ဖိသၣ်မုၣ်လိၣ်ဘိတဂၤ အမဲာ်သၣ်ဖျါလၢ တၢ်သူၣ်ဟးဂီၤသးဂီၤဒီး တၢ်မဲာ်ဆှးန့ၣ်လီၤ. အဝဲမၤန့ၢ်မၤနၢၤတ့ၢ်လံ ခိၣ်ဖးအါမးအဃိ, လၢတၢ်နုာ်လီၤပြၢ ၂၀၂၂ နံၣ်တၢ်ဂိၢ်ခါအိၣ်လၣ်ပ့း တၢ်ပြၢအဂီၢ် ကတဲာ်ကတီၤအသးဒီး ကမၤန့ၢ် ခိၣ်ဖးထူဘ့ၣ်ဘၣ်န့ၣ်လီၤတံၢ်လၢ အဂီၢ်န့ၣ်လီၤ. လၢတၢ်ဂဲၤကလံၣ်ဒီး လိာ်ကွဲစက့း (Skate) လၢထံလီၤသကၤမဲာ်ဖံးခိၣ်လိၤတကပၤန့ၣ် ပှၤကမၤနၢၤအီၤ တအိၣ်ဘၣ်အဃိန့ၣ်လီၤ. ဘၣ်ဆၣ် ဖဲလၢတၢ်သမံသမိးမၤကွၢ်အဆံၣ်ထံန့ၣ်ဒီး တၢ်အစဲဖျါလၢ အဝဲသူဝဲ ကသံၣ်ကသီလၢ အဘၣ်တၢ်တြီဃာ်န့ၣ်လီၤ. လၢအဂီၢ်တၢ်ဆီၣ်သနံးတဖၣ် အိၣ်ဟဲခီဖျိလၢ ပှၤအါဂၤအတၢ်မုၢ်လၢ်ဒိၣ်ဒိၣ်မုာ်မုာ်လၢ အလိၤ ဃုာ်ဒီး တၢ်စံးကတိၤ ပာ်ဒ့ၣ်ပာ်ကမၣ်လၢ အလိၤတဖၣ်အဃိ ဖဲ အဝဲဒိးလိာ်ကွဲပြၢစက့းဒီး ပှၤပြၢတၢ်အဂၤတဖၣ် အဆၢကတီၢ်န့ၣ် လီၤဃံၤဝဲအါဘျီဒီး တဆၢထၢၣ်ဘၣ်ဝဲလၢ ပှၤမၤနၢၤတၢ် အပျဲၢ်စီၢ်ခိၣ် လၢၤဘၣ်ဒီး တမၤန့ၢ်ခိၣ်ဖးလၢၤဘၣ်န့ၣ်လီၤ. တချုးလၢ ပှၤစံးကတိၤအၢသီအီၤ အဆၢကတီၢ် အဝဲဒုးနဲၣ်ပာ်ဖျါထီၣ် အတၢ်သ့တၢ်ဘၣ်ဒီး တၢ်ဒိးဂဲၤလိာ်ကွဲစက့း အဃံအလၤတဖၣ် ဘၣ်ဆၣ် ခီဖျိလၢ တအိၣ်မူပိာ်ထွဲတၢ်သိၣ်တၢ်ဘျၢအဃိ အတၢ်မံမီၢ်တဖၣ် ဟးဂီၤကွံာ်ဝဲဒၣ်န့ၣ်လီၤ.
ဒ်သိးပကအိၣ်မူအိၣ်ဂဲၤလၢ တၢ်သဘျ့အပူၤအဂီၢ် တၢ်ဒိကနၣ်မ့ၢ်တၢ်လၢ အကါဒိၣ်တၢ်တမံၤလီၤန့ၣ် ကစၢ်ယွၤဒုးနဲၣ်ဖျါဝဲလၢ ပှၤကညီၤတဖၣ် အတၢ်အိၣ်အသး အခီၣ်ထံးလံၤလံၤန့ၣ်လီၤ. တၢ်တဒိကနၣ်တၢ်န့ၣ်ဆှၢ စီၤအၤဒၣ်, နီၢ်အံၣ်အု ဒီး ပဝဲကိးဂၤဒဲးဆူ တၢ်အၢတၢ်သီအပူၤ ဒ်အမ့ၢ်တၢ်ဒဲးဘးဟဲစိာ်နုာ် တၢ်ဟးဂီၤ ဒီး တၢ်သံဆူ ဟီၣ်ခိၣ်ချၢအံၤအဂ့ၢ်န့ၣ် ဖျါဖဲ ၁ မိၤ ၃:၆-၁၉အပူၤန့ၣ်လီၤ. တၢ်တဘၣ်မၤအသးဒ်န့ၣ်အသိးဘၣ်. ၁ မိၤ ၂:၁၆-၁၇ အပူၤ ယွၤစံးဘၣ်စီၤအၤဒၣ် “ကယဲၢ် သ့ၣ်တထူၣ်လၢ်လၢ် လၢအအိၣ်လၢ တၤသၣ်အလီၢ်ပူၤအံၤ နအီၣ်အသၣ်သ့လီၤ. ထဲဒၣ် သ့ၣ်တထူၣ်လၢ အဟ့ၣ်တၢ်သ့ၣ်ညါ သ့နီၤဖးတၢ်ဂ့ၤ ဒီးတၢ်အၢအသၣ်န့ၣ် အီၣ်အီၤတဂ့ၤ”န့ၣ်လီၤ. မ့ၢ်လၢ အဝဲသ့ၣ် ဆိကမိၣ်လၢ အမဲာ်ကအိးထီၣ်အသးဒီး ကလီၤဂာ်ဒီးယွၤအဃိ အဝဲသ့ၣ် အီၣ်ဝဲ သ့ၣ်လၢအဘၣ်တၢ်တြီဃာ် ဒ်အမ့ၢ် “သ့ၣ်လၢအဟ့ၣ်တၢ်သ့ၣ်ညါသ့နီၤဖးတၢ်ဂ့ၤဒီးတၢ်အၢ”န့ၣ်လီၤ. ဖဲန့ၣ် တၢ်ဒဲးဘး, တၢ်မဲာ်ဆှးဒီး တၢ်သံ ဟဲပိာ်ထွဲထီၣ်အခံန့ၣ်လီၤ.
ယိၤ ၁၀:၁၀ ပာ်ဖျါဝဲလၢ, ယွၤအဘျုးအဖှိၣ်အပူၤ ကတဲာ်ကတီၤန့ၢ်ပှၤ တၢ်သဘျ့ ဒီးတၢ်ဂ့ၤတၢ်ဝါတဖၣ် အါမး လၢ ပမုာ်လၤသးခုတၢ်အဂီၢ်န့ၣ်လီၤ. လၢပတၢ်ဂ့ၤအဂီၢ် ဒီးတၢ်အဲၣ်တၢ်ကွံအပူၤ ယွၤအဲၣ်ဒိးဝဲလၢ ပကဒိကနၣ်အကလုၢ်န့ၣ်လီၤ. မ်ကစၢ်ယွၤ ကမၤစၢၤပှၤလၢ ပကဃုထၢ တၢ်ဒိကနၣ်ဒီး ဃုထံၣ်န့ၢ် တၢ်အိၣ်မူလၢ အပှဲၤဒီး တၢ်သူၣ်ခုသးခု ဒီးလၢအပူၤ ဒီးတၢ်မဲာ်ဆှးအဂီၢ်န့ၣ်တက့ၢ်.
