တၢ်အိၣ်မူအပူၤ ကယဲၢ်တၢ်မၤအသးခဲလၢာ် ဒုးအိၣ်ထီၣ် တၢ်သးဟးဂီၤန့ၣ်လီၤ. လီၤဆီဒၣ် ပှၤသးစၢ်တဖၣ်အဂီၢ် ခါဆူညါတၢ်မုၢ်လၢ်တဖၣ် လီၤမၢ်ဟါမၢ်ကွံာ်ဝဲဒၣ်န့ၣ်လီၤ. တၢ်အိၣ်မူအိၣ်ဂဲၤတဖၣ် ကီခဲ ခီဖျိလၢတၢ်ဆူးတၢ်ဆါ အတၢ်ဘၣ်ယိၣ်, မူခိၣ်ကလံၤသီၣ်ဂီၤ တဘၣ်လိာ်ဘၣ်စးအဃိ န့ဆၢၣ်အတၢ်မၤဘၣ်ဒိဆါ ပှၤဟီၣ်ခိၣ်ဖိတဖၣ်, ဒီးထံကီၢ်တမုာ်တခုၣ် တၢ်ဂၢၢ်တၢ်ကျၢၤတအိၣ်အဃိန့ၣ်လီၤ. ဖဲပသူၣ်ကၢ်သးလီၤဘှါ အဆၢကတီၢ်သးဘၣ်ဒိဘၣ်ထံး, နီၢ်ခိနီၢ်သးလီၤဘှံးလီၤဘှါအဆၢကတီၢ် မ့ၢ်ပကဘၣ်လူၤကွၢ်ဃု တၢ်ဟ့ၣ်ကူၣ်လၢ မတၤမတၤတဂၤအအိၣ်န့ၣ် ပတသ့ၣ်ညါလၢၤဘၣ်န့ၣ်လီၤ. တၢ်ဂ့ၢ်တနီၤနီၤ တၢ်ကတိၤဟ့ၣ်ကူၣ်ဟ့ၣ်ဖးလိာ်သးအဂီၢ် လၢပဟံၣ်ဖိဃီဖိ ဒီးပတံၤသကိးတဖၣ်န့ၣ် ကီခဲဝဲဒၣ်န့ၣ်လီၤ. တၢ်ဆၢကတီၢ်ဒ်သိးအံၤန့ၣ် ပလိၣ်ဘၣ် ပှၤလၢအနၢ်ပၢၢ်စၢၤ ပှၤတၢ်ခဲလၢာ် လၢကကတိၤဟ့ၣ်ကူၣ်လိာ် တၢ်တဂၤန့ၣ်လီၤ.

ဖဲပအိၣ်မူအိၣ်ဂဲၤဝဲဒၣ်လၢ တၢ်ဖံးတၢ်မၤအပူၤ, ဟံၣ်ဖိဃီဖိအကျါဒီး ပှၤတဝၢဖိတဖၣ်အကျါန့ၣ် စဲအ့ၣ်တၢ်ကူၣ်သ့တဖၣ် ဒိၣ်ထီၣ်ထီထီၣ်, တၢ်ဆီတလဲ ချ့သဒံးလၢ ထံဂ့ၢ်ကီၢ်ဂ့ၢ်တၢ်အိၣ်အသးတဖၣ် ဒီးတၢ်မၤအသးလၢဟီၣ်ခိၣ်ဒီဘ့ၣ်အပူၤတဖၣ်အဃိ ပှၤဟီၣ်ခိၣ်ဖိတဖၣ် ဘၣ်ကွၢ်ဆၢၣ်မဲာ်ဒီး နီၢ်သးအတၢ်ဝံဃၢန့ၣ်လီၤ. မုၢ်မဆါတနံၤအံၤ ပှၤလၢတူၢ်ဘၣ်ခီၣ်ဘၣ်ဝဲ နီၢ်သးအတၢ်ဝံဃၢ လၢအဘၣ်တၢ်ဆိၣ်တံၢ်ဃံးဃာ်အီၤတဖၣ်အဂီၢ် ဒ်သိးတၢ်ကကဲဘျုးလၢ နီၢ်သးအတၢ်အိၣ်ဆူၣ်အိၣ်ချ့အဂီၢ်န့ၣ် တၢ်ဟ့ၣ်ကူၣ်လိာ်တၢ် တၢ်မၤတဖၣ် ပှၤသ့ၣ်ညါအါထီၣ်ဒီး ပှၤကညီတဖၣ် ထံၣ်လိာ်ဟံးန့ၢ်တၢ်ဟ့ၣ်ကူၣ်အါထီၣ်ဝဲဒၣ် ဒီးပထံၣ်ဘၣ် ကဲထီၣ်တၢ်ကဲဘျုးလၢအဝဲသ့ၣ်အဂီၢ် လၢအပတီၢ်တပတီၢ်န့ၣ်လီၤ.

ဘၣ်ဆၣ် ပှၤစူၢ်က့ၤနာ်က့ၤ ကစၢ်ယ့ၣ်ရှူးခရံာ်တဖၣ်အဂီၢ် တၢ်လၢအဂ့ၤန့ၣ်ဒိၣ်န့ၣ် ပှၤဟီၣ်ခိၣ်ဖိသ့ၣ်တဖၣ် အတၢ်ရဲၣ်တၢ်ကျဲၤ အတၢ်မၤတဖၣ်အလီၢ်န့ၣ် ပှၤလီၤလးဒီး ပှၤကူၣ်လိာ်တၢ်တဂၤ အိၣ်ပာ်စၢၤလံန့ၣ်လီၤ. အမံၤတဖၣ်န့ၣ် ဘၣ်တၢ်ပာ်ဖျါထီၣ် ဖဲ ဝံယရှါယၤ ၉:၆ အပူၤ “တၢ်လီၤလး, ပှၤကူၣ်လိာ်တဂၤ, တၢ်ဆူၣ်ကစၢ်, အစိၤစိၤအဃၣ်ဃၣ် အပၢ်, တၢ်ဃူတၢ်ဖိးအပဒိၣ်တဂၤ လၢအမ့ၢ်ကစၢ်ယ့ၣ်ရှူးန့ၣ်လီၤ. ကယဲၢ်တၢ်လၢပသးတူၢ်ဘၣ်ခီၣ်ဘၣ် တၢ်လၢပသးပူၤခဲလၢာ်န့ၣ် ပစံးကတိၤသကိးလၢ တၢ်ဟ့ၣ်ကူၣ်လိာ်တၢ်အဂီၢ် လၢတၢ်လီၤလးဒီး ပှၤကူၣ်လိာ်တၢ်တဂၤအံၤန့ၣ် သ့ဝဲဒၣ်န့ၣ်လီၤ. လၢတၢ်သူၣ်ကၢ်သးလီၤအပူၤ, လၢမဲာ်ထံမဲာ်နိအပူၤ ပပာ်ဖျါထီၣ်သ့ဝဲဒၣ်န့ၣ်လီၤ. ကစၢ်ယ့ၣ်ရှူးအတၢ်လၢ အတဒ်သိးလိာ်သးဒီး ပှၤဟီၣ်ခိၣ်ဖိတဖၣ် လၢအဟ့ၣ်ကူၣ်လိာ်တၢ်တဖၣ်န့ၣ် အဝဲမ့ၢ်ပှၤလၢ အတ့လီၤ မူခိၣ်ဟီၣ်ခိၣ် တၢ်အိၣ်အသးခဲလၢာ် တၢ်ဘၣ်တ့ကစၢ်တဂၤ လၢအအိၣ်ဒီးတၢ်ကူၣ်သ့ဒီးတၢ်စိတၢ်ကမီၤ အထူအယိာ်အဃိ ကယဲၢ်တၢ်လၢပတူၢ်ဘၣ်ခီၣ်ဘၣ်တၢ်ခဲလၢာ် သ့ၣ်ညါနၢၢ်ပၢၢၢ်စၢၤပှၤ တကးဒံးဘၣ်န့ၣ် မ့ၢ်ပှၤလၢကတဲာ်ကတီၤန့ၣ်ပှၤ လၢနီၢ်သးအတၢ်မုာ်တၢ်ပၢၤ ဒီးတၢ်ပူၤဖျဲးအကျဲအဂီၢ်စ့ၢ်ကီးန့ၣ်လီၤ”. ဝံယရှါယၤ ၄၀:၃၁ အပူၤ ပကထံၣ်ဘၣ် “မ့မ့ၢ် ပှၤလၢအမုၢ်လၢ်တၢ်လၢယွၤန့ၣ် အဂံၢ်အဘါကဆူၣ်ထီၣ်လီၤ. ကယူာ်ထီၣ်အဒံးဆ့ ဒ်လံာ်ဧိၤတြၤတြိၤအသိး, ကဃ့ၢ်ဝဲဒီး တၢ်တဘှံးဘၣ်အသးဘၣ်, ဒီးကလဲၤတၢ်ဒီး တလီၤဘှံးလီၤတီၤဘၣ်လီၤ”န့ၣ်လီၤ. လၢတၢ်န့ၣ်အဃိ မ်ဒ်သိးပတပျဲလဲၤပူၤကွံာ် ပတၢ်ခွဲးတၢ်ယာ် လၢတၢ်စံးကတိၤ ဃ့တၢ်ဟ့ၣ်ကူၣ်လိာ်တၢ်အကစၢ်, ဒ်အမ့ၢ် ကစၢ်လၢအဂံၢ်ဆၣ်တဖၣ် ဒီးယုၢ်န့ၢ်အမံၤအသၣ်, ကစၢ်လၢအဂံၢ်သ့ၣ်ညါ ပခိၣ်ဆူၣ်တဘိဘၣ်တဘိဘၣ်အဃိန့ၣ်ဒီး ပကသုးဘူးသန့ၤထီၣ် ပသးဆူ ကစၢ်ယ့ၣ်ရှူးခဲအံၤန့ၣ်တက့ၢ်.

လၢနတၢ်အိၣ်မူအပူၤ ဖဲနဘၣ်ကွၢ်ဆၢၣ်မဲာ်ဒီး တၢ်ကီတၢ်ခဲ တၢ်မၤအ့န့ၤမၤတံာ်တာ်နသးဒီး အအိၣ်ဟဲဝဲဒၣ်လၢ တၢ်လီၢ်ကိးပူၤဒဲးအဆၢကတီၢ် နဒိးသန့ၤနသးဒီး ဃ့တၢ်ဟ့ၣ်ကူၣ်လိာ်တၢ်လၢနဂီၢ် မ့ၢ်နလဲၤဆူမတၤတဂၤအအိၣ်လဲၣ်.

**လံာ်တၢ်ကွဲးလီၤဆီလၢ ဟီၣ်ခိၣ်ဒီဘ့ၣ်နီၢ်သးအတၢ်အိၣ်ဆူၣ်အိၣ်ချ့အမုၢ်နံၤအဂီၢ်