ဖဲထါအခိၣ်တီ “အိၣ်ဘှံး”န့ၣ် ပှၤကွဲးထါ တၤပှၤ ဒ်သိးပကသ့နီၤဖး “တၢ်အိၣ်ဘှံး အိၣ်ကသုၣ်” ဒီး “တၢ်မၤ”အကတီၢ်လီၤ. အဝဲသံကွၢ်, ပှၤဂုာ်ကျဲးစၢး မၤတၢ်နီၢ်နီၢ်တဖၣ်အဂီၢ် တၢ်အိၣ်ဘှံအိၣ်သါနီၢ်နီၢ် တအိၣ်လၢၤဘၣ်ဧါန့ၣ်လီၤ. လၢနကဟးဆှဲး တၢ်အိၣ်မူအတၢ်မၤမူဒါတဖၣ်အလီၢ်န့ၣ်, နမ့ၢ်အဲၣ်ဒိး လဲၤခီဖျိ တၢ်အိၣ်ဘှံးအိၣ်ကသူၣ်အမ့ၢ်အတီဘၣ်ဒီး ပှၤကွဲးထါဟ့ၣ်ဆူၣ်ထီၣ်ပှၤလၢ,“မၤတၢ်အဂ့ၤကတၢၢ်, စူးကါအီၤ, တဘၣ်ဒုးကဲထီၣ် တၢ်ကလီကလီတဂ့ၤ, မ့တမ့ၢ်ဘၣ်ဒီး တအိၣ်ဘှံးဘၣ်လၢၤဘၣ်. မ့ၢ်နထံၣ်န့ၢ် တၢ်ဃံတၢ်လၤလၢ နခိၣ်နဃၢၤဝးဝးလံဧါ. နမ့ၢ်အိၣ်ဒီး မူဒါတၢ်ဖံးတၢ်မၤန့ၣ်မး နကထံၣ်န့ၢ်ဘၣ် တၢ်အိၣ်ဘှံးအိၣ်သါ အတၢ်ဃံတၢ်လၤန့ၣ်လီၤ.
ပှၤကွဲးထါမၤကတၢၢ်အထါလၢ တၢ်အိၣ်ဘှံးနီၢ်နီၢ် ဒီးတၢ်သးခုနီၢ်နီၢ်န့ၣ် ဘၣ်တၢ်ထံၣ်န့ၢ်အီၤ ခီဖျိတၢ်အဲၣ်ဒီး မၤတၢ်အခ့အပှၤအတၢ်မၤ, ဒီးမ့ၢ်စီၤပီလူးအတၢ်ဆိကမိၣ်မိၢ်ပှၢ်လၢ ဟ့ၣ်ဂံၢ်ဟ့ၣ်ဘါ ပှၤသ့းစၤလနံဖိတဖၣ်လီၤ. ဖဲအပာ်ဖျါထီၣ် တၢ်ကိးထီၣ်အီၤဒ်သိး ကဟ့ၣ်ဂံၢ်ဟ့ၣ်ဘါ ပှၤနာ်တၢ်ဖိလၢ ၁ သ့း ၂:၁၆ အပူၤ, စီၤပီလူးတဲဖျါထီၣ်ဝဲ လီၤတံၢ်လီၤဆဲး “သုကလဲၤတၢ်ဒ်အကြၢးဒီးယွၤလၢ အကိးက့ၤသုဆူ အဘီအမုၢ်”န့ၣ်လီၤ.
အဝဲတဲဖျါထီၣ် တၢ်အိၣ်မူအံၤ မ့ၢ်တၢ်အိၣ်မူအဂၢၢ်အကျၢၤ လၢတၢ်နာ်န့ၢ်အီၤသ့, လၢတၢ်အဲၣ်တၢ်ကွံ ဒီးလၢတၢ်မၤတၢ်ခ့တၢ်ပှၤအတၢ်မၤတဖၣ်လီၤ. စီၤပီလူးထုကဖၣ်လၢ ယွၤက “ဒုးအါထီၣ် အတၢ်အဲၣ်တၢ်ကွံလိာ်သး ဒီးအတၢ်အဲၣ်ပှၤခဲလၢာ်အဂီၢ်”လီၤ (၃:၁၂). အဝဲဟ့ၣ်ဆူၣ်ထီၣ် ပှၤနာ်ခရံာ်တဖၣ်လၢ က “အိၣ်ဂၢၢ်အိၣ်ဘှီၣ်, ဒီးမၤအတၢ်ဒၣ်ဝဲ, ဒီးမၤတၢ်ဖံးတၢ်လၢအစုဒၣ်ဝဲ”လီၤ (၄:၁၁). တၢ်န့ၣ်မ့ၢ်တၢ်အိၣ်မူတကလုာ်လၢ အဲၣ်တၢ်ဒီးမၤဂ့ၤမၤစၢၤတၢ်လၢ တၢ်ကစုဒု ဒ်ယွၤဟ့ၣ်ဆူၣ်ထီၣ် ဒုးမၤပှၤအသိးဒီးတၢ်အံၤ ပာ်ဖျါထီၣ် တၢ်နာ်အတၢ်အိၣ်မူ အဃံအလၤလီၤ(:၁၂). မ့တမ့ၢ်ဘၣ်ဒီး ဒ်ပှၤကွဲးတၢ် ပာ်ဖျါဝဲ “တၢ်သးခုနီၢ်နီၢ် မ့ၢ်ဝဲ တၢ်မၤတၢ်အခ့အပှၤအတၢ်မၤလၢ တၢ်အဲၣ်တၢ်ကွံ ဒီးမၤဂ့ၤမၤစၢၤ တၢ်အဂ့ၤကတၢၢ် ဒီးအထီကတၢၢ်, လဲၤဆူညါဒီး တကဒံကဒါဘၣ်တၢ်န့ၣ် မ့ၢ်တၢ်အိၣ်ဘှံးအိၣ်သါတၢ် နီၢ်နီၢ်န့ၣ်လီၤ”.
