ဖဲပိၥ်မုၣ်ဖိသၣ် ၅ နံၣ်ဖိ ဘဲလၣ်(Bella) ဘၣ်ကူစါအသးလၢ တၢ်ဆါဟံၣ် ဖဲဒၢ်ကိၣ်တၢ်ကလံၤစိး (North Dakota)အခါ, အဝဲဒိးန့ၢ်တၢ်သံကျံသးဝံၣ်ယါဘျါသနၢၣ်စ့ၢ်ကီးလီၤ. ပှၤအါဂၤ ခီဖျိဘၣ်တၢ်သံကျံသးဝံၣ်အဘျုး လၢအိၣ်စိအိၣ်ကမီၤဘၣ်ဆၣ် ဘၣ်မနုၤအဃိလဲၣ်အဂ့ၢ်တခီ တနၢ်ပၢၢ်ဝဲဒၣ်ကယၢၥ်, ပှၤဃိထံဃုသ့ၣ်ညါတၢ်တဖၣ်, တယံၥ်ဒံးဘၣ်အခါ ကွဲးပၥ်ဖျါတၢ်ယါဘျါဒ်သိးအံၤ အတၢ်ကဲဘျုးလီၤ. မ့မ့ၢ်ခဲအံၤ, တၢ်သံကျံသးဝံၣ်အံၤ ဘၣ်တၢ်နဲၣ်လီၤလၢ ခဲစၢၣ်ပှၤဆါတဖၣ်အဂီၢ်ကသံၣ် ဒ်ဘဲလၣ်အသိး, ဒီးပှၤတဖၣ်လၢ အတူၢ်ဘၣ်တၢ်ဆါ ဒ် ‘ပၣ်က့စၣ်(Parkinson) နၢၥ်(nerve)အဂံၢ်စၢ်တၢ်ဆါ’, တၢ်သးတဘၣ်လီၢ်ဘၣ်စး (dementia) ဒီး တၢ်ပျံၤတီၢ်တၢ်(trauma)တၢ်ဆါလီၤ.
စီၤပၤစီၤစီလူး ဖဲအသူၣ်ကိၢ်သးဂီၤအကတီၢ်န့ၣ် ဘၣ်တၢ်မၤမုၥ်ထီၣ်က့ၤအသးလၢ တၢ်သံကျံကသံၣ်ဖီၣ်လီၤ. ပှၤလၢအကွၢ်ထွဲအီၤန့ၣ် ထံၣ်ဝဲလၢ စီၤပၤအသးတမုၥ်တလၤဒီး ဟ့ၣ်ကူၣ်ဝဲလၢ ပှၤကဃုထံၣ်ပှၤလၢ အဒ့တနၢ်သ့တဂၤဂၤ လၢစီၤပၤအဂီၢ်, မုၢ်လၢ်ဝဲလၢ တၢ်ဒ့အံၤ မ့ၢ်ကမၤမုၥ်ထီၣ်က့ၤစီၤပၤန့ၣ်လီၤ (၁ရှမူၤ ၁၆:၁၆). အပှၤတဖၣ် ဆှၢန့ၢ်အီၤလၢ စီၤယံးရှဲအဖိခွါ စီၤဒၤဝံးဒီး စီၤစီလူးန့ၣ် ဘၣ်အသးလၢ စီၤဒၤဝံးဒီး ကိးတ့ၢ်အီၤလၢနီပူၤ လၢကမၤတၢ်အဂီၢ်လီၤ (:၂၂). စီၤဒၤဝံးဒ့တနၢ်လၢ စီၤစီလူး ဖဲစီၤပၤအသးကိၢ်သးဂီၤကတီၢ်, မၤမုၥ်ထီၣ်က့ၤအီၤလၢ အတၢ်သူၣ်ကိၢ်သးဂီၤလီၤ.
ပကထံၣ်န့ၢ် တၢ်သးဝံၣ်သံကျံအံၤ မၤဘျုးပှၤဒ်လဲၣ်အဂ့ၢ် ခီဖျိစဲအ့ၣ်တၢ်ကူၣ်သ့အဃိဧိၤ, ဘၣ်ဆၣ် ကစၢ်ယွၤသ့ၣ်ညါတ့ၢ်ခဲလၢၥ် ဒီအစိၤစိၤလံၤလံၤလီၤ. ဒ်ယွၤမ့ၢ်တၢ်တ့ပှၤပကစၢ် ဒီးပှၤကွဲးတၢ်သံကျံသးဝံၣ်အသိး, ဖဲပမူအဆၢကတီၢ်တခါဂ့ၤတခါဂ့ၤ မ့တမ့ၢ် တၢ်ကလဲၤဒုးနဲၣ်သးဆူ ကသံၣ်သရၣ် ညီဝဲဖိထဲလဲၣ်မ့ၢ်ဂ့ၤ ကစၢ်ယွၤ ဟ့ၣ်ကသံၣ်တၢ်ယါဘျါလၢ ပတၢ်အိၣ်ဆူၣ်အိၣ်ချ့အဂီၢ် လၢအအိၣ်ကတဲၥ်ကတီၤပၥ်လၢ ပှၤခဲလၢၥ်အဂီၢ်န့ၣ်လီၤ.
ဖဲပကဒိကနၣ်တၢ်သံကျံအဂီၢ် ကျဲတအိၣ်နီတဘိကတီၢ်ဒၣ်လဲၥ်, ပသးဝံၣ် တၢ်ဆူ ကစၢ်ယွၤလၢ တၢ်သးခုဒီး တၢ်ကွၢ်ဆၢၣ်မဲၥ်တဖၣ်အပူၤ, ဒီးဒုးအိၣ်ထီၣ် ပနီၢ်ကစၢ်ဒၣ်ဝဲ ပတၢ်သံကျံသးဝံၣ်သ့ဝဲဒၣ်လီၤ (စံး ၅၉:၁၆, မၤတၢ် ၁၆:၂၅).
