ဖဲ ခရံၥ်နံၣ် ၂၀၁၈ န့ၣ် ၦၤဒိၣ်တုၥ်ခိၣ်ၦဲၤတဖၣ်လၢ အဲကလံးကီၢ်စၢဖှိၣ်(United Kingdom)အပူၤတဖၣ် ဘၣ်တၢ်ဃုထံၣ်မၤလိ ဘၣ်ဃးဒီး အဝဲသ့ၣ်သုဝဲ ကွဲၤဒီနၢ်တနံၤအတီၢ်ပူၤ ၁၂ မံးနံး အစှၤကတၢၢ်တဘျီန့ၣ်လီၤ. ယနီၢ်ကစၢ်ဒၣ်ဝဲ ယဘၣ်ဃုတၢ်စံးဆၢတဖၣ်လၢ ကူၤကဲၤ(Google) အပူၤ မ့တမ့ၢ်ဘၣ်ဒီး ယဘၣ်စံးဆၢ လံၥ်ပရၢယ ကွဲၤဒီနၢ် အတၢ်ကိးတဖၣ်ဒီး လီအတၢ်ပရၢတဖၣ်လၢ အကတၢၢ်တသ့ဘၣ်တဖၣ်န့ၣ်လီၤ. ပဝဲၦၤအါဂၤ ထီဘိ ပကွၢ်ပကွဲၤဒီနၢ်လၢတၢ်နၥ်အပူၤ ဒုးအိၣ်ထီတၢ်လၢပဂီၢ် ဒ်အမ့ၢ်ပကအိၣ်သကိးရ့လိၥ်သး, တၢ်ဒိးန့ၢ်တၢ်ကစီၣ်ဒီးဆဲးကျိးလိၥ်သးန့ၣ်လီၤ.

ဒ်ပမ့ၢ်ၦၤလၢအနၥ် ကစၢ်ယ့ၣ်ၡူးခရံၥ်တဖၣ် ပအိၣ်ဒီးတၢ်လိၣ်အဂံၢ်ထံး လၢလၢၦဲၤၦဲၤလၢ အလၢၥ်တသ့အါန့ၢ်ပကွဲၤဒီနၢ်တဖၣ်န့ၣ်လီၤ. ကစၢ်ယွၤအဲၣ်ၦၤ, ကဟုကယာ်ၦၤ ဘူးဘူးတံၢ်တံၢ်ဒီး အဲၣ်ဒိးဝဲလၢပကဟဲဆူအအိၣ် ဖဲပလိၣ်ဘၣ်တၢ် တမံၤလၢ်လၢ်န့ၣ်လီၤ. လံၥ်စီဆှံစံးဝဲ ဖဲပဃ့ဘါထုကဖၣ်တၢ် ပကဘၣ်အိၣ်ဒီး တၢ်စူၢ်တၢ်နၥ် ထံထံဆးဆး, ဒီး ၁ယိၤဟၣ်သိၣ်တၢ် ၅:၁၄ ပၥ်ဖျါဝဲ “လၢပမ့ၢ်ဃ့တၢ်တမံၤမံၤ ဖဲတၢ်ဘၣ်အသးဒီး ကဒိကနၣ်ၦၤ” န့ၣ်လီၤ. ခီဖျိ ပဖးလံၥ်စီဆှံ ဒီးဟံးဃၥ်ကစၢ်ယွၤကလုၢ်ကထါလၢပသးအပူၤန့ၣ်ဒီး ကကဲထီၣ် တၢ်မၤလီၤတံၢ် ပတၢ်ဃ့ဘါထုကဖၣ်တၢ်သ့ၣ်တဖၣ်, ပသ့ၣ်ညါလၢ ကစၢ်ယွၤအဲၣ်ဒိး ပမၤန့ၢ်တၢ်မုၥ်တၢ်ပၢၤ, သးအတၢ်ကူၣ်သ့ဒီး တၢ်စူၢ်တၢ်နၥ်တဖၣ်လၢ ပတၢ်အိၣ်မူအပူၤ ဃုၥ်ဒီးတၢ်လၢပလိၣ်ဘၣ်တဖၣ် ကစၢ်ယွၤ ကကတဲၥ်ကတီၤန့ၢ်ၦၤလီၤ. (၁ ယိၤ ၅:၁၅).

ဘၣ်တဘျီဘျီ ပတၢ်အိၣ်မူအပူၤ တၢ်ဆီတလဲမ့ၢ်တအိၣ်အခါ ကဖျါဝဲဒၣ်ဒ်ကစၢ်ယွၤတဒိကနၣ် ပတၢ်ဃ့ဘါထုကဖၣ်န့ၣ်ဘၣ်. ဘၣ်ဆၣ် ထါစံးထီၣ်ပတြၢၤ ၁၁၆:၂ ပၥ်ဖျါဝဲ ပကကွၢ်တၢ်တထံၣ်ဃီ ဆူကစၢ်ယွၤအအိၣ် လၢတၢ်စူၢ်တၢ်နၥ်အဂၢၢ်အကျၢၤ ဒ်သိးကမၤစၢၤၦၤလၢ တၢ်မၤအသးခဲလၢၥ် အဖီခိၣ်န့ၣ်လီၤ. တၢ်အံၤဒုးကဲထီၣ်ၦၤ ဒ်သိး ပကဒိၣ်ထီၣ်အါထီၣ်လၢ ပတၢ်စူၢ်တၢ်နၥ်ကစၢ်ယွၤ ဒ်ပစံးတၢ်အသိးတၢ်လၢ ပအဲၣ်ဒိးမၤန့ၢ်တဖၣ် ပမၤတန့ၢ်သနၥ်က့ဒၣ်လဲၥ်အပူၤန့ၣ်လီၤ. ကစၢ်ယွၤအၢၣ်လီၤၦၤလၢ ကကတဲၥ်ကတီၤတၢ်တဖၣ်လၢ ပလိၣ်ဘၣ်တဖၣ်လၢ အကတီၢ်အကတီၢ်ဒၣ်ဝဲန့ၣ်လီၤ.