ကၢဘရဲယၢး (Guy Bryant) မ့ၢ်ၦၤလၢအဖိအလံၤတအိၣ်, အိၣ်ဒၣ်ထဲတဂၤဧိၤ ဒီးမၤတၢ်လၢဝ့ၢ်နယူယီး (New York) တၢ်ကွၢ်ထွဲကဟုကယၥ်ဖိသၣ်ဝဲၤကျိၤန့ၣ်လီၤ. ကိးမုၢ်နံၤ အဝဲထံၣ်ဝဲလၢ တၢ်လိၣ်နးနးကလဲၥ်လၢ မိၢ်ပၢ်လၢအဲၣ်ဒိးလုၢ်ဖိ ကွၢ်ထွဲဖိသၣ်အဃိ ဒီးဆၢတဲၥ်ဝဲကမၤတၢ်တမံၤမံၤ လၢတၢ်လိၣ်ဘၣ်အံၤအဂီၢ်န့ၣ်လီၤ. အါန့ၣ်အနံၣ်တဆံအတီၢ်ပူၤ အဝဲကွၢ်ထွဲလုၢ်ဖိဝဲ ဖိသၣ်အဂၤ ယဲၢ်ဆံဘျဲၣ်န့ၣ်လီၤ. ဘၣ်တဘျီ အဝဲဘၣ်ကွၢ်ထွဲဝဲ ဖိသၣ်ခွံဂၤန့ၣ်လီၤ. “တဘျီလၢ်လၢ် ယမ့ၢ်ကွၢ်လၢယခိၣ်ယဃၢၤ ယထံၣ်ဘၣ်ဖိသၣ်တဂၤ မ့တမ့ၢ် တဂၤ လိၣ်ဘၣ်ဝဲဒၣ်လၢ ဟံၣ်ဃီလၢ ကအိၣ်ကဒုဝဲအဂီၢ်န့ၣ်လီၤ. အအံၤမ့ၢ်ဘရဲယၢၤ စံးကတိၤဝဲဒၣ်န့ၣ်လီၤ. “လၢနသးပူၤဒီးလၢနဟံၣ်ပူၤ တၢ်လီၢ်ဖိ မ့ၢ်အိၣ်တၢ်မၤဂ့ၤမၤစၢၤ ဖိသၣ်အတၢ်မၤအံၤ နတဘၣ်ဆိကမိၣ်တဂ့ၤ, မၤစၢ်ခီ”. ဖိသၣ်တဖၣ် လၢအဝဲကွၢ်ထွဲဝဲတဖၣ် ဒိၣ်ထီၣ် သူၣ်ထီၣ်အဟံၣ်အဃီဒၣ်0ဲတဖၣ် အိၣ်ဒီးဘရဲးယၢးအဟံၣ်ဒၢးနီၣ်ဝံာ်ခံအဃိ အဝဲသ့ၣ် ဟဲက့ၤဟးအိၣ်သကိး အီၣ်သကိးမုၢ်ဆါတၢ်အီၣ် ဖဲအိၣ်ဘှံးနံၤအကတီၢ် ယဟဲက့ၤစိၥ်ဃုၥ်ဒီး တၢ်အီၣ်တၢ်အီတဖၣ်န့ၣ်လီၤ. ဘရဲယၢး ပၥ်ဖျါထီၣ် ပၢ်အတၢ်အဲၣ်ဆူ ဖိသၣ်အါဂၤအဂီၢ်န့ၣ်လီၤ.

ကစၢ်ယွၤ ကလုၢ်ကထါ တဲဘၣ်ၦၤလၢ ကစၢ်ယွၤလူၤကွၢ်ဃု, ၦၤလၢဘၣ် တၢ်သးပ့ၤနီၣ်အီၤ ဒီးဘၣ်တၢ်စူးကွံၥ်ညိကွံၥ်အီၤ တဖၣ်န့ၣ်လီၤ. ၦၤစူၢ်က့ၤနၥ်က့ၤတၢ်ဖိတနီၤ ကထံၣ်လီၤအသးလၢ ဖှီၣ်ယၥ်လီၤထွံလီၤယွၤလၢ အတၢ်အိၣ်မူအပူၤ ဘၣ်ဆၣ် ကစၢ်ယွၤအတၢ်အၢၣ်လီၤကအိၣ်ဒီးအဝဲသ့ၣ်န့ၣ်လီၤ. “ကစၢ်ယွၤမ့ၢ်ၦၤဖိၣ်ဃဲဖိအပၢ်” (စံး ၆၈:၅) န့ၣ်လီၤ.

ပမ့ၢ်အိၣ်ဘၣ်ထဲတဂၤဧိၤလၢ ၦၤဂၤတကနၣ်ၦၤမ့ၢ်ဂ့ၤ လၢတၢ်သးအုးကတီၢ်မ့ၢ်ဂ့ၤ ကစၢ်ယွၤအိၣ်ဒီးၦၤ ဟဲတုၤဃီၤဆူ ပအိၣ်သုးဘူးၦၤ ဆူအအိၣ် ဒီးဟ့ၣ်ၦၤ တၢ်မုၢ်လၢ်န့ၣ်လီၤ. နီၢ်နီၢ်တခီ “ၦၤလၢ အအိၣ်သယုၢ်တဂၤဧိၤန့ၣ် ယွၤပၥ်ဝဲလၢဟံၣ် ပူၤလီၤ”(:၆). လၢကစၢ်ယ့ၣ်ၡူးအပူၤန့ၣ် ပနီၢ်သးအဟံၣ်ဖိဃီဖိအပူၤ ၦၤစူၢ်က့ၤနၥ်က့ၤတၢ်အဂၤတဖၣ်စ့ၢ်ကီး ပၥ်ဃုၥ်ဝဲဒၣ် န့ၣ်လီၤ.

တၢ်လၢပဟံၣ်ဒူၣ်ဃီထၢတၢ်ဂ့ၢ်သ့ၣ်တဖၣ်အပူၤ လၢအတၤတၢ်ဒီး ၦၤမ့ၢ်ဝဲ ပဘၣ်အိၣ်လီၤဖးဒီး ၦၤဂၤ, ပတၢ်စူးကွံၥ်ညိကွံၥ်သးတဖၣ် မ့တမ့ၢ်ဘၣ်ဒီး ပတၢ်ရ့လိၥ်ဘၣ်ထွဲလိၥ်သး တဘၣ်လိၥ်ဘၣ်စးမ့ၢ်ဂ့ၤ ပဘၣ်သ့ၣ်ညါဝဲဒၣ်လၢ ပဘၣ်တၢ်အဲၣ်ၦၤန့ၣ်လီၤ. ကစၢ်ယွၤအိၣ်ဒီးၦၤအဃိ ပတမ့ၢ်ဖိၣ်ဃဲဖိတဖၣ်လၢၤဘၣ်.