တံၤသကိးခံဂၤ Melanie (မဲလနံၣ်) ဒီး Trevor (ထရ့ဘၣ်), လဲၤသကိးတၢ်ဟးလၢခီၣ် လၢကစၢၢ်ကဆူးအကျဲတဖၣ် ဒ်သိးသိးလီၤ. ဘၣ်ဆၣ်, ၦၤအဂၤတဂၤ မ့ၢ်တပၣ်န့ၣ် အဂၤတဂၤ ထဲတဂၤဧိၤ မၤတၢ်အံၤတသ့ဘၣ်. မဲလနံၣ် မ့ၢ်ၦၤဟဲအိၣ်ဖျဲၣ်ထီၣ်လံၤလံၤ အိၣ်ဒီး ပျိၢ်ဃံ လၢအသ့ၣ်ဖးအဃိ ဘၣ်လဲၤတၢ်လၢ Wheel Chair လီၤ. Trevor တထံၣ်တၢ် မ့ၢ်လၢအမဲၥ်ချံအိၣ်ဒီးတ့ၣ်အဃိလီၤ. တံၤသကိးခံဂၤအံၤ သ့ၣ်ညါလီၤသးလၢ အဝဲသ့ၣ် လိၣ်ဘၣ် တဂၤဒီးတဂၤလၢ တၢ်ဟးသကိးကျဲ ဖဲ ကိၣ်လိၣ်ရၣ်ဒိၣ်(Colorado)အၦၢ်ပူၤလီၤ. ဖဲအဝဲသ့ၣ်ဟးကျဲန့ၣ် Trevor စိၥ် Melanie လၢအပျိၢ်လိၤ, ဖဲန့ၣ်အခါ Melanie နဲၣ်အီၤကျဲလၢ ကဘၣ်ဟးဝဲအဂီၢ်လီၤ. အဝဲသ့ၣ်ခံဂၤတဲလိၥ်အသးလၢအမ့ၢ် “တၢ်မံမီၣ်အကရူၢ်ကရၢ-ဒရံ(မ)ထံ(မ) The Dream Teamလီၤ.

စီၤပီလူးပၥ်ဖျါ ၦၤစူၢ်နၥ်ယ့ၣ်ၡူးလၢ အမ့ၢ်ကစၢ်ခရံၥ်အနီၢ်ခိ ဒ်ဒရံ(မ)ထံ(မ) အံၤ အသိးလီၤ. အဝဲသဆၣ်ထီၣ် ၦၤရိမ့ၤဖိတဖၣ်လၢ ကပၥ်သူၣ်ပၥ်သး အနီၢ်တဂၤဘၣ်တဂၤစုၥ်စုၥ် တၤလၣ်တဖၣ်န့ၣ် ကဲဘျုးလၢ ၦၤကရူၢ်အဂီၢ် ဒ်လဲၣ်အဂ့ၢ်လီၤ. ဒ်ပနီၢ်ခိနီၢ်ကစၢ်အံၤ ပၥ်ဖှိၣ်ကဲထီၣ်လၢ နီၢ်က့ၢ်ဂီၤတဖၣ် အါမးအသိး, က့ၢ်ဂီၤတခါတခါ အိၣ်ဒီးအတၢ်မၤန့ၣ်, ပမ့ၢ်နီၢ်တဂၤဃီလၢခရံၥ်ပူၤ ဒီးပတၤလၣ်တဖၣ်အံၤ ပကဘၣ်ဒိးသူလီၤလၢ ၦၤခဲလၢၥ် လၢအမ့ၢ် တၢ်အိၣ်ဖှိၣ်အဘျုးကအိၣ်အဂီၢ်လီၤ (ရိမ့ၤ ၁၂:၅). တၤလၣ်မ့မ့ၢ် ဒ်နီၤဟ့ၣ်တၢ်မ့ၢ်ဂ့ၤ, တၢ်သဆၣ်ထီၣ်, မ့တမ့ၢ် တၢ်သိၣ်လိတၢ်, မ့တမ့ၢ် သးအတၤသၣ်အဂုၤအဂၤ တမံၤမံၤဂ့ၤ, စီၤပီလူး မၤလိၥ်ၦၤလၢ ပကထံၣ်ပတၤလၣ် ယွၤဟ့ၣ်ၦၤတဖၣ်န့ၣ် လၢအမ့ၢ်တၢ်လၢအဘၣ်ဃးဒီး ၦၤဂုၤၦၤဂၤခဲလၢၥ်လီၤ (:၅-၆).

Melanie ဒီး Trevor တဖၣ် တသးစၢၢ်ဆၢဒၣ်လၢ တၢ်လၢအတအိၣ်ဒီးအီၤတဖၣ် အဂ့ၢ်ဘၣ်, တပၥ်ထီၣ်ထီစ့ၢ်ကီးအသးလၢ တၢ်လၢအအိၣ်ဒီးအီၤတဖၣ် လၢတၢ်ထိၣ်သတြီၤသးဒီးၦၤဂၤဘၣ်. မ့မ့ၢ်, အဝဲသ့ၣ်ဟ့ၣ်ထီၣ် အတၤလၣ်တဖၣ်ဆူၦၤဂၤ ဒ်သိးကမၤသကိးတၢ်, သ့ၣ်ညါလီၤက့ၤအသးလၢ တၢ်မၤသကိးတၢ်ခံဂၤအဃိ ကဲဘျုးဒိၣ်အါထီၣ်လၢခံဂၤလိၥ်အဂီၢ်န့ၣ်လီၤ.

မ်ပဝဲသ့ၣ်စ့ၢ်ကီး ပကပၥ်ဖှိၣ်ဃုၥ်လိၥ် တၤလၣ်ယွၤဟ့ၣ်ၦၤတဖၣ်ဒီး ပတၢ်အိၣ်ဖှိၣ်ဖိတဖၣ်လၢ ခရံၥ်အဃိတက့ၢ်.