ပှၤစံၣ်တဲၤတဲလီၤတၢ် အဲကလံးဖိတဂၤလၢအမ့ၢ် အဲး.ဘံၣ်.မ့ယဲၣ်(F. B. Meyer)(၁၈၄၇- ၁၉၂၉) ဆိးကါတၢ်အဒိလၢ ဆီဒံၣ် ဒ်သိး ကဒုးနဲၣ်ဖျါအတၢ်စံးတၢ်ကတိၤ “တၢ်ဆိကမိၣ်အဒိၣ်အယိာ် ဘၣ်ဃးဒီး ကစၢ်ခရံာ်အတၢ်အိၣ်ဂၢၢ်ဆိးကျၢၤလၢပပူၤ” န့ၣ်လီၤ. အဝဲပာ်ဖျါဝဲ ဆီဒံၣ်အသကီၤလၢ အသိအချါဂ့ၤတဖျၢၣ်န့ၣ် မ့ၢ်ဝဲဒၣ် သးသမူအယၢ်ဖိတခါ လၢပထံၣ်တသ့ဒီး တနံၤဘၣ်တနံၤ ဒိၣ်ထီၣ် တုၤဒၣ်လဲၣ် ဆီဖိပံအနီၢ်ကစၢ်အိၣ် ကဲထီၣ်ဝဲဒၣ်လၢ ဆီဒံၣ်အကုပူၤန့ၣ်လီၤ. ဒ်န့ၣ်အသိးလီၤ, ခီဖျိ သးစီဆှံန့ၣ်ဒီး ကစၢ်ယ့ၣ်ရှူးဟဲနုာ်လီၤ အိၣ်ဂၢၢ်ဆိးကျၢၤလၢပပူၤ ဒီးဆီတလဲပသးသမူန့ၣ်လီၤ. မ့ယဲၣ် စံးဝဲလၢ “ခဲအံၤဒီးခါဆူညါ ကစၢ်ယ့ၣ်ရှူး အနီၢ်ကစၢ်ဒၣ်ဝဲ ကဒိၣ်ထီၣ်အါထီၣ်, ကဲထီၣ်လိၣ်ထီၣ်ဝဲဒၣ်လၢ ပသးသမူအပူၤ”န့ၣ်လီၤ.
မ့ယဲၣ်ဃ့ကညးဝဲဒၣ်လၢ အတၢ်ပာ်ဖျါထီၣ် ကစၢ်ယ့ၣ်ရှူး အတၢ်မ့ၢ်တၢ်နီၢ်နီၢ်န့ၣ် တလၢတပှဲၤဝဲ အဃိဒီး, အနီၢ်ကစၢ်ဒၣ်ဝဲ သ့ၣ်ညါဝဲဒၣ်လၢ ခီဖျိသးစီဆှံန့ၣ် ကစၢ်ယ့ၣ်ရှူး အိၣ်ဂၢၢ်ဆိးကျၢၤဝဲဒၣ် လၢပှၤစူၢ်က့ၤနာ်က့ၤတၢ်ဖိတဖၣ် အသးကံၢ်ပူၤ လၢအမ့ၢ်တၢ်မ့ၢ်တၢ်တီ လၢအလီၤကမၢကမၣ် တၢ်ကတိၤလၢကပာ်ဖျါတၢ်ဂ့ၢ်အံၤ လၢလၢပှဲၤပှဲၤအဂီၢ်န့ၣ် အိၣ်တသ့လၢၤဘၣ်န့ၣ်လီၤ. ဘၣ်ဆၣ် အဝဲဟ့ၣ်ဂံၢ်ဟ့ၣ်ဘါဝဲလၢ ပှၤဒိကနၣ်တၢ်ဖိတဖၣ် ကဒဲကဒဲဒီး ဆူပှၤအဂၤတဖၣ်အိၣ်ကဟ့ၣ်နီၤလီၤ ကစၢ်ယ့ၣ်ရှူးအဂ့ၢ်လၢ တၢ်တလၢတပှဲၤအပူၤဒၣ်လဲၣ် ဒ်ကစၢ်ယ့ၣ်ရှူးစံးဝဲဒၣ်လၢ ယိၤ ၁၄:၂၀ အပူၤ “လၢမုၢ်တနံၤန့ၣ် သုကသ့ၣ်ညါလၢ ယအိၣ်လၢယပၢ်အပူၤ, ဒီးသုအိၣ်လၢယပူၤ, ဒီးယအိၣ်လၢသုပူၤလီၤ” န့ၣ်လီၤ. ကစၢ်ယ့ၣ်ရှူးစံးလီၤ တၢ်ကတိၤတဖၣ်အံၤ ဖဲအဝဲအီၣ်အီဟါတၢ်အီၣ် ဒီးအပျဲၢ်အဘီၣ် အတံၤသကိးအခါန့ၣ်လီၤ. ယိၤ ၁၄:၂၃ ပာ်ဖျါဝဲ ကစၢ်ယ့ၣ်ရှူးအဲၣ်ဒိး အပျဲၢ်အဘီၣ်တဖၣ် သ့ၣ်ညါဝဲဒၣ်လၢ “ပှၤမ့ၢ်အဲၣ်ယၤဒီး ကတိၢ်န့ၢ် ယကလုၢ်ကထါ, ဒီးယပၢ်ကအဲၣ်အီၤ, ဒီးပကဟဲဆူအအိၣ်, ဒီးမၤန့ၢ်ပအိၣ်အလီၢ် ဒီးအီၤလီၤ” န့ၣ်လီၤ. တၢ်အိၣ်အသးအံၤ မၤအသးကဲထီၣ်အသး သ့ဝဲဒၣ် ခီဖျိ ကစၢ်ယ့ၣ်ရှူး အသးစီဆှံ မ့ၢ်အိၣ်ဂၢၢ်ဆိးကျၢၤဝဲဒၣ်လၢ ပှၤစူၢ်က့ၤနာ်က့ၤအီၤတဂၤလၢ်လၢ်အပူၤ ဒီးဆီတလဲ အသးသမူတဖၣ်ခဲလၢာ်န့ၣ်လီၤ.
တၢ်လၢနကပာ်ဖျါတ့ထီၣ် တၢ်ဂီၤဒ်လဲၣ်ဂ့ၤဒ်လဲၣ်ဂ့ၤန့ၣ် ကစၢ်ယ့ၣ်ရှူးအိၣ်မူအိၣ်ဂဲၤ လၢပပူၤ, ဒုးနဲၣ်ပှၤဒီးမၤစၢၤပှၤ ဒ်သိးပကဒိၣ်ထီၣ်အါထီၣ်, ဒ်သိးပကလီၤဂာ် ဒီးအီၤန့ၣ်လီၤ.
