ကစၢ်ယွၤတမၤစၢၤ ပှၤလၢအမၤစၢၤလီၤက့ၤအသးဘၣ်, ယွၤမၤစၢၤပှၤလၢအစူၢ်အီၤနာ်အီၤ,ဒီးသန့ၤအသးလၢ အီၤတဖၣ်န့ၣ်လီၤ. ဒီးသန့ၤအသးလၢ အီၤတဖၣ်န့ၣ်လီၤန့ၣ်, ကၠီနသၣ် ရူမံၣ် (Jonathan Roumie) သ့ၣ်ညါနၢ်ပၢၢ်ဝဲ ဖဲလါမ့ၤ ၂၀၂၈ နံၣ် န့ၣ်လီၤ. အဝဲမ့ၢ်ခွါဂဲၤဒိတဂၤ,- လၢအဒိကစၢ်ယ့ၣ်ရှူး အသးသမူအဂ့ၢ် လၢကွဲၤထံၣ်ဟူ, ဒီးအခိၣ်တီမ့ၢ် “တၢ်ဃုထၢ” လၢအဘၣ်တၢ်သန့ၤအီၤလၢ လံာ်တၢ်သးခုကစီၣ်တဖၣ်န့ၣ်လီၤ. ရူမံၣ်အိၣ်ဆိးလၢ လီး(စ)အဲကၠၢလံး(စ) (Los Angeles) န့ၣ် ယံာ်ဝဲဃိးနံၣ်, ဒီးဘူးတ့ၢ်မးလၢ အကျိၣ်စ့ကလၢာ်စီကွံာ်, တၢ်အီၣ်အိၣ်တ့ၢ်ဒၣ်ထဲတသီအဂီၢ်, တၢ်ဖံးတၢ်မၤစ့ၢ်ကီးတအိၣ်ဘၣ်. ကဘၣ်မၤတၢ်မနုၤလဲၣ်န့ၣ် တသ့ၣ်ညါလၢၤဘၣ်အဃိ, ရူမံၣ် ဂၢ်လီၤအသး, ဒီးဟ့ၣ်လီၤအးလီၤ အတၢ်လုၢ်အီၣ်သးသမူအတၢ်မၤဆူ ကစၢ်ယွၤအစုပူၤန့ၣ်လီၤ. ယဃ့ထုကဖၣ်သပှၢ်ပှၢ် လၢတၢ်ကတိၤ “ယဟ့ၣ်လီၤအးလီၤယသး လၢနစုပူၤ န့ၣ်လီၤ.” လၢခံတၢ်မၤအသး ပိာ်ထွဲထီၣ်အခံလၢ မုၢ်နံၤအဝဲန့ၣ်, အဝဲထံၣ် ခၠဲး (checks) အလံာ်ကဘျံးဖိလွံၢ်ဘ့ၣ် လၢလံာ်ပရၢတလါအပူၤ ဒီးတၢ်ဆၢကတီၢ်လဲၤပူၤကွံာ်သၢလါန့ၣ်, အဝဲဘၣ်တၢ်ဃုထၢထီၣ်အီၤလၢ ကဒိတၢ်ဂီၤမူ လၢကစၢ်ယ့ၣ်ရှူး အလီၢ် လၢ “တၢ်ဃုထၢ” တၢ်ဂီၤမူအပူၤန့ၣ်လီၤ. ရူၤမံၣ် သ့ၣ်ညါနၢ်ပၢၢ်ဝဲဒၣ်လၢ ကစၢ်ယွၤမၤစၢၤ ပှၤလၢအသန့ၤအသးလၢအီၤန့ၣ်လီၤ.

စံး ၃၇:၁ အပူၤ လၢတၢ်သူၣ်ဟ့သးဟ့, ဒီးသူၣ်ဒိၣ်သးဖျိး “ပှၤအၢဖိ” အလီၢ်န့ၣ်, ပှၤကွဲးထါကွဲမုာ်ပှၤ လၢပကဟ့ၣ်လီၤအးလီၤသးလၢာ်လၢာ်ဆ့ဆ့ ဆူကစၢ်ယွၤအစုပူၤန့ၣ်လီၤ. ကိးမုၢ်နံၤဒဲး ကစၢ်ယွၤ မ့မ့ၢ် တၢ်အခၢၣ်သးလၢ ပတၢ်ဖံးတၢ်မၤတဖၣ်အပူၤန့ၣ်ဒီး, အဆၢဖိ ၃-၄ စံးဘၣ်ပှၤ “သတံၢ်သန့ၤနသးလၢယွၤ ဒီးမၤဂ့ၤတၢ်” “မုာ်လၤစ့ၢ်ကီးတၢ်လၢယွၤအပူၤတက့ၢ်” န့ၣ်လီၤ. ဒီးဟ့ၣ်လီၤအးလီၤ ကယဲၢ်ပဆၢမိၣ်န့ၢ် သးလီၤတၢ်တဖၣ်, ပတၢ်ဂ့ၢ်ကီ, ပတၢ်ဘၣ်ယိၣ်ဘၣ်ဘီ, ဒီးတၢ်မၤအသးကိးမုၢ်နံၤ လၢပတၢ်အိၣ်မူအပူၤ တဖၣ်န့ၣ်ဒီး, အဆၢဖိ ၅-၆ စံးဘၣ်ပှၤ ယွၤကနဲၣ်ဆှၢပကျဲ, ဒီးကဟ့ၣ်ပှၤ သးအတၢ်ဃူတၢ်ဖိးန့ၣ်လီၤ. ဒ်ပမ့ၢ်ပှၤစူၢ်က့ၤနာ်က့ၤကစၢ်ယ့ၣ်ရှူးခရံာ်တဖၣ်အဂီၢ်, တၢ်အံၤမ့ၢ်တၢ်အကါဒိၣ်ကတၢၢ်, လၢပကပျဲ ကစၢ်ယွၤဆၢတဲာ် ပတၢ်အိၣ်မူ ကဘၣ်မ့ၢ်တၢ်ဒ်လဲၣ်အဂီၢ်န့ၣ်လီၤ.
မ်ပကဟ့ၣ်လီၤအးလီၤပသး, ဒီးသတံၢ်သန့ၤပသးလၢ ကစၢ်ယွၤန့ၣ်တက့ၢ်. ပမ့ၢ်မၤဒ်သိးအံၤန့ၣ်ဒီး, ကစၢ်ယွၤကမၤတၢ်လၢအလိၣ်နီၢ်နီၢ်, ဒီးအဂ့ၤကတၢၢ် လၢပဂီၢ်န့ၣ်လီၤ.