မ့ၢ်နဘၣ်သဂၢၢ်ဒီး ဂုၢ်အၢလၢအမဲၢ်သီၣ်ရဲာ်ရဲာ် (Rattle Snake)န့ၣ်ဧါ. ဂုၢ်အၢအံၤ နမ့ၢ်လဲၤဘူးထီၣ်အကပၤဒီး အမဲၢ်ဒံးသီၣ်ဒိၣ်ထီၣ်လီၤ. တၢ်ဃုထံလၢ စဲအ့ၣ်ကၠၢနၢၣ်(scientific journal) “ခ့ခါတၢ်မူပီညါ-Current Biology” ပာ်ဖျါဝဲလၢ ဂုၢ်အံၤ ဖဲတၢ်မၤပျံၤအီၤဟဲဘူးထီၣ်န့ၣ် အသီၣ်အါထီၣ်လီၤ. လၢတၢ်ကလုၢ်သီၣ်ထီၣ်ဒိၣ်ထီၣ်ဝဲအဃိ ပှၤဆိကမိၣ်ဘၣ်လၢ ဂုၢ်အၢန့ၣ် အိၣ်ဘူးဒီးပှၤနၢ်ဟူဘၣ်တၢ်န့ၣ်လီၤ. ဒ်တၢ်ဃုထံဒုးနဲၣ်ဝဲ “ပှၤနၢ်ဟူတၢ်တဂၤ ထုးထီၣ်ကမၣ်တၢ်ဒ့စၢၤအဘူးအယံၤအံၤ, ဒုးအိၣ်ထီၣ် တၢ်ဘၢၣ်စၢၤအဘံၣ်အဘၢ လၢဂုၢ်တဖၣ်အဂီၢ်န့ၣ်လီၤ”.
ဘၣ်တဘျီဘျီ ပှၤကညီ ဖဲအဝဲသ့ၣ်အ့ၣ်လိာ်ဆိးက့လိာ်သး အဆၢကတီၢ် စူးကါတၢ်ကလုၢ်လၢအသီၣ်ဒိၣ်ဒိၣ်န့ၣ် ဒုးနဲၣ်ဖျါထီၣ်တၢ်သးဒိၣ်တုၤလၢ တၢ်ကိးဃါတၢ်လီၤ. လၢဆၢကတီၢ်ဒ်သိးအံၤအဂီၢ် ပှၤကွဲးလံာ်ကတိၤဒိတဲဝဲ, လၢကတိၤဒိ ၁၅:၁ အပူၤ “စံးဆၢတၢ်မုာ်မုာ်န့ၣ် ဘိးဃၣ်ကွံာ် တၢ်သးထီၣ်လီၤ. မ့မ့ၢ်တၢ်ကတိၤဆါန့ၣ် ထိၣ်ဂဲၤ တၢ်သးထီၣ်လီၤန့ၣ်လီၤ. အဆၢဖိ ၄ ဒီး ၇ အပူၤ အဝဲစံးကဒီးဝဲ, “ယွၤအပှၤမၤမုာ်ထီၣ်တၢ်, တၢ်ကူၣ်သ့အတၢ်ကတိၤမ့ၢ် တၢ်မူအသ့ၣ်ဒီး ဖှံလီၤတၢ်သ့ၣ်ညါလီၤ”.
မးသဲ ၅:၄၃-၄၅ အပူၤ, ကစၢ်ယ့ၣ်ရှူး ဟ့ၣ်ပှၤတၢ်ဂ့ၢ်တၢ်ကျိၤ လၢလၢပှဲၤပှဲၤ အဂ့ၤကတၢၢ် လၢတၢ်စံးကတိၤတၢ်ဒီး တၢ်ကူၣ်သ့, တၢ်သညူးသပှၢ် ဒီးပှၤတဖၣ်လၢ အဘၣ်လဲၤခီဖျိ ကွၢ်ဆၢၣ်မဲာ်ဒီး တၢ်သဘံၣ်ဘုၣ်တဖၣ်အပူၤန့ၣ်လီၤ. မးသဲ ၁၈:၁၅ အပူၤ ပာ်ဖျါဝဲလၢ တၢ်ဃုမၤဘၣ်လိာ်က့ၤသး ဒ်သိးကမၤန့ၢ်က့ၤ တၢ်ဒီပုၢ်ဝဲၢ်အဂီၢ်န့ၣ်လီၤ. လၢတၢ်သဘံၣ်ဘုၣ်ဒီးတၢ်အ့ၣ်လိာ်ဆိးက့ အဆၢကတီၢ် တၢ်လၢ ပကမၤဒိၣ်ထီၣ် ပကလုၢ်ဒီး စူးကါ တၢ်ကတိၤတမုာ်တလၤ တၢ်အလီၢ်န့ၣ် ကစၢ်ယွၤဒုးနဲၣ်ပှၤ ခီဖျိ အသးမုာ်စီဆှံအပူၤန့ၣ် မ်ပကဒုးနဲၣ် ပတၢ်အိၣ်မူဆဲးလၤအဂ့ၤ, တၢ်ကူၣ်သ့ ဒီးတၢ်အဲၣ်ပှၤဂၤန့ၣ်တက့ၢ်.
