တချုးခရံာ်အိၣ်ဖျဲၣ်အကတီၢ်ဘၣ် ဖဲတၢ်မၤအါတနံၤ, လၢယခိၣ်ဃၢၤလံာ်ပရၢတၢး လၢအပှဲၤဒီး ပှၤကညီၤတဖၣ်အကျါန့ၣ်, ပိာ်မုၣ်သးပှၢ်တဂၤ လဲၤဃီၤဝဲဆူလံာ်ပရၢစီၣ်ခိၣ်န့ၣ်လီၤ. စရ့ဖိလၢ အသးစူၤတဂၤ ကွၢ်ဝဲသးပှၢ်မုၢ်လဲၤတၢ်ဃၢဃၢ, ဒီးအဝဲဆၢဂ့ၤ ဒီးစံးဝဲ “ဟါလိၣ်, သးစၢ်မုၢ်ဖိဧၢ” န့ၣ်လီၤ. အတၢ်ကတိၤအဖျၢၣ်တဖၣ်အံၤ မ့ၢ်စံးဝဲလၢ တၢ်သးအိၣ်မၤစၢၤ မၤမုာ်တၢ်အပူၤဘၣ်ဆၣ်, ဘၣ်သ့ၣ်သ့ၣ် ပှၤတနီၤနီၤ ကပာ်အီၤ ဒ်တၢ်တပးကဲပှၤသးပှၢ်ဘၣ်န့ၣ်လီၤ.
လံာ်စီဆှံ ဒုးထံၣ်ပှၤလၢ တၢ်သးပှၢ်ထီၣ်အကတီၢ်န့ၣ် ထိၣ်ဂဲၤထီၣ် ပတၢ်မုၢ်လၢ်သ့ဝဲ န့ၣ်လီၤ. လၢ လူၤ ၂:၂၃ အပူၤပာ်ဖျါဝဲ, စီၤယိၤသးဒီးနီၢ်မၤရံ ဟဲစိာ်ဖိသၣ်ယ့ၣ်ရှူး ဆူတၢ်လုၢ်ဟံၣ် ဒ်သိးအကပာ်စီဆှံအီၤအကတီၢ်န့ၣ်, ကွၢ်ဃုာ်လၢ ၂ မိၤ ၁၃:၂,၁၂ , ပှၤသးပှၢ်ခံဂၤ လၢအစူၢ်နာ်ယွၤတဖၣ်န့ၣ် သတူၢ်ကလာ်ဒိးန့ၢ်လီၢ်လၢ အကါဒိၣ်နီၢ်မးန့ၣ်လီၤ.
အဆိကတၢၢ်တဂၤ မ့ၢ်စီၤစူၤမ့းအိၣ်, ပှၤလၢအကွၢ်လၢ်တ့ၢ်မ့းရှံအၤ အါနံၣ်အါလါတဂၤန့ၣ်လီၤ. လၢ လူၤ ၂:၂၈-၃၁ အပူၤပာ်ဖျါဝဲ, အဝဲ “ဟံးထီၣ်အီၤလၢအစုလိၤ, ဒီးစံးထီၣ်ပတြၢၤယွၤ, ဒီးစံးဝဲဒၣ်, ကစၢ်ဧၢ, ဒ်နကလုၢ်နကထါအသိးန့ၣ်, ခဲကနံၣ်အံၤ, ပျၢ်နခ့နပှၤယၤအံၤ မုာ်မုာ်တက့ၢ်. အဂ့ၢ်ဒ်အံၤ ယမဲာ်ညါထံၣ်ဘၣ် နတၢ်အုၣ်က့ၤခီၣ်က့ၤ, လၢနကတဲာ်ကတီၤလၢပှၤဂီၢ်မုၢ်တဖၣ်ခဲလၢာ်အမဲာ်ညါ” န့ၣ်လီၤ.
ဒီးအဂၤတဂၤ မ့ၢ်နီၢ်အၣ်နၤ, ဝံမုၣ်တဂၤလၢ “အသးပှၢ်သဃဲးတ့ၢ်”န့ၣ်လီၤ. အဝဲဟဲဃီၤဝဲ ဖဲစီၤစူၤမ့းအိၣ်ကတိၤတၢ်ဒီး နီၢ်မၤရံဒီးစီၤယိၤသးအခါန့ၣ်လီၤ. အဝဲမ့ၢ် မုၣ်ကမဲ လၢအအိၣ်ဒီး အဝၤနွံနံၣ်ဧိၤ, ဒီးအိၣ်ဆိးတ့ၢ်လံလၢ တၢ်လုၢ်ဟံၣ်အပူၤတုၤအသးအိၣ် ၈၄ နံၣ်န့ၣ်လီၤ. အဝဲတဟးဖး ဒီးတၢ်လုၢ်ဟံၣ်နီတစုဘၣ်. “အဝဲဘူၣ်ထူဘါယွၤ, အိၣ်ဒီးတၢ်ဒုၣ် တၢ်အီၣ်တၢ်အီ ဒီးဃ့ဘါထုကဖၣ်တၢ်လၢမုၢ်ဆါဆဲးလၢမုၢ်နၤလီၤ”. ဖဲအထံၣ်ဘၣ် ကစၢ်ယ့ၣ်ရှူးန့ၣ်, အဝဲစံးထီၣ်ပတြၢၤယွၤ, ဒီးတဲနၢ်ပၢၢ်တၢ်ဘၣ်ဃးဒီး “ဖိသၣ်တဂၤန့ၣ်အဂ့ၢ် လၢပှၤကိးဂၤဒဲး လၢအအိၣ်ခိးကစၢ်ယွၤအကဒုးထူၣ်ဖျဲးထီၣ်ကွံာ် ဝ့ၢ်ယရူၤရှလ့ၣ်န့ၣ်လီၤ” (လူၤကၣ် ၂:၃၇-၃၈ လၢခ့ခါလံာ်စီဆှံ).
ယွၤအခ့အပှၤလၢအမုၢ်လၢ်တၢ်ခံဂၤအံၤ ဒုးသ့ၣ်နီၣ်ထီၣ်က့ၤပှၤလၢ ပသးအနံၣ်အလါ မ့ၢ်အိၣ်ဆံးအါဆံးအါနာ်သက့, ပတဘၣ်ဆိကတီၢ် တၢ်အိၣ်ခိးကွၢ်လၢ်တၢ်လၢ တၢ်မုၢ်လၢ်ဖးဒိၣ်အပူၤဘၣ်န့ၣ်လီၤ.
