ဘူးထီၣ်လၢ နံၣ်ကယၤ ခံဆံကထီၣ်အဆၢ, မ့ၣ်ရံၣ်မဲးဒိၣ်ဝၢၣ် (Mary McDowell) အိၣ်ဆိး ဖဲတၢ်လီၢ် လၢအလီၤဆီလိာ်သးလၢာ်လၢာ်ဆ့ဆ့ဒီး ကရၢၢ်လၢပှၤပာ်ဆၣ်ဖိကီၢ်ဖိ လၢပှၤကဆါအီၤ, ဖဲဝ့ၢ်ခၠံၣ်ကၣ်ကိၢ်(Chicago)လီၤ. အဟံၣ်အိၣ်ယံၤဒီးကရၢၢ်ဝဲန့ၣ် မံးလာ်ခံဆံဧိၤ ဘၣ်ဆၣ်, ပှၤမၤတၢ်ဖိ ဖဲဆၣ်ဖိကီၢ်ဖိအကရၢၢ်တဖၣ် အတၢ်အိၣ်သးမၤသးလၢအလီၤပျံၤလီၤဖုးန့ၣ် အဝဲသ့ၣ်ညါ ထဲတစဲးဖိလီၤ. တၢ်အိၣ်သးမၤသးအံၤမၤဆူၣ်ထီၣ် ဆၣ်ဖိကီၢ်ဖိကရၢၢ် အပှၤမၤတၢ်ဖိတဖၣ် ဒ်သိးကပၢၢ်ဆၢတၢ်အဂီၢ်လီၤ. ဖဲအဝဲ သ့ၣ်ညါက့ၤ တၢ်ကီတၢ်ခဲလၢ ပှၤမၤတၢ်ဖိ ဒီးအဟံၣ်ဖိဃီဖိတဖၣ် ကွၢ်ဆၢၣ်မဲာ်ဘၣ်န့ၣ်, မဲးဒီၢ်ဝၢၣ် (McDowell) လဲၤအိၣ်ဆိးလၢ အဝဲသ့ၣ်အသိးအကျါ- ကတိၤစၢၤမၤစၢၤ ဒ်သိးတၢ်ဂ့ၤ ကအိၣ်ထီၣ် က့ၤ လၢအဝဲသ့ၣ်အဂီၢ်လီၤ. အဝဲမၤန့ၢ် ပှၤမၤတၢ်ဖိအတၢ်လိၣ်တဖၣ်, ပၣ်ဃုာ် တၢ်သိၣ်လိန့ၢ် ဖိသၣ်တဖၣ် လၢကၠိတဖျၢၣ်အပူၤ လၢအအိၣ်လၢ ကျးဆံးဆံးဖိတဖျၢၣ် အလီၢ်ခံ န့ၣ်လီၤ.

တၢ်ဆၢထၢၣ်န့ၢ်လၢ ပှၤဂၤအတၢ်ဂ့ၤအဂီၢ်, မ့ၢ်တဘၣ်ထွဲကဲဘျုး လိၤလိၤဒၣ်ကယၢာ် – မ့ၢ်တၢ်တမံၤလၢ နီၢ်အ့ၤစတၢ် မၤဝဲစ့ၢ်ကီးလီၤ. နီၢ်အ့ၤစတၢ်န့ၣ် မ့ၢ် ပၤရၣ် အနီၢ်ပၤမုၣ် (အ့စတၢ် ၂:၁၇), ဒီးအိၣ်ဒီး တၢ်ဘၣ်ဘျုးလီၤဆီန့ၢ် အပှၤအံၣ်စရ့လးဖိလၢ အလီၤပြံလီၤပြါ ဖဲကီၢ်ပၤရၣ်ဒီဘ့ၣ် ဒ်တၢ်ဘၣ်စိာ်မၢကဲကုၢ်အသိးလီၤ. ဘၣ်ဆၣ်, နီၢ်အ့ၤစတၢ် နုာ်လီၤ မၤတၢ် ဖဲတၢ်ဂ့ၢ်အိၣ်ထီၣ်လၢ ပှၤအံၣ်စရ့လးဖိတဖၣ် လၢကီၢ်ပၤရၣ် ဒီးဘျုးလီၤ အတၢ်အိၣ်မူလၢအဝဲသ့ၣ်အဂီၢ်, စံးဝဲ “ယကလဲၤ နုာ်ဆူ စီၤပၤအအိၣ်လၢ အတဒ်သိးဘၣ် တၢ်မၤလိာ်အသိးဘၣ်, ဒီးယမ့ၢ် ဟးဂီၤဒီး, ယကဟးဂီၤလီၤ” (၄:၁၆). အဝဲကြၢးအိၣ်ဒၣ်ဘှ့ၣ်ဘှ့ၣ်ဘှီၣ်ဘှီၣ်, မ့ၢ်လၢအဝၤ, စီၤပၤ, တသ့ၣ်ညါလၢ အမ့ၢ် ပှၤအံၣ်စရ့လးဖိဘၣ်အဃိလီၤ (၂:၁၀). ဘၣ်ဆၣ်, ဃုထၢဝဲ ဒ်သိးအတလဲၤကပာ် ကွၢ်ကပာ် အဒူၣ်ဖိထၢဖိ အတၢ်သကွံၢ်ကညး ဃ့တၢ်မၤစၢၤန့ၣ်လီၤ. အဝဲမၤတၢ်ဒူဒူ ဒ်သိး ကပာ်ဖျါထီၣ် တၢ်ကူၣ်အအၢအသီ လၢတၢ်ကမၤဟးဂီၤ ပှၤအံၣ်စရ့လးဖိတဖၣ်လီၤ.

ဒ်မ့ၣ်ရံၣ် မဲးဒိၢ်ဝၢၣ် (မ့) နီၢ်ပၤမုၣ် အ့ၤစတၢ် အသိး တမ့ၢ် ပဟံးထီၣ်ဖီၣ်ထီၣ် တၢ်ဂ့ၢ်ဖးဒိၣ်ကန့ၢ်ဘၣ်, ဘၣ်ဆၣ် မ်ပကဃုထၢထံၣ် ပှၤဂၤအတၢ်လိၣ် ဒီးဆိးကါတၢ်လၢ ကစၢ်ယွၤဟ့ၣ်တဖၣ် ဒ်သိး ကမၤစၢၤအဝဲသ့ၣ်လီၤ.