ဖဲ ၂၀၁၆ နံၣ်, ကီၢ်အမဲရကၤ, ကီၢ်စဲၢ်လူဝံၣ်စံၣ်ယါနၤ(Louisiana), ကလံၤထံး, ထံလုၣ်ဘၢ တၢ်ဖးဒိၣ်ဝံၤန့ၣ်, ယကွၢ်က့ၤ တၢ်ကစီၣ်တဖၣ်လၢ စိၣ်ရှဲၣ်မံၤဒယၤအပူၤ ယထံၣ်ဘၣ် တံၤသကိးတဂၤ, ပာ်ဖျါထီၣ်ဝဲ အတၢ်ကစီၣ်န့ၣ်လီၤ. ဖဲသ့ၣ်ညါဘၣ်ဝဲလၢ, အဟံၣ်န့ၣ်, ကဘၣ်တၢ်မၤဟးဂီၤကွံာ်ဝဲဒီး, ကဘၣ်တၢ်ဘှီဂ့ၤထီၣ်က့ၤတၢ် အဆၢကတီၢ်, အမိၢ်ဟ့ၣ်ဂံၢ်ဟ့ၣ်ဘါအီၤ, ဖဲလၢ တၢ်မၤဆှဲမၤပျီတၢ်လၢ, တၢ်သူၣ်တၢ်သးလီၤဘှါအဆၢကတီၢ်ဒၣ်လဲာ်, ကဃုထံၣ်န့ၣ်ယွၤအဂီၢ်န့ၣ်လီၤ. လၢခံန့ၣ်, ယတံၤသကိးန့ၣ်, တီၣ်ထီၣ်ဝဲ တၢ်ဂီၤတဖၣ်လၢ အပာ်ဖျါ လံာ်စီဆှံအဆၢတဖၣ် လၢတြဲၤဘိလိၤတဖၣ် ဘၣ်သ့ၣ်သ့ၣ် ကဘၣ် တၢ်ကွဲးအီၤ, ဖဲအပူၤကွံာ်, တၢ်စးထီၣ်ဘှီဟံၣ်အံၤ အဆၢကတီၢ်န့ၣ်လီၤ. အဝဲဖးဘၣ်ဝဲ ယွၤကလုၢ်ကထါတဖၣ်လၢ သ့ၣ်ဘ့ၣ်ဘၣ်လိၤအံၤ ကဲထီၣ် တၢ်သူၣ်မုာ်သးမုာ် တၢ်လၢအဂီၢ်န့ၣ်လီၤ.

တၢ်ကွဲးလံာ်စီဆှံအဆၢလၢ တြဲၤဘိလိၤအထူသနူၤအံၤ ဘၣ်သ့ၣ်သ့ၣ် ကစးထီၣ် အသးဖဲ, ကစၢ်ယွၤ မၤလိာ်ဝဲ ပှၤအံၣ်စရ့လးဖိတဖၣ် အဆၢကတီၢ်န့ၣ်လီၤ. ကစၢ်ယွၤ မၤလိာ် ပှၤအံၣ်စရ့လးဖိတဖၣ် လၢကကွဲးလီၤ အတၢ်မၤလိာ်လၢတြဲၤဘိလိၤန့ၣ် ကမ့ၢ်ကျဲၤကျိတမံၤလၢ တၢ်ကဒုးသ့ၣ်နီၣ်ထီၣ်က့ၤ အပှၤဂီၢ်မုၢ်လၢ, ကစၢ်ယွၤမ့ၢ်မတၤတဂၤလဲၣ်အဂီၢ်န့ၣ်လီၤ. ပှၤအံၣ်စရ့လးဖိတဖၣ် ကသ့ၣ်နီၣ်ထီၣ်က့ၤဝဲ ကစၢ်ယွၤထီဘိအဂီၢ်, ၅ မိၤရှ့ ၆:၆ ပာ်ဖျါဝဲ ယွၤတၢ်မၤလိာ်တဖၣ်အံၤန့ၣ်, “ကဘၣ်အိၣ်လၢ နသးကံၢ်ပူၤ”, အဆၢဖိ ၇ ပာ်ဖျါဝဲ, “ကဘၣ်သိၣ်က့ၤသီက့ၤ နဖိနလံၤလၢအီၤ” , အဆၢဖိ ၈ ပာ်ဖျါဝဲ “နဘၣ်ကတိၤတၢ်လၢအဂ့ၢ်အကျိၤ, ခီဖျိတၢ်ပနီၣ်ဃုာ်ဒီး ကျိၤကျဲအဂုၤအဂၤတဖၣ်”, အဆၢဖိ ၉ ပာ်ဖျါဝဲလၢ “နဘၣ်ကွဲးအီၤလၢ နဟံၣ်ထူၣ်အလိၤ, ဒီးလၢ နတြဲၤအလိၤလီၤ”န့ၣ်လီၤ. ကယဲၢ်တၢ်လၢ, ကစၢ်ယွၤ စံးကတိၤတ့ၢ်လံတဖၣ်, မ့တမ့ၢ် ဘၣ်ဒီး ကစၢ်ယွၤ မၤတၢ်အၢၣ်လီၤအီလီၤ လၢအဝဲသ့ၣ်န့ၣ်, အပှၤဂီၢ်မုၢ်တဖၣ်, မ်အသုတသးပ့ၤနီၣ်တၢ်နီတဘျီအဂီၢ်, ဘၣ်တၢ်ဟ့ၣ်ဂံၢ်ဟ့ၣ်ဘါ အဝဲသ့ၣ်န့ၣ်လီၤ.

တၢ်ပာ်ဖျါယွၤအတၢ်ကတိၤတဖၣ် လၢပဟံၣ်ပဃီ, ဃုာ်ဒီး တၢ်တိၢ်န့ၢ်ဟံးဃာ် ယွၤကလုၢ်ကထါ အခီပညီတဖၣ် လၢပသးကံၢ်ပူၤန့ၣ်, မၤစၢၤပှၤလၢ ပကတ့ဒုးအိၣ်ထီၣ် တၢ်အခီၣ်ထံးတမံၤလၢ, အမ့ၢ်တၢ်နာ်သန့ၤပသး လၢကစၢ်ယွၤအတၢ်တီတၢ်လိၤ ဒ်အဖျါဝဲလၢ လံာ်စီဆှံအပူၤန့ၣ်လီၤ. မ့ၢ်လၢကစၢ်ယွၤ ကစူးကါအတၢ်ကတိၤတဖၣ်အံၤ, ဒ်သိးကဟဲစိာ်န့ၢ် သးအတၢ်မုာ်တၢ်ပၢၤ ဖဲလၢပအိၣ်ဒီး သးဘၣ်ဒိဘၣ်ထံး, မ့တမ့ၢ်ဘၣ်ဒီး, ဖဲလၢ တၢ်သူၣ်တၢ်သးလီၤဘှါ, သးလီၤကလဲ အဆၢကတီၢ်အပူၤဒၣ်လဲာ် အဂီၢ်န့ၣ်လီၤ.