ဖဲယနီၢ်ဆံးယအိၣ်ဆိးလၢ ပှၤဘူၣ်ဆၣ်ဖိကီၢ်ဖိအကျီး လၢကီၣ်စဲၣ် ထဲနဲးစံၣ် (Tennessee) အဆၢကတီၢ် ယမၤလၢၢ် မုၢ်ဃ့ၢ်လီၤဃံလၤဟါအကတီၢ် လၢတၢ်ဟးဝ့ၤဝီၤ ဒီးယတံၤသကိးအဂ့ၤကတၢၢ်တဂၤန့ၣ်လီၤ. သ့ၣ်ပှၢ်တဖၣ်အပူၤ ပဟးလၢပခီၣ်, ပဒိးကသ့ၣ်ယီၤဖိသ့ၣ်တဖၣ်, လဲၤဟးကွၢ်ကီ ပှၤဒိးလိာ်ကွဲ ကသ့ၣ်, ဒီးကျီၢ် (Rodeo) တၢ်မၤမူးပွဲအလီၢ်, ဒီးပလဲၤနုာ်လီၤခူသူၣ် ဒီးကွၢ်ကီ ပှၤကွၢ်ကျီၢ်,ပနၢ်တဖၣ် သိၣ်လိဝဲ ကသ့ၣ်တဖၣ် လၢတၢ်သူၣ်ထီၣ်ဖးဒိၣ်အပူၤန့ၣ်လီၤ. ဘၣ်ဆၣ်တဘျီလၢ်လၢ် ဖဲယနၢ်ဟူယပၢ်ညိၣ်ကလံၤ န့ၣ်ဒီး, ယဆိကတီၢ်, ဒီးပၢ်လီၤတဲၢ်တ့ၢ် တၢ်မၤလၢယမၤ တခါဂ့ၤတခါဂ့ၤ, ဒီးက့ၤဆူဟံၣ်လိၤလိၤန့ၣ်လီၤ. တၢ်သီၣ်အပနီၣ်အံၤ ကမၣ်တသ့ဘၣ်. ဒီးယသ့ၣ်ညါလၢ ယပၢ်ကိးယၤလံန့ၣ်လီၤ. နံၣ်လၢအဆံတဖၣ် လဲၤပူၤကွံာ်ဝဲဘၣ်ဆၣ်, ယမးနီၣ်သ့ၣ်ညါဒံး တၢ်သီၣ်ကလုၢ်အံၤန့ၣ်လီၤ.
ကစၢ်ယ့ၣ်ရှူးတဲတ့ၢ်အပျဲၢ်အဘီၣ်တဖၣ်လၢ အဝဲမ့ၢ် ပှၤကွၢ်သိ, ဒီးပှၤအပိာ်အခံတဖၣ် မ့ၢ်သိတဖၣ် န့ၣ်လီၤ. ယိၤ ၁၀:၃ အပူၤ ကစၢ်ယ့ၣ်ရှူးစံးဝဲ “ဒီးအသိသ့ၣ်တဖၣ်န့ၣ် ကနၢ်အကလုၢ်,” “ဒီးကိးထီၣ် အဆိဒၣ်ဝဲလၢ အမံၤ, ဒီးဟးထီၣ်ယုၤအီၤလီၤ”. ဖဲခိၣ်နၣ်, ဒီးသရၣ်သမါအါဂၤ စံးကတိၤပာ်ဖျါတၢ်ဒူဒူ ဘၣ်ထွဲဒီး အဝဲသ့ၣ် အစိကမီၤ ဒ်ကျိၤကျဲတမံၤလၢကမၤသဘံၣ်ဘုၣ် ကစၢ်ခရံာ်အပျဲၢ်အဘီၣ်တဖၣ် အဆၢကတီၢ်, ကစၢ်ယ့ၣ်ရှူးဘိးဘၣ်သ့ၣ်ညါဝဲ လၢအကလုၢ်လၢအပှဲၤဒီး တၢ်အဲၣ်တၢ်ကွံန့ၣ်, ကဘၣ်တၢ်နၢ်ဟူအီၤ ဖျိဖျိဖျါဖျါသ့, လီၤဆီန့ၢ် တၢ်ကလုၢ်အဂၤတဖၣ်လီၤန့ၣ်, အဆၢဖိ ၄ အပူၤ စံးဝဲ “လဲၤဝဲလၢညါ, ဒီးသိန့ၣ်ပိာ်ထီၣ်အခံလီၤ. အဂ့ၢ်ဒ်အံၤ, သ့ၣ်ညါအကလုၢ်လီၤ” န့ၣ်လီၤ.
မ့ၢ်လၢ တၢ်မ့ၢ်တၢ်တီအဂ့ၢ်မိၢ်ပှၢ် အိၣ်ဒံးဝဲလၢ ပှၤကွၢ်သိ ကတိၤလီၤတၢ်ဆှဲဆှဲပျီပျီ, ဒီးအသိတဖၣ် နၢ်ဟူအကလုၢ်အဃိ, ဖဲလၢပဒိကနၣ် ကစၢ်ယ့ၣ်ရှူးအကလုၢ်, ဒီးပသုတလဲၤပူၤကွံာ် အကလုၢ်အဂီၢ်န့ၣ် မ်ပကပလီၢ်သူၣ်ပလီၢ်သးတက့ၢ်. ဘၣ်သ့ၣ်သ့ၣ် ခီဖျိလံာ်စီဆှံတဆၢ, ပှၤစူၢ်က့ၤနာ်က့ၤတၢ်တံၤသကိး တဂၤအတၢ်ကတိၤ, မ့ၢ်ဂ့ၤ သးစီဆှံအတၢ်ဆီၣ်သနၢၣ်တဖၣ်အဃိ, ကစၢ်ယ့ၣ်ရှူး ကကတိၤလီၤတၢ်, ဒီးပကနၢ်ဟူတၢ်န့ၣ်လီၤ.
