ဖဲအဲၣ်ဒြူ(Andrew)ဒီး အပှၤဟံၣ်ဖိဃီဖိတဖၣ် လဲၤဟးလၢကီၢ်က့ၣ်ညၣ်(Kenya) အ “safari -ဆၣ်ဖၣ်ရံၣ်” (တၢ်လဲၤကွၢ်ကီ ဆၣ်ဖိကီၢ်ဖိအကရၢၢ်)န့ၣ်, အဝဲသ့ၣ်သးခုခိးကွၢ် ဆၣ်ဖိကီၢ်ဖိအကလုၥ်ကလုၥ် လဲၤဆူ ကမါဆံးဖိတခါ ခဲအံၤခဲအံၤ လၢအအိၣ်ဖဲ ဟီၣ်ခိၣ်ကဝီၤန့ၣ်လီၤ. ကသ့ၣ်ထီကိၥ်(Giraffes), မဲၥ်တဲးလဲးမံၤ(တၤဖး)လၢအအိၣ်လၢကီၢ်မိၢ်ပှၢ်အၤဖြံၤကၤ(wildebeests), တၤဒိၣ်ထံ (hippopotamuses) ဒီးထိၣ်ဒ့ၣ်ထံ(waterfowl) တဖၣ်ခဲလၢၥ် လဲၤဆူထံလၢအမူအခီၣ်ထံးဂံၢ်ထံးအံၤ အအိၣ်လီၤ. ဖဲအဲၣ်ဒြူအိၣ်ခိးကွၢ်ဆၣ် ဖိကီၢ်ဖိတဖၣ် အတၢ်လဲၤအတၢ်ဟဲက့ၤန့ၣ် အဝဲဆိကမိၣ်ထီၣ်ဝဲလၢ “လံၥ်စီဆှံန့ၣ်လီၤဂၥ်ဒီး တၢ်ထီကတၢၢ်တဂၤအနိၣ် လၢဆၣ်ဖိကီၢ်ဖိလဲၤအီထံ” – တမ့ၢ်ထဲတၢ်အံးကွၢ်ဒီး တၢ်ကူၣ်သ့အဂံၢ်ထံးဘၣ်. မ့မ့ၢ် မဲးပျီထံထီၣ်ပၢၢ်လီၢ် (အိၣ်အ့စ့း)လၢ အမၤပှဲၤထီၣ်က့ၤဂံၢ်ဘါ, တၢ်လီၢ်ဖဲသးသမူအတၢ်လဲၤခဲလၢၥ် အပှၤကညီတဖၣ် မၤပှဲၤက့ၤအတၢ်သူ သးလၢထံန့ၣ်လီၤ.
အဲၣ်ဒြူအတၢ်ကွၢ်နီၣ်ဒီး အတၢ်ထံၣ်အံၤ မ့ၢ်တၢ်ပၥ်ဖျါကဒါက့ၤ ဘၣ်ဃးပှၤကွဲးထါစံးထီၣ်ပတြၢၤလၢ အကိးပှၤကညီလၢ အအဲၣ်ဖးတိၢ်ဖံးဃာ်န့ၢ် ယွၤကလုၢ်ကထါတဖၣ် လၢ “ပှၤလၢဘၣ်ဆိၣ်ဂ့ၤ,” မံၤတၢ်ကိးတခါလၢ လံၥ်စီဆှံလီၢ်လံၤတကတြူၢ် စူးကါပၥ်ဖျါ ကစၢ်ယွၤအတၢ်သိၣ်လိနဲၣ်လိဒီး အတၢ်မၤလိၥ်တဖၣ်လီၤ. စံး ၁:၃ ပာ်ဖျါဝဲ ပှၤလၢအဆိကမိၣ်ထံ ယွၤကလုၢ်ကထါထီဘိတဖၣ် “လီၤဂၥ်ဒီးသ့ၣ်သူၣ်လီၤအသးလၢထံဖိကျိအနံၤ လၢအသၣ်ထီၣ်လၢ အဆၢအကတီၢ်ဒၣ်ဝဲအသိး”န့ၣ်လီၤ. ဒ်သ့ၣ်လၢအဂံၢ်တဖၣ် တုၤအိၣ်ဟီၣ်ခိၣ်ညၣ်ထ့ၣ်ဒီး ထံၣ်န့ၢ်ဂံၢ်ဘါအသီဂံၢ်ထံးအသိး, ပှၤလၢအနၥ်ဒီးအဲၣ်ကစၢ်ယွၤ နီၢ်နီၢ်တဖၣ် ကသူၣ်လီၤသးယိၥ်ယိၥ်လၢ ယွၤကလုၢ်ကထါအပူၤဒီး ထံၣ်န့ၢ်တၢ်ဂံၢ်တၢ်ဘါလၢ အဝဲသ့ၣ်လိၣ်ဘၣ်ဝဲလီၤ.
တၢ်အၢၣ်လီၤက့ၤပသးဆူ ကစၢ်ယွၤအတၢ်ကူၣ်သ့န့ၣ် ကဟံးဃၥ် ပဂံၢ်ခၢၣ်သနၢၣ်လၢ အဘျၢလီၤ ကျၢၤကျၢၤယိၥ်ယိၥ်လၢ ယွၤအပူၤ, အဆၢဖိ ၄ ပာ်ဖျါဝဲ ပတလီၤဂၥ်ဒီး “ဖ့လၢ ကလံၤအူဒ်ကွံၥ်” ဘၣ်န့ၣ်လီၤ. ဖဲပဆိကမိၣ်ထံထံ တၢ်လၢ ကစၢ်ယွၤဟ့ၣ်ပှၤလၢ လံၥ်စီဆှံအပူၤတဖၣ်န့ၣ် ပဒိးန့ၢ်တၢ်အီၣ်န့ၢ်ဂံၢ်န့ၢ်ဘါ လၢအဆှၢပှၤဆူ တၢ်သူထီၣ်သၣ်ထီၣ်လၢ အအိၣ်ဂၢၢ်ကျၢၤဝဲသ့န့ၣ်လီၤ.
