ဟိၣ်စ့(Jose), ၦၤ ၇၇ နံၣ် သရၣ်သိၣ်လိတၢ်လၢ ၦၤဂၤခၢၣ်စးတဂၤ, အိၣ်ဆိးလၢအသိလ့ၣ်ပူၤန့ၣ်, အိၣ် ၈ နံၣ်လံလီၤ. ကိးနံၤဒဲး, ၦၤသးၦၢ်အံၤ မံလၢအသိလ့ၣ် ၁၉၉၇ Ford Thunderbird LX အပူၤ, ဒီးကွၢ်စူၣ်ကယၥ်သိလ့ၣ်အဘဲၢ်ထြံၣ် (Car battery)လီၤတံၢ် မ့ၢ်လၢတၢ်အံၤ မၤၦဲၤ အခီၣ်ဖၠူၣ်ထၢၣ်(computer) ဂံၢ်ဘါလၢ ဟိၣ်စ့အတၢ်မၤအဂီၢ်ဃိလီၤ. လၢတၢ်သူကျိၣ်စ့ လၢတၢ်အိၣ်လီၢ်အဂီၢ်, ဟိၣ်စ့ ဆှၢလီၤအကျိၣ်စ့ဆူအၦၤဟံၣ်ဖိဃိဖိလၢအတၢ်လိၣ်ဒိၣ်အါန့ၢ်အီၤ လၢကီၢ်မဲးကစံၣ်ကိၣ်(Mexico)အပူၤလီၤ. ကိးဂီၤဒဲး, ပျဲၢ်တဂၤထံၣ်အီၤလၢ ဃုကမူၢ်ခွဲးခွးတၢ်အဃိ စံးဝဲ “ယသးပူၤဟဲအိၣ်ထီၣ်လၢ လိၣ်လၢ ယကဘၣ်မၤတၢ် တမံၤမံၤလံလီၤ”. အဃိ, ပျဲၢ်အံၤစးထီၣ်မၤ တၢ်ဃုစ့ဆီၣ်ထွဲမၤစၢၤန့ၣ်, စှၤနွံပူၤကွံၥ်ဒီး အဝဲဟ့ၣ်လီၤက့ၤဟိၣ်စ့လၢ ကမၤစၢၤအီၤ ဒ်သိးကအိၣ်ဆိးလၢဟံၣ်ပူၤလီၤ.

ခီဖျိယွၤကလုၢ်ကထါန့ၣ် ပဘၣ်တၢ်နဲၣ်ၦၤ တဘျီဝံၤတဘျီလၢ ပကအံးထွဲ ကွၢ်ထွဲလိၥ်ပသးတဂၤဒီးတဂၤလီၤ. တဘျီတခီၣ်န့ၣ် ပကထံၣ်ပျံထီၣ် ပနီၢ်ကစၢ်ပတၢ်ကိၢ်တၢ်န့ၣ် မ့ၢ်တၢ်လၢအကီလီၤ. ဝံစကၤရယၤ သိၣ်သီက့ၤ ၦၤအံၣ်စရ့လးဖိလၢ တၢ်ဘူၣ်ထီၣ်ဘါထီၣ်ယွၤ မ့တမ့ၢ် တၢ်မၤဂ့ၤၦၤဂၤအလီၢ်, အဝဲသ့ၣ်အီၣ်အီဒၣ်အတၢ်န့ၣ်လီၤ (စကၤ ၇:၆). တၢ်လဲၤကပၥ် တၢ်နီၤဟ့ၣ်သကိးလၢ အိၣ်ဆိးအလီၢ်ပူၤအံၤ မ့ၢ်အဝဲသ့ၣ် တပၥ်ကဲ အတံၤသကိးတဖၣ် အတၢ်လိၣ်လီၤ. ဝံစကၤရယၤပၥ်ဖျါ ယွၤအတၢ်နဲၣ်န့ၣ် ၡဲၡဲဖိလၢ “စံၣ်ညီၣ်တၢ်တီ, ဒီးဟ့ၣ်တၢ်ဘျုးတၢ်ဖှိၣ် ဒီးတၢ်သးကညီၤ, တဂၤလၢအဒီပုၢ်ဝဲၢ်တဂၤလၢအဒီပုၢ်ဝဲၢ်တက့ၢ်” (:၉-၁၀).

ပကမၤလၢၥ်ကွံၥ်တၢ်လၢ ပနီၢ်ကစၢ်အတၢ်လိၣ်မ့ၢ်တၢ်ညီအခါ, တၢ်တီတၢ်လိၤကိးၦၤလၢ ပကအံးက့ၤကွၢ်က့ၤ ၦၤဂၤအတၢ်လိၣ်လီၤ. လၢတၢ်ထီကတၢၢ် အတၢ်သူတၢ်စွဲအပူၤန့ၣ် တၢ်အိၣ်အါအါဂီၢ်ဂီၢ်လၢ ၦၤခဲလၢၥ်အဂီၢ်လီၤ. ဒီးယွၤ, လၢအတၢ်သးကညီၤအပူၤ, ဃုထၢကသူၦၤလၢ ပကဟ့ၣ်တၢ်အါအါဂီၢ်ဂီၢ်အကျါ တနီၤဆူၦၤဂၤလီၤ.