တၢ်မုၢ်ဖိတမုၢ်လၢဟ့ၣ်ပလီၢ် သးသမူအတၢ်ဃံတၢ်လၤ ဒီးတၢ်အိၣ်မူတစိၢ်တလီၢ် (တၢ်အိၣ်မူလၢအဖုၣ်) မဲထီၣ်ဝဲဒၣ်ဖဲ ယဟံၣ်မဲာ်ညါ တြဲၤအချၢန့ၣ်လီၤ. ဖဲအပူၤကွံာ် တၢ်ကိၢ်ထီၣ်သီအဆၢကတီၢ်န့ၣ်, ယမါသူၣ်လီၤ ဖီအမုၢ်ဖိလၢအဘံတၢ်သ့, အမံၤလၢ လါအဖီ (moonflower), မ့ၢ်လၢ အဖီသ့ၣ်တဖၣ် အိၣ်အသး ကဝီၤကျီၤဖးဒိၣ်ဒီး အလွဲၢ်ဝါဝဲဒ် လါၦဲၤအသိးန့ၣ်လီၤ. ဖီဖိတဖၣ်အံၤ ဖီထီၣ်ဝဲဒၣ်တနၤဒီး လၢခံတဂီၤန့ၣ် လီၤညွံးဝဲဒၣ် ဖဲမုၢ်ကပီၤထီၣ်အဆၢကတီၢ်န့ၣ်လီၤ. ဘၣ်ဆၣ် ဖီအမုၢ်အံၤ မဲထီၣ် အါထီၣ်ပှီၢ်ပှီၢ် ဒီးကိးမုၢ်ဟါန့ၣ် ဖီထီၣ်ဝဲဒၣ် ဂီၢ်မုၢ်ဂီၢ်ပၤန့ၣ်လီၤ. ကိးမုၢ်နံၤဒဲး ဖဲပနုာ်လီၤဟးထီၣ်လၢဟံၣ်န့ၣ် မ့ၢ်တၢ်မၤမုာ်ပသးလၢ ပခိးကွၢ်ဖီဖိတဖၣ်အံၤ, ဒီးဖဲပဟဲက့ၤဆူဟံၣ် အဆၢကတီၢ် ပဆိကမိၣ်တၢ်ဃံတၢ်လၤအသီမနုၤတဖၣ် ကသဂၢၢ်ၦၤလဲၣ်န့ၣ်လီၤ.

ဖီဖိသ့ၣ်တဖၣ် လၢအလီၤညွံးဝဲညီကဒၣ်အံၤ ဒုးသ့ၣ်နီၣ်ထီၣ်ၦၤ လံာ်စီဆှံအတၢ်မ့ၢ်တၢ်တီလၢ အကါဒိၣ်ဝဲ တထံၣ်န့ၣ်လီၤ. ၁ ပ့း ၁:၂၃-၂၅ အပူၤ, ၦၤတၢ်မၢဖိစီၤပ့းတရူး, ဒုးသ့ၣ်နီၣ်ထီၣ်က့ၤၦၤလၢ ဝံယၡါယၤအတၢ်ကတိၤ, “သုတအိၣ် ဖျဲၣ်ကဒီးဘၣ်လၢ တၢ်အချံလၢအအုၣ်သံကျၣ်သံဘၣ်, မ့ၢ်လၢတၢ်တအုၣ်သံကျၣ်သံဘၣ်, လၢယွၤအကလုၢ်ကထါလၢအမူဝဲ, ဒီးအိၣ်ဝဲဆိးဝဲလီၤထူလီၤယိာ်လီၤ. အဂ့ၢ်ဒ်အံၤ, တၢ်ဖံးတၢ်ညၣ်ခဲလၢာ်န့ၣ် မၤအသးဒ်နီၣ်ဧိၤမံၤဧိၤအသိး, ဒီးအလၤကပီၤခဲလၢာ် ဒ်နီၣ်ဧိၤမံၤဧိၤ အဖီအသိးလီၤ. နီၣ်ဧိၤမံၤဧိၤ ဃ့ထီကွံာ်ဝဲ, ဒီးအဖီ လီၤပလ့ၤကွံာ်လီၤ. ဘၣ်ဆၣ် ၁ ပ့း ၁:၂၃-၂၅အပူၤ စီၤပ့းတရူး ပာ်ဖျါလီၤတံၢ်ဝဲလၢ “မ့မ့ၢ်ယွၤအကလုၢ်ကထါန့ၣ်, အိၣ်ဝဲဆိးဝဲလီၤထူလီၤယိာ်လီၤ.”

ဒ်ဖီသ့ၣ်တဖၣ်လၢ ဖီကရၢၢ်သ့ၣ်တဖၣ်အသိး, ပမ့ၢ်ထီၣ်သတြီၤဒီး တၢ်မူအထူအယိာ်န့ၣ်ဒီး တၢ်အိၣ်မူလၢဟီၣ်ခိၣ်ချၢအံၤ ဖုၣ်ဝဲဒၣ်န့ၣ်လီၤ. ဘၣ်ဆၣ် ကစၢ်ယွၤ စံးကဲထီၣ်တ့ၢ် တၢ်ဃံတၢ်လၤဆူ ပတၢ်အိၣ်မူလၢ အဖုၣ်ဝဲအပူၤန့ၣ်လီၤ. ခီဖျိလၢ ကစၢ်ယ့ၣ်ၡူးခရံာ် အတၢ်သးခုကစီၣ်အဃိ, ပကဲထီၣ်က့ၤတၢ်သီသံၣ်ဘှဲလၢယွၤအပူၤ, ဒီးနာ် အတၢ်အၢၣ်လီၤအီလီၤတဖၣ် လၢအဘၣ်ဃးဒီး တၢ်အိၣ်မူအကတၢၢ် တအိၣ်လၢၤဘၣ် လၢယွၤအမဲာ်ညါ ၦဲၤဒီးတၢ်အဲၣ်တၢ်ကွံန့ၣ်လီၤ. ဖဲလၢဟီၣ်ခိၣ်အမုၢ်ဧိၤလါဧိၤ လဲၤပူၤကွံာ်, ဒီးကဲထီၣ်က့ၤထဲ တၢ်သ့ၣ်နီၣ်က့ၤတၢ် အဆၢကတီၢ်န့ၣ် ပကစံးထီၣ်ပတြၢၤဒံးဒၣ် ကစၢ်ယွၤထီဘိန့ၣ်လီၤ.