၢ ကပာ်တ့ၢ်ကွံာ် အထံအကီၢ်, ဒီးကလူၤပိာ် အမံၤပှၢ်အခံ လၢတၢ်က့ၤကဒါက့ၤဆူ ဘ့ၤသလ့ဃ့ၣ်န့ၣ်လီၤ. ဖဲအဝဲသ့ၣ်က့ၤတုၤ ဆူဘ့ၤသလ့ဃ့ၣ်အဝ့ၢ်န့ၣ်ဒီး, ရူၤ ၂:၂ စံးဘၣ်ပှၤ, ပိာ်မုၣ်သးစၢ်န့ၣ် စံးဘၣ်နီၢ်နၤဧမံၤလၢ “ဒုးလဲၤယၤဆူစံာ်ပူၤ, ဒီးထၢထီၣ်ဘုအစဲၤတဖၣ်လၢအလီၤတဲာ် (လၢပဂီၢ်)” န့ၣ်လီၤ. အဝဲမၤစၢၤ ပိာ်မုၣ်သးပှၢ်, လၢအမၤစၢၤ ပိာ်မုၣ်သးစၢ် ကဆီဟံၣ်ဆီဃီဘၣ်ဒီး စီၤဘိၤဧးန့ၣ်လီၤ. ရူၤ ၉:၉-၁၀ ပာ်ဖျါဝဲလၢ နီၤနၤဧမံ အတၢ်ဟ့ၣ်ကူၣ် နီၢ်ရူၤသးအံၤ ဒ်သိး စီၤဘိၤဧး ကပှ့ၤက့ၤ အမံၤပှၢ်ပိာ်ခွါလၢအသံတဂၤ အစုလီၢ်ခီၣ်ခိၣ်, ဒီးကဟံးန့ၢ် နီၢ်ရူၤသး ဒ်အမါအသိးန့ၣ်လီၤ.

ပှၤလၢအဟ့ၣ်ခီဟ့ၣ်နီၤ အတၢ်ကူၣ်သ့ကူၣ်ဘၣ် ဆူစၢၤသွဲၣ်သီသးစၢ်တဖၣ်န့ၣ် အလီၢ်အိၣ်လၢပကဘၣ်ပာ်ဒိၣ်ပာ်ကဲအဝဲသ့ၣ်နီၢ်နီၢ်န့ၣ်လီၤ. ဘၣ်ဆၣ်, ပှၤသးပှၢ်ဒီး ပှၤသးစၢ်ခံကပၤလိာ် တၢ်ဟ့ၣ်ခီလဲလိာ်သးကဒဲကဒဲသ့ဝဲဒၣ်န့ၣ် နီၢ်ရူၤသးဒီးနီၢ်နၤဧမံ ဒုးသ့ၣ်နီၣ်ထီၣ်ပှၤန့ၣ်လီၤ. တၢ်လၢပကဘၣ်မၤလိန့ၢ်တၢ်လၢ ပှၤသးစၢ်အအိၣ်, ကအိၣ်ဝဲအသိး, ပကမၤလိန့ၢ်တၢ် လၢပှၤသးပှၢ်တဖၣ်အအိၣ်စ့ၢ်ကီး အိၣ်ဝဲဒၣ်န့ၣ်လီၤ. ပှၤသးစၢ်အအိၣ်န့ၣ်လီၤ. မ်ပကဃုထံၣ်, ဒီးဒုးအိၣ်ထီၣ် ပှၤတစိၤဒီးတစိၤ အတၢ်ရ့လိာ်ဘၣ်ထွဲလိာ်သးကဒဲကဒဲလၢတၢ်အဲၣ်တၢ်ကွံ, ဒီးလၢတၢ်သူၣ်တီသးရၤအပူၤန့ၣ်တက့ၢ်. တၢ်အံၤ ကကဲထီၣ် တၢ်ဆိၣ်ဂ့ၤလၢပဂီၢ်, ဒီးပှၤဂုၤပှၤဂၤအဂီၢ်, ဒီးကမၤစၢၤပှၤ ဒ်သိးပကမၤလိန့ၢ် တၢ်တမံၤမံၤလၢ ပတသ့ၣ်ညါန့ၣ်လီၤ.