တၢ်ပျိာ်လဲစဲၣ်နီၤတဂၤ မူဝဲလၢ အ့ၣ်ဒိၢ်နံၡါ (Indonesia) အပီၣ်လဲၣ်ထံကျါဒီး လၢ Great Barrier Reef လၢၢ်တူၢ်ရဲၣ်အပူၤလီၤ. တၢ်မၤဒိးတၢ်ပဝဲၢ် (ပီၣ်လဲၣ်တၢ်ဖိတၢ်လံၤတကလုာ်လၢ အစုအခီၣ်အိၣ်ဃိးဘိ) အံၤႇ ဒ်ပဝဲၢ်ဂုၤဂၤတဖၣ်အသိး ဆီတလဲအဖံးအန့ဆၢၣ်အလွဲၢ်လၢ ကအိၣ်ဃူဃိာ်လီၤပလိာ်ဒီး အဃၣ်အဃၢၤအဂီၢ်လီၤ. တၢ်ဘၣ်တ့သးဆးတကလုာ်အံၤ ဆီတလဲစ့ၢ်ကီးအက့ၢ်ဂီၤႇ အတၢ်ဟူးဂဲၤကျိၤကျဲဒီး အတၢ်အိၣ်မူကျိၤကျဲ, ဖဲဘၣ်တၢ်မၤပျံၤလၢ တၢ်မၤဒိးတၢ်ညၣ်အစုၣ်အၢတကလုာ် (lionfish) ဒီးပီၣ်လဲၣ်ဂုၢ်လၢအလီၤပျံၤတဖၣ်လီၤ.

တမ့ၢ်ဒ်တၢ်မၤဒိး တၢ်ပဝဲၢ်ဘၣ်, ၦၤစူၢ်က့ၤနာ်က့ၤယ့ၣ်ရှူးတဖၣ် ကြၢးလၢကအိၣ်မူဖျါလၢ အဃၣ်အဃၢၤ ဖဲဟီၣ်ခိၣ်အံၤလီၤ. ဘၣ်သ့ၣ်သ့ၣ် ပကပျံၤတၢ်, မ့ၢ်လၢ ၦၤလၢ အသးတလီၤပလိာ်ဒီးၦၤတဖၣ်အဃိဒီး ပဘၣ်တၢ်လ့ပစီၦၤ ဒ်သိးပကအိၣ်လီၤပလိာ်ဒီး ၦၤအအံၤတဃၣ်တဖၣ်, သတးဒီးၦၤတသ့ၣ်ညါၦၤ ဒ်ယ့ၣ်ရှူးအခ့အၦၤတဖၣ်လၢၤဘၣ် အဂီၢ်လီၤ. ၦၤတၢ်မၢဖိစီၤပီလူး မၢၦၤလၢ ပကလုၢ်ထီၣ်ပနီၢ်ခိတဖၣ် ဒ် “တၢ်လုၢ်မူစီဆှံ တၢ်ဘၣ်ယွၤအသး” (ရိမ့ၤ ၁၂:၁), ဒီးကဲထီၣ် ယ့ၣ်ရှူး အခၢၣ်စးတဖၣ်လၢ ပတၢ်အိၣ်မူကိးကပၤဒဲးန့ၣ်လီၤ.

တံၤသကိး မ့တမ့ၢ် ဟံၣ်ဖိဃီဖိတဖၣ် ကကျဲးစၢးမၢဆူၣ်ၦၤသ့ၣ်သ့ၣ် ဒ်သိး ပကအိၣ်မူမၤလီၤပလိာ်သးဒီး ဟီၣ်ခိၣ်အတၢ်အိၣ်မူကျိၤကျဲလီၤ (:၂). ဘၣ်ဆၣ် ပပာ်ဖျါထီၣ် ၦၤလၢပမၤအတၢ် ခီဖျိပထိၣ်လီၤပတၢ်အိၣ်မူဒီး တၢ်လၢပစံးလၢ ပစူၢ်နာ်အီၤန့ၣ် ဒ်ယွၤအဖိတဖၣ်အသိးသ့ဝဲလီၤ. ဖဲပစူၢ်ယွၤကလုၢ်ကထါဒီး အိၣ်မူပာ်ဖျါထီၣ်ကဒါက့ၤ ယွၤအက့ၢ်ဂီၤလၢအလီၤအဲၣ်ဒီး ပတၢ်အိၣ်မူန့ၣ် ပာ်ဖျါထီၣ်ဝဲလၢ တၢ်စူၢ်ဒိကနၣ်အဘျုးန့ၣ် ဒိၣ်န့ၢ်ကယဲၢ်တၢ်လီၤမၢ်တဖၣ်ထီဘိလီၤ. နကမၤဒိး ယ့ၣ်ရှူး, တနံၤအံၤဒ်လဲၣ်.