‘ဖိၣ်ဘံယၤ’ စံးတၢ်န့ၣ်, ‘တၢ်ပျံၤတၢ်ဖုးလၢအတအိၣ်ဒီးတၢ်ဆိကမိၣ်ထံ’ တၢ်, လၢတၢ်ဂ့ၢ် လီၤတံၢ်လီၤဆဲးတမံၤမံၤ မ့တမ့ၢ် တၢ်အိၣ်သးတဖၣ်အဖီခိၣ်န့ၣ်လီၤ. အရၣ်နိၣ် ဖိၣ်ဘံယၤ (Arachno-phobia) န့ၣ် မ့ၢ်တၢ်ပျံၤကပီၤဖိတဖၣ် (ပှၤတနီၤ ကဂ့ၢ်လိာ်ဝဲလၢ တၢ်အံၤမ့ၢ် တၢ်ဂ့ၢ်လီၤတံၢ်လၢအကြၢးပျံၤတၢ်) န့ၣ်လီၤ. ဝံၤတၢ်အဂၤပှၤကိးလၢ ကလိၣ်ဘိၣ် ဖိၣ်ဘံယၤ (Globophobia) လၢအမ့ၢ် တၢ်ပျံၤကလံၤဖျၢၣ်ယူၤ, ဒီး စိၣ်ကိၣ်လၣ်ထိၣ် ဖိၣ်ဘံယၤ (xocolatophobia) လၢအမ့ၢ် တၢ်ပျံၤခၠီးကလဲးတဖၣ် အိၣ်ဒံးဝဲန့ၣ်လီၤ. တၢ်သ့ၣ်တဖၣ်အံၤ, ဒီးတၢ်ပျံၤတၢ်ဖုးအဂုၤအဂၤ လွံၢ်ကယၤန့ၣ် မ့ၢ်တၢ်နီၢ်နီၢ်, ဒီးဘၣ်တၢ်ကွဲးနီၣ်ကွဲးဃါပာ် န့ၣ်လီၤ. ဖျါလၢအါတက့ၢ်န့ၣ်, ပကဘၣ်ပျံၤတၢ်တမံၤမံၤန့ၣ်လီၤ.
လံာ်စီဆှံစံးဘၣ်ပှၤ, ဖဲလၢပှၤအံၣ်စရ့လးဖိတဖၣ် ဒိးန့ၢ်တၢ်မၤလိာ် အထံၣ်တဆံဝံၤန့ၣ်ဒီး, ပျံၤတၢ်အဂ့ၢ်န့ၣ် ၂ မိၤ ၂၀:၁၈-၁၉ ပာ်ဖျါဝဲ “ထံၣ်ဘၣ်လီသီၣ် ဒီးလီဝၢ်အဒံး ဒီးကွဲၤအသီၣ်… (ပျံၤတၢ်လၢ) ကသံဘၣ်ဖုးလီၤ” န့ၣ်လီၤ. စီၤမိၤရှ့ မၤမုာ်ထီၣ်ပှၤဂီၢ်မုၢ်, ဒီးအဆၢဖိ ၂၀ န့ၣ် တၢ်လၢအလီၤသးစဲကတၢၢ်န့ၣ် စံးကတိၤလီၤဝဲလၢ “ပျံၤတၢ်တဂ့ၤ, အဂ့ၢ်ဒ်အံၤ, ယွၤဟဲမၤကွၢ်သု, ဒ်သိးတၢ်ပျံၤအီၤ ကအိၣ်လၢသုမဲာ်ညါ, လၢသုသုတမၤကမၣ်တၢ်တဂ့ၤလီၤ” န့ၣ်လီၤ. စီၤမိၤရှ့ အနီၢ်ကစၢ်ဒၣ်ဝဲအတၢ်ကတိၤ, “ပျံၤတၢ်တဂ့ၤ ဘၣ်ဆၣ်, ပျံၤတၢ်တက့ၢ်” န့ၣ် ဖျါလၢတလီၤပလိာ်လိာ်အသးဘၣ်န့ၣ်လီၤ, နီၢ်နီၢ်န့ၣ်ဒီး, ဧ့ၤဘြံၤ တၢ်ကတိၤအဖျၢၣ် “တၢ်ပျံၤတၢ်ဖုးတၢ်” အံၤအစှၤကတၢၢ်န့ၣ် အခီပညီအိၣ်ဝဲ ခံမံၤ – ပျံၤတၢ်ဖုးတၢ်ကနိးကစုာ်လၢ တၢ်ဂ့ၢ်တမံၤမံၤ မ့တမ့ၢ် တၢ်ပျံၤယွၤလၢတၢ်ယူးယီၣ်ပာ်ဒိၣ်အီၤအပူၤန့ၣ်လီၤ.
ဖဲပသ့ၣ်ညါဘၣ်လၢ ကလိၣ်ဘိၣ်ဖိၣ်ဘံယၤ မ့ၢ်တၢ်ပျံၤဖုး ကလံၤဖျၢၣ်ယူၤတဖၣ်, ဒီးစိၣ်ကိၣ်လၣ်တၣ် ဖိၣ်ဘံယၤ မ့ၢ်တၢ်ပျံၤ ခၠီးကလဲးတမံၤန့ၣ်ဒီး, တၢ်နံၤကထီၣ်ပှၤ န့ၣ်လီၤ. တၢ်လၢအနးဒိၣ်အါထီၣ်ဝဲတမံၤ, ဘၣ်ထွဲဒီး ဖိၣ်ဘံယၤ-တၢ်ပျံၤတၢ်ဖုးန့ၣ် မ့ၢ်ဝဲ ပကဘၣ်ပျံၤတၢ်ကိးမံၤဒဲးန့ၣ်လီၤ. တၢ်ပျံၤတၢ်ဖုး ဟဲစွါနုာ်လီၤသ့ဝဲဒၣ်ဆူပတၢ်အိၣ်မူ အပူၤ ဒ်ကပီၤဖိအသိး, ဒီးဟီၣ်ခိၣ်အံၤကဲထီၣ် တၢ်လီၤပျံၤလီၤဖုး အလီၢ်တတီၤသ့ဝဲဒၣ်န့ၣ်လီၤ. ဖဲပဘၣ် ဂဲၤပျုၢ်ဂဲၤဆှးဒီးဖိၣ်ဘံယၤတဖၣ်, ဒီးတၢ်ပျံၤတၢ်ဖုးတဖၣ်န့ၣ်ဒီး, တၢ်ကဒုးသ့ၣ်နီၣ်ထီၣ်က့ၤပှၤလၢ ပကစၢ်ယွၤမ့ၢ်ပှၤလၢအလီၤကမၢကမၣ်, ဟ့ၣ်လီၤဝဲအတၢ်အိၣ်ဒီးပှၤလၢအမၤမုာ်ထီၣ်က့ၤပှၤ လၢတၢ်ခံးယိာ်အကတီၢ်အပူၤန့ၣ်လီၤ.
